ព័ត៌មានជាតិ

សម្តេចតេជោ ហ៊ុន សែន រងការវាយប្រហារផ្លូវចិត្តខ្លាំង ក្រោយបងប្រុសលើកដៃចង្អុលទៅរករូបថតបងប្អូន៦នាក់ ការពិតនៅសល់តែ៥នាក់

បានផុស

២ years មុន

នៅ

ថ្ងៃសុក្រ ២៧ ឧសភា ២០២២

ដោយ

តាមរយៈបណ្តាញសង្គមហ្វេសបុកសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានរងការវាយប្រហារផ្លូវចិត្តខ្លាំង ក្រោយបងប្រុសសម្តេចលើកដៃចង្អុលទៅរករូបថតបងប្អូន៦នាក់ តែពុំបានដឹងថាពេលនេះនៅសល់តែ៥នាក់។

សម្តេចបានសរសេរថា “ល្ងាចនេះទៅសួរសុខទុក្ខបងទីមួយ(លោក ហ៊ុន សាន) ដែលទើបវិលត្រឡប់ពីទីក្រុងបាងកកប្រទេសថៃក្រោយការវះកាត់។ ទោះបីសុខភាពគាត់ប្រសើរជាងមុនក្តីតែខ្ញុំនៅតែមិនទាន់ហ៊ានប្រាប់គាត់ពីមរណភាពបងប្រុសទីពីរនៅឡើយ។ ២ថ្ងៃមុននេះជាខួបលើកទី៩ឆ្នាំនៃមរណភាពភរិយារបស់គាត់ដែលត្រូវជាបងថ្លៃរបស់ខ្ញុំ ប្រសិនខ្ញុំជំរាបគាត់ពីរឿងមរណភាពបងទីពីរទៀតប្រហែលគាត់ពិបាកទទួល”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចបន្តថា “ខ្ញុំក៏ទទួលរងនូវការវាយប្រហារខាងផ្លូវចិត្តខ្លាំងណាស់ដែរនៅពេលដែលបងប្រុសខ្ញុំលើកដៃចង្អុលទៅរករូបថតដែលបងប្អូនខ្ញុំទាំង៦នាក់ថតជាមួយឪពុកខ្ញុំហើយនិយាយថាបងប្អូនយើងមាន៦នាក់ប្រុស៣នាក់ស្រី៣នាក់ប្រុស៣នាក់ដំបូងទើបមានស្រី៣នាក់ជាក្រោយដោយពុំមានឆ្លាស់គ្នាស្រី និងប្រុសនោះទេតែគាត់ពុំបានដឹងថាពេលនេះនៅសល់តែ៥នាក់នោះឡើយ។ទឹកភ្នែកខ្ញុំស្ទើរតែហូរចេញមកហើយខ្ញុំបែរមុខទៅម្ខាងនិងងាកមកវិញបបួលគាត់ដូរនាឡិកាដៃដើម្បីបញ្ចប់នូវរឿងសោកសៅ។