Connect with us

ព័ត៌មានជាតិ

យានយន្ត​ដើរ​ដោយ​ថាមពល​អគ្គិសនី​នៅ​កម្ពុជា​ ផ្ដើម​កើន​ឡើង​ច្រើន ​ខណៈរដ្ឋ​បន្ធូរបន្ថយពន្ធ​នាំចូល​ និង​ជំរុញ​ការ​ដំ​ឡើង​ស្ថានីយ​សា​ក​ថ្ម

បានផុស

នៅ

និន្នាការ​ប្រើប្រាស់​យានយន្តអគ្គិសនី​នៅកម្ពុជា​ចាប់ផ្ដើម​មានការកើន​ឡើងច្រើន ខណៈរដ្ឋបាន​បន្ធូរ​បន្ថយ​ពន្ធនាំចូលរថយន្ត និងម៉ូតូអគ្គិសនី ៥០ ភាគរយ​ ព្រមទាំងលើកទឹកចិត្ត​តាមរយៈ​ការបំពាក់​នូវ​ស្ថានីយ​សម្រាប់​បញ្ចូល​អគ្គិសនី ដោយ​ជំរុញឱ្យវិស័យឯកជន​តម្លើងស្ថានីយ​សាកថ្មយាន​យន្ត​អគ្គិ​សនីឱ្យបានច្រើន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ាង សុទ្ធាយុត្ត អ្នកនាំពាក្យក្រសួងសាធារណការ ប្រាប់កម្ពុជាថ្មី នៅថ្ងៃទី ០២ ខែមេសា នេះថា កន្លងមក​ថ្នាក់ដឹកនាំ​បានរាយការណ៍ជូនថា មាន​ការ​កើនឡើង​នូវការប្រើប្រាស់​យានយន្ត​ដើរដោយ​ថាមពល​អគ្គិសនី​រហូតទៅ​ដល់ ៧០០ ភាគរយក្នុងរយៈពេល៣ ខែដើមឆ្នាំ ២០២២ ប្រៀប​ធៀបរយៈពេលដូចគ្នាឆ្នាំ ២០២១។

លោកថា ការកើនឡើងនេះ​ដោយសារការជំរុញ លើកទឹកចិត្ត ការបន្ធូរបន្ថយពន្ធនាំចូល​តាមរយៈ​ការបំពាក់នូវស្ថានីយសម្រាប់បញ្ចូលអគ្គិសនី​ដោយក្រសួង​ ព្រមទាំងការជំរុញឱ្យវិស័យឯកជន​បំពាក់​ស្ថានីយបញ្ចូលអគ្គិសនីផងដែរ​ធ្វើឱ្យបងប្អូនប្រជាពលរដ្ឋអ្នកប្រើប្រាស់យានយន្តអគ្គិសនីនេះ កាន់​តែ​មានទំនុកចិត្ត ព្រោះការប្រើយានយន្តអគ្គិសនីនេះ កាត់បន្ថយទាំងជាតិពុល​នៅក្នុង​បរិយាកាស និង​កាត់បន្ថយការចំណាយរបស់ពួកគាត់ផងដែរ។

លោក ហ៊ាង សុទ្ធាយុត្ត បន្ថែមថា បច្ចុប្បន្នទីតាំងបញ្ចូល​អគ្គិសនីមិនទាន់មានគ្រប់​គ្រាន់​នឡើយទេ ប៉ុន្តែក្រសួងនៅតែខិតខំជំរុញ។ ម្យ៉ាងទៀត​ ការបញ្ចូលអគ្គិសនីដើរដោយពីរវិធី ទី១ គឺរថយន្តអគ្គិសនីនីមួយៗ មានដុំសាកថ្មមកដោយខ្លួនឯង ទី២ សាកតាមស្ថានីយ ដែលក្រសួង​បានបំពាក់ជូន ក៏ដូចជាតាមស្ថានីយប្រេងឥន្ធនៈមួយចំនួន គឺគេបាន​ចាប់ផ្ដើម​ដាក់បំពាក់បណ្ដើរៗ ដូច​ជានៅផ្សារអ៊ីអន ស្ថានីយប្រេងឥន្ធនៈកាល់តិច និងស្ថានីយប្រេងឥន្ធនៈ តូតាល់ជាដើម។

បើតាមលោក ហ៊ាង សុទ្ធាយុត្ត នេះជាគោលនយោបាយរួម មិនគ្រាន់តែសម្រាប់កម្ពុជាទេ គឺសម្រាប់ពិភពលោក​ទាំងមូល​កំពុងតែខិតខំធ្វើម៉េចឱ្យ​ការប្រើប្រាស់យានយន្តអគ្គិសនីនេះ មានចំនួនកាន់តែច្រើន​ហើយឈានទៅរក​ការបិទបញ្ចប់ការប្រើយានយន្តដោយឥន្ធនៈ ដែលធ្វើ​ឱ្យមានការប៉ះពាល់ទៅដល់បរិស្ថាន។

រដ្ឋមន្ត្រីក្រសួងសាធារណការ លោក ស៊ុន ចាន់ថុល កាលពីពេលថ្មីៗនេះ មានប្រសាសន៍ថា ការប្រើប្រាស់យានយន្ដ ម៉ូតូ និងម៉ូតូកង់បីដើរដោយថាមពលអគ្គិសនី នឹងមានការកើនឡើង​ច្រើននៅក្នុងពេលអនាគតនៅពេលដែលហេដ្ឋារចនាសម្ព័ន្ធបញ្ចូលថាមពលអគ្គិសនី ត្រូវបាន​ដំឡើងយ៉ាងទូលំទូលាយនៅទូទាំងប្រទេស ហើយប្រជាពលរដ្ឋកម្ពុជាមានការយល់ដឹងច្រើន​អំពីអត្ថប្រយោជន៍ផ្ទាល់ខ្លួនលើការប្រើប្រាស់យានយន្ដអគ្គិសនី។

ក្រសួងសាធារណការកំពុងធ្វើគោលនយោបាយ​ជំរុញការប្រើយានយន្តអគ្គិសនី ខណៈនេះ ក្រសួងបានធ្វើការជាមួយក្រសួងសេដ្ឋកិច្ច ពិភាក្សាដើម្បីបន្ថយ​ពន្ធនាំចូលនូវយានយន្ត​ទាំងឡាយ​ណា ដែលដើរដោយថាមពលអគ្គិសនី។ ការជំរុញបំពាក់ហេដ្ឋរចនាសម្ព័ន្ធស្ថានីយបញ្ចូលថាមពលអគ្គិសនី នៅកន្លែងដែលគ្រប់គ្រងដោយរដ្ឋ ទាំងកន្លែងដែលគ្រប់គ្រងដោយឯកជន។

លោក ហ៊ាង សុទ្ធាយុត្តបន្ថែមថា “វិស័យឯកជន​នៅតាមស្ថានីយប្រេងឥន្ធនៈមួយចំនួន ក៏ចាប់ផ្ដើម​ដើរ​ទាំងពីរហើយ កាលពីមុនគាត់ដើរតែប្រេងឥន្ធនៈទេ ប៉ុន្តែឥឡូវ គាត់ដើរជាមួយនឹង​ការបញ្ចូល​ថាមពល​អគ្គិសនីដែរ។ មិនត្រឹមតែរដ្ឋទេ ឯកជនក៏ចូលរួម ដែលមានសារសំខាន់ណាស់ ដែលជាអ្វី​ដែល​ក្រសួងបានធ្វើ និងជំរុញបន្ថែមទៀតឱ្យកាន់តែល្អប្រសើរ”។

លោក ហ៊ាង សុទ្ធាយុត្តបញ្ជាក់ថា ក្រសួងក៏ជជែកជាមួយក្រុមហ៊ុន ដឹកជញ្ជូនលើកទឹកចិត្តឱ្យពួកគាត់​ប្រើមធ្យោបាយដឹកជញ្ជូន​ដើរ​ដោយថាមពលអគ្គិសនី ជាពិសេស​ក្រុមហ៊ុនដឹកជញ្ជូនតូចៗ ដូចជាម៉ូតូ ម៉ូតូកង់បី រថយន្ត​ជាដើម។ ការប្រើម៉ូតូអគ្គិសនីនៅក្នុងក្រុងក៏មានច្រើន ដូច្នេះក្រសួងលើកទឹកចិត្ត​ចាប់ពីចំណុច​តូចរហូត​ដល់​ចំណុចធំ។

បើតាមរបាយការណ៍ របស់ក្រសួងសាធារណការបង្ហាញថា ចំនួនយានយន្តអគ្គិសនី ដែលបានចុះបញ្ជីកាលពីឆ្នាំ២០២០ មានចំនួនតែ០២គ្រឿងប៉ុណ្ណោះ ខណៈឆ្នាំ២០២១ យានយន្តអគ្គិសនីកើនដល់ ៦២ គ្រឿង ដោយឡែកនៅឆ្នាំ ២០២២ រយៈពេលតែ៣ខែប៉ុណ្ណោះ ការចុះបញ្ជីយានយន្តអគ្គិសនី មានរហូតដល់៤៧គ្រឿង កើនឡើង៦៧១% បើធៀបនឹងក្នុងរយៈពេលដូចគ្នា កាលពីឆ្នាំ២០២១៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

ពលរដ្ឋជាង៣០០គ្រួសារសំណូមពរអាជ្ញាធរពាក់ព័ន្ធទប់ស្កាត់ការបោះរបាំងចាប់ត្រីបំពានសេចក្តីសម្រេចរាជរដ្ឋាភិបាល

ព័ត៌មានជាតិ១០ ម៉ោង មុន

ពលរដ្ឋ​នៅ​ឃុំ​អូរសោម​​ ខេត្តពោធិ៍សាត់ ទទួល​បាន​សមិទ្ធផល​​ផ្លូវ​​បេតុង​​៦​ខ្សែ​

ព័ត៌មានជាតិ១០ ម៉ោង មុន

លោកជំទាវ ហ៊ុន ម៉ាណា អញ្ជើញ​ប្រគល់​ផ្ទះ​ទេវតា​១ខ្នង អណ្ដូងទឹកស្អាតចំនួន៣ និងប្រគេនទេយ្យវត្ថុដល់វត្តចំនួន៥វត្ត ក្នុង​ខេត្តកំពត

ព័ត៌មានជាតិ១៤ ម៉ោង មុន

ក្រសួងអប់រំនឹងបិទបញ្ជីឈ្មោះបេក្ខជនប្រឡងបាក់ឌុបនៅតាមរាជធានីខេត្តនៅថ្ងៃស្អែកនេះ

ជីវិតកម្សាន្ដ១៤ ម៉ោង មុន

CL និង តារាចម្រៀងជាច្រើនប្រចាំ កម្ពុជា អង្រួនឆាកក្នុងមហាព្រឹត្តិការណ៍ដ៏ធំ Vattanac All in Festival

Sokha Hotels

ព័ត៌មានពេញនិយម