Connect with us

ព័ត៌មានជាតិ

សម្ដេចតេជោ ហ៊ុន សែន ៖ ថ្ងៃនេះជាថ្ងៃទី ៤ហើយ ដែលកម្ពុជាគ្មានករណីឆ្លងជំងឺកូវីដ-១៩

បានផុស

នៅ

មានប្រសាសន៍ តាមរយៈសារជាសំឡេងពិសេស នៅពេលអញ្ជើញទៅដល់​សហរដ្ឋអាមេរិក ដើម្បីចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឲ្យដឹងថា ថ្ងៃនេះគឺជាថ្ងៃទី ៤ ហើយ ដែលប្រទេសកម្ពុជាគ្មានការឆ្លងជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោនាយករដ្ឋមន្ត្រី បានបញ្ជាក់យ៉ាងដូច្នេះថា «មកដល់ពេលនេះ ខ្ញុំបានទទួលរបាយការណ៍ពីក្រសួងសុខាភិ បាលមកថា នៅថ្ងៃនេះគឺជាថ្ងៃទី ៤ ហើយ ដែលយើងពុំមានការឆ្លងកូវីដ-១៩ សូម្បីតែមួយករណី ហើយករណីស្លាប់ក៏គ្មានដែរ ចំណែកអ្នកជំងឺនៅសល់ ២០នាក់ប៉ុណ្ណោះកំពុងព្យាបាល»។

បើតាមសម្ដេចតេជោ ហ៊ុន សែន នេះគឺជាជោគជ័យ នៃការចាក់វ៉ាក់សាំងរបស់យើង ដែលបានផ្ដល់ឲ្យយើងនូវសុវត្ថិភាពសម្រាប់ប្រជាជនគ្រប់រូប។ ជាមួយគ្នានោះសម្ដេចតេជោ ​​ក៏បានថ្លែងអំណរព្រះរាជគុណដល់ហ្លួងម៉ែ ក៏ដូចជាប្រជាពលរដ្ឋ ជនរួមជាតិ ដែលបានផ្ញើសារជូនពរចំពោះសម្ដេច ដែលបាន ដឹកនាំគណៈប្រតិភូ អញ្ជើញទៅចូលរួមកិច្ចប្រជុំខាងលើនេះ ផងដែរ៕

អត្ថបទ៖ កោះកែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម