ព័ត៌មានជាតិ
KOICA WITHHEBRON HMC និងស្រុកប្រតិបត្តិកំពង់ត្រឡាច បានរួមគ្នាធ្វើការពង្រឹងសមត្ថភាពនៃការបង្ការ និងឆ្លើយតបជម្ងឺឆ្លង
ដោយគម្រោងនេះស្ថិតនៅក្រោមកម្មវិធីកិច្ចសហប្រតិបត្តិការសង្គមស៊ីវិលនៃទីភ្នាក់ងារសហប្រតិបត្តិការអន្តរជាតិកូរ៉េ (KOICA) WITHHEBRON HMC និងស្រុកប្រតិបត្តិកំពង់ត្រឡាច បានរួមគ្នាធ្វើការពង្រឹងសមត្ថភាពនៃការបង្ការ និងឆ្លើយតបជម្ងឺឆ្លងដែលមានស្រាប់ និងគាំទ្រដល់រាជរដ្ឋាភិបាលកម្ពុជា ដោយអនុវត្តការបណ្តុះបណ្តាលដល់បុគ្គលិកសុខាភិបាល និងអ្នកជំនាញនៅថ្នាក់ស្រុក និងភូមិ។
សិក្ខាសាលាអប់រំលើកដំបូងបានធ្វើឡើងនៅមណ្ឌលអប់រំស្រុកកំពង់ត្រឡាច។ ភាគី WITHHEBRON/HMC ដឹកនាំដោយលោក Eunkyung Jin នាយកប្រតិបត្តិ WITHHEBRON ចំណែកស្រុកប្រតិបត្តិកំពង់ត្រឡាច ដឹកនាំដោយលោកបណ្ឌិត Lim Khun នាយកស្រុកប្រតិបត្តិកំពង់ត្រឡាច។ ក្នុងរយៈពេល 7 ថ្ងៃនៃវគ្គបណ្តុះបណ្តាល មានបុគ្គលិកមណ្ឌលសុខភាពចំនួន៣០នាក់ អ្នកស្ម័គ្រចិត្តគាំទ្រសុខភាពភូមិចំនួន២០២នាក់ និងបុគ្គលិកសុខាភិបាលមកពីមន្ទីរពេទ្យបង្អែកស្រុកកំពង់ត្រឡាចចំនួន២០នាក់ នឹងចូលរួមក្នុងការបង្កើនចំណេះដឹង និងការអនុវត្ត ដោយមានក្រុមគោលដៅផ្សេងៗគ្នា៖ រោគសញ្ញានៃជំងឺឆ្លងធំៗដែលទាមទារការឆ្លើយតបតាមមូលដ្ឋាន តម្រូវការ នៃយុទ្ធសាស្ត្រទំនាក់ទំនងហានិភ័យប្រកបដោយប្រសិទ្ធភាព និងការទុកដាក់កាកសំណល់វេជ្ជសាស្ត្រ។ មាតិកាទាំងនេះត្រូវបានរៀបចំ និងរៀបរៀងដោយលោកវេជ្ជបណ្ឌិត Hoon-Yong Jung មកពី DOCTOGETHER និងលោកវេជ្ជបណ្ឌិត Heuysun Suh មកពីមជ្ឈមណ្ឌលថែទាំសុខភាពអន្តរជាតិ Gill ហើយត្រូវបានត្រួតពិនិត្យ និងវាយតម្លៃដោយអ្នកជំនាញសុខភាពស្រុកប្រតិបត្តិកំពង់ត្រឡាច។
លោកវេជ្ជបណ្ឌិត Lim Khun មានប្រសាសន៍ថា “កិច្ចសហប្រតិបត្តិការប្រកបដោយផ្លែផ្កាជាមួយ KOICA និង WITHHEBRON/HMC នឹងជួយពង្រឹងសមត្ថភាពនៃការបង្ការ និងឆ្លើយតបជំងឺឆ្លង ដែលមានស្រាប់ ដើម្បីធានាបាននូវការបន្ត និងការពង្រឹងដល់បុគ្គលិកសុខាភិបាល និងអ្នកជំនាញ”។
លោកEunkyung Jin នាយកប្រតិបត្តិ WITHHEBRON បានមានប្រសាសន៍ថា “យើងមានសេចក្តីសោមនស្សរីករាយដែលអាចផ្តល់ និងគាំទ្រកម្មវិធីអប់រំចាំបាច់សម្រាប់បុគ្គលិកសុខាភិបាលនៅស្រុកកំពង់ត្រឡាច។ ខ្ញុំសង្ឃឹមថា ឱកាសនេះនឹងដើរតួនាទីជាគន្លឹះមួយក្នុងការពង្រឹងសុខភាពសាធារណៈក្នុងតំបន់”។
មជ្ឈមណ្ឌលវេជ្ជសាស្ត្រ ហេប្រុន (HMC) ដែលត្រូវបានបង្កើតឡើងក្នុងខែកញ្ញា ឆ្នាំ២០០៧ គឺជាអង្គការមិនរកប្រាក់ចំណេញដែលផ្តល់ជំនួយផ្នែកវេជ្ជសាស្ត្រសមរម្យទៅដល់ប្រជាពលរដ្ឋកម្ពុជាដែលខ្វះខាតចំនួន 60,000 នាក់ក្នុងមួយឆ្នាំៗ។ បច្ចុប្បន្ន HMC បើកដំណើរការបន្ទប់វះកាត់ចំនួន 3 បន្ទប់ ICU បន្ទប់សង្គ្រោះក្រោយវះកាត់ បន្ទប់លាងឈាម និងគ្រែអ្នកជំងឺចំនួន 100 រួមជាមួយនឹងការវះកាត់ធំ និងតូចចំនួន 700ករណី ជារៀងរាល់ឆ្នាំ។
WITHHEBRON ដែលមានមូលដ្ឋាននៅទីក្រុងសេអ៊ូល ប្រទេសកូរ៉េខាងត្បូង គឺជាអង្គការមិនរកប្រាក់ចំណេញដែលធ្វើការដើម្បីជួយទ្រទ្រង់មជ្ឈមណ្ឌលវេជ្ជសាស្ត្រហេប្រុន ដែលផ្តល់ជូននូវការថែទាំផ្នែកវេជ្ជសាស្ត្រប្រកបដោយគុណភាពទៅដល់ជនក្រីក្រតាមរយៈការស្រាវជ្រាវ និងការអភិវឌ្ឍន៍ប្រកបដោយនិរន្តរភាព៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង