Connect with us

ព័ត៌មានជាតិ

ក្រសួងអប់រំប្រើប្រាស់ប្រព័ន្ធគ្រប់គ្រងហិរញ្ញវត្ថុថ្មី គ្រប់គ្រងថវិកាប្រកបដោយតម្លាភាព

បានផុស

នៅ

ក្រសួងអប់រំ យុវជន និងកីឡា ចាប់ផ្តើមប្រើប្រាស់ប្រព័ន្ធគ្រប់គ្រងហិរញ្ញវត្ថុ (EFMS V3) ដែលជាប្រព័ន្ធមួយថ្មី ដើម្បីធានាបាននូវការគ្រប់គ្រងថវិកាប្រកបដោយប្រសិទ្ធភាព ស័ក្ដិសិទ្ធិភាព តម្លាភាព សុក្រឹតភាព និងគណនេយ្យភាព។ មុននឹងអនុវត្តជាផ្លូវការ ក្រសួងអប់រំ យុវជន និងកីឡា បានរៀបចំវគ្គបណ្ដុះបណ្ដាល ស្ដីពី ការប្រើប្រាស់ប្រព័ន្ធគ្រប់គ្រងហិរញ្ញវត្ថុ (EFMS V3) នេះជូនដល់អង្គភាពជំនាញទាំងអស់ក្រោមឱវាទក្រសួង ដែលប្រព្រឹត្តទៅក្នុងរយៈពេល០៤ថ្ងៃ ចាប់ពីថ្ងៃទី១៧ ដល់ថ្ងៃទី២០ ខែឧសភា ឆ្នាំ២០២២ នៅខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពិត ចំណាន រដ្ឋលេខាធិការ ក្រសួងអប់រំ យុវជន និងកីឡា មានប្រសាសន៍ក្នុងពិធីបើកវគ្គបណ្តុះបណ្តាលថា ការរៀបចំវគ្គបណ្ដុះបណ្ដាលនេះ ធ្វើឡើងក្នុងគោលបំណងដើម្បីផ្ដល់ចំណេះដឹង និងចំណេះធ្វើជូនអ្នកប្រើប្រាស់ប្រព័ន្ធគ្រប់គ្រងហិរញ្ញវត្ថុជំនាន់ទី៣ (EFMS V3) ដែលបានកសាង និងដាក់ឱ្យប្រើប្រាស់លើមុខងារសំខាន់ជាច្រើន ធានាឱ្យមានការប្រើប្រាស់ប្រកបដោយភាពរលូន និងប្រសិទ្ធភាពខ្ពស់។

លោករដ្ឋលេខាធិការ បានបន្តថា បច្ចេកវិទ្យាព័ត៌មានក្នុងការគ្រប់គ្រងហិរញ្ញវត្ថុនេះ មានសារៈសំខាន់ និងកំពុងដើរតួនាទីយ៉ាងសំខាន់សម្រាប់អង្គភាពជំនាញទាំងអស់ក្នុងរៀបចំផែនការថវិកា កត់ត្រារាល់ប្រតិបត្តិការនៃការអនុវត្តថវិកា ពិនិត្យតាមដាន និងគ្រប់គ្រងលើការប្រើប្រាស់ធនធានហិរញ្ញវត្ថុរបស់ក្រសួងអប់រំ យុវជន និងកីឡា ដោយប្រព័ន្ធផលិតបានជាស្វ័យប្រវត្តិកម្មនូវបញ្ជីរបាយការណ៍គណនេយ្យ និងរបាយការណ៍ហិរញ្ញវត្ថុ ដើម្បីពង្រឹងលើការគ្រប់គ្រងការងារហិរញ្ញវត្ថុឱ្យប្រកបដោយប្រសិទ្ធភាព ស័ក្ដិសិទ្ធិភាព តម្លាភាព សុក្រឹតភាព និងគណនេយ្យភាព។

លោករដ្ឋលេខាធិការ បានបន្តទៀតថា ប្រព័ន្ធ EFMS V3 នឹងក្លាយជាចំណែកមួយក្នុងការចូលរួមគាំទ្រដល់អង្គភាពថវិកាក្នុងការពិនិត្យតាមដានការអនុវត្តសកម្មភាពការងារ ដើម្បីបង្កើតបានជាលទ្ធផលជាក់លាក់ និងអាចវាស់វែងបាន ក្នុងការរួមចំណែកសម្រេចបានគោលនយោបាយរបស់ក្រសួងអប់រំ យុវជន និងកីឡា ព្រមទាំងចូលរួមកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈ (PFMRP) ដែលជាផ្នែកមួយនៃយុទ្ធសាស្ត្ររបស់រដ្ឋាភិបាលសម្រាប់ការអភិវឌ្ឍប្រទេស ដែលនឹងឈានទៅរកការអនុវត្តជំហានមូលដ្ឋានដំណាក់កាលទី៤ គឺបង្កើនគណនេយ្យភាពលើសមិទ្ធផល​ការងារ។

លោករដ្ឋលេខាធិការបានបន្ថែមទៀតថា លើសពីនេះទៅទៀត ការអភិវឌ្ឍប្រព័ន្ធនេះក៏បានត្រៀមលក្ខណៈទាំងនីតិវិធី និងបច្ចេកទេសក្នុងការធ្វើសន្ធានកម្មរវាងប្រព័ន្ធ (EFMS) និង (FMIS) ដើម្បីបង្កលក្ខណៈឱ្យកាន់តែមានភាពងាយស្រួលក្នុងការប្រើប្រាស់លើការកត់ត្រាទិន្នន័យ និងបញ្ជូនការអនុម័តក្នុងប្រព័ន្ធទាំងពីរ និងផ្ដល់សុក្រឹតភាពទិន្នន័យកាន់តែប្រសើរ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៣ នាទី មុន

សម្តេច​តេ​ជោ ហ៊ុន សែន​៖ កម្ពុជា​នៅតែ​ប្រឈម​គួរឱ្យ​ព្រួយបារម្ភ​ពី​ការប៉ុនប៉ង ផលិត កែច្នៃ និង​ប្រើប្រាស់​គ្រឿងញៀន

ព័ត៌មានជាតិ២ ម៉ោង មុន

សម្តេច​តេ​ជោ ហ៊ុន សែន សម្រេចយក​ដំណឹង​អំពី​មរណភាព​របស់​សម្តេច​ឧ​ត្ត​ម​ទេព​ញាណ ហ៊ុន ណេង ប្រាប់​បងប្រុស

កីឡា២ ម៉ោង មុន

វិសាខា ស៊ុត​២១​ជើង រហូត​បាន​យកឈ្នះ​ក្រុម​របស់​ហ្វីលីពីន Kaya ក្នុង​ប្រកួត​ដំបូង AFC Cup

សុខភាព៣ ម៉ោង មុន

មកដឹងវិធីសាស្ត្រមានប្រសិទ្ធភាព បើចង់ឱ្យខ្លួនឯង ឬញាតិមិត្តផ្ដាច់បារី ឬបារីអេឡិចត្រូនិច

កីឡា៤ ម៉ោង មុន

ផ្ទុះការចាប់អារម្មណ៍ខ្លាំង! កីឡាករបាល់ទាត់អាស៊ីម្នាក់ មុខស្រដៀង Ronaldo

Sokha Hotels

ព័ត៌មានពេញនិយម