ព័ត៌មានជាតិ

មានប្រជាពលរដ្ឋនៅទ្វីបអឺរ៉ុបប្រមាណ១៧០០នាក់កំពុងរង់ចាំទទួលសម្ដេចតេជោ ហ៊ុន សែន នៅប្រទេសស្វីស

បានផុស

៤ years មុន

នៅ

ថ្ងៃសុក្រ ២០ ឧសភា ២០២២

ដោយ

មានប្រសាសន៍តាមរយៈសារជាសំឡេង មុនចាកចេញទៅកាន់ប្រទេសស្វីស ដើម្បីចូលរួមវេទិកាសេដ្ឋកិច្ចពិភពលោក នាល្ងាចថ្ងៃទី២០ ខែឧសភា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលើកឡើងថា មានប្រជាពលរដ្ឋនៅទ្វីបអឺរ៉ុបប្រមាណ១៧០០នាក់ កំពុងរង់ចាំទទួលសម្ដេចនៅប្រទេសស្វីស ហើយនេះ គឺជាការសាមគ្គីភាពរវាងមេដឹកនាំ ជាមួយប្រជាពលរដ្ឋដែលរសស់នៅក្រៅប្រទេស។

សម្ដេចនាយករដ្ឋមន្ត្រីបានបញ្ជាក់ថា រហូតមកដល់ពេលនេះ មានប្រជាពលរដ្ឋនៅទ្វីបអឺរ៉ុបប្រមាណ១៧០០នាក់ កំពុងរង់ចាំទទួលសម្ដេចនៅល្ងាចថ្ងៃទី២១ ខែឧសភា។ សម្ដេចបានផ្ដាំផ្ញើប្រជាពលរដ្ឋ ដែលធ្វើដំណើរពីទីកន្លែងផ្សេងៗមកកាន់ប្រទេសស្វីស ធ្វើដំណើរដោយសុវត្ថិភាព និងប្រកបដោយក្តីសប្បាយរីករាយ។ សម្តេចថា នេះគឺជាការសាមគ្គីភាពរវាងមេដឹកនាំជាមួយប្រជាពលរដ្ឋនៅក្រៅប្រទេស ដែលសម្ដេចនឹងមានឱកាសជួបសំណេះសំណាល ជាមួយបងប្អូនជនរួមជាតិនៅឯក្រៅប្រទេស ហើយសម្ដេចបានថ្លែងអំណរគុណប្រជាពលរដ្ឋក៏ដូចជាព្រះសង្ឃ ដែលបានគាំទ្រសម្ដេច និងការដឹកនាំរបស់គណបក្សប្រជាជនកម្ពុជា ហើយបន្តដំណើរឈានទៅមុខទៀត ដើម្បីរក្សានូវសុខសន្តិភាពរក្សា និងអ្វីដែលកំពុងតែមាននៅក្នុងដៃកុំឲ្យបាត់បង់។

សូមបញ្ជាក់ថា សម្តេចអគ្គមហាសេនាបតីតេជោ ហ៊ុន សែន នឹងដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំប្រចាំឆ្នាំ២០២២ របស់វេទិកាសេដ្ឋកិច្ចពិភពលោក ក្រោមមូលបទ “ការត្រៀមខ្លួនសម្រាប់យុគសម័យក្រោយជំងឺកូវីដ” ដែលនឹងប្រព្រឹត្តទៅចាប់ពីថ្ងៃទី២២ ដល់ទី២៦ ខែឧសភា ឆ្នាំ២០២២ នៅទីក្រុងដាវ៉ស-ក្លូស្ទ័រ (Davos-Klosters) ៕

ដោយ ៖ កោះកែវ