Connect with us

ព័ត៌មានជាតិ

រដ្ឋបាល​ខេត្តសៀមរាប​ប្រជុំពិនិត្យ​ធ្វើការកាត់ឆ្វៀលដីតំបន់ ៣ ជូនពលរដ្ឋអាស្រ័យផល

បានផុស

នៅ

នៅថ្ងៃទី ៣១ ខែឧសភាឆ្នាំ២០២២ ​លោក ទៀ សីហា ​អភិបាលនៃគណៈអភិបាល​ខេត្តសៀមរាប​ បាន​ដឹកនាំប្រជុំត្រួតពិនិត្យ​ដើមី្បធ្វើការកាត់ឆ្វៀលដី​តំបន់៣ ជូនប្រជាពលរដ្ឋអាស្រ័យផលដែលរស់នៅមុនឆ្នាំ ២០១២ តាមបទ​បញ្ជារបស់​សម្ដេច​តេជោ ហ៊ុន សែន នាយករដ្ឋមន្ត្រីកម្ពុជា។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​នៅក្នុងកិច្ចប្រជុំនេះ​ ដោយមានសមាសភាពចូលរួមពីគណៈអភិបាលខេត្ត នាយ​ករដ្ឋបាល​សាលា​ខេត្ត ទីចាត់ការ និងអាជ្ញាធរក្រុង ស្រុក ឃុំ សង្កាត់ផងដែរ។

តាមរបាយការណ៍របស់លោកប្រធានមន្ទីររៀបចំដែនដីនគរូបនីយកម្ម សំណង់ និង សុរិយោដីខេត្ត ធ្វើការបង្ហាញ នូវ គំនូសប្លង់ដីនៅតំបន់៣ជាប់បឹងទន្លេសាប ដើមី្បសុំគោលការណ៍​កាត់ឆ្វៀលចេញជូន​ប្រជាពលរដ្ឋ ទៅតាមភាពជាក់ស្តែង ដែលពួកគាត់រស់នៅជាអចិន្ត្រៃយ៍ និងប្រើប្រាស់អាស្រ័យផលក្នុងមូលដ្ឋាន ដែលមានក្រុង ស្រុក៦ ជាប់បឹងទន្លេសាប មាន ស្រុកជី​ក្រែង សូទ្រនិគម ប្រាសាទបាគង ក្រុងសៀមរាប ស្រុកពួក និងស្រុកក្រឡាញ់ ដែលមានផ្ទៃដី​ប៉ះពាល់ចំនួន សរុប ៣ពាន់២៤១ហិកតា និងកាត់ឆ្វៀលកន្លងមកមានទំហំ៨ពាន់៦៨៦ ហិកតា។

ក្នុងនោះដែរក៏បានធ្វើការបង្ហាញនូវទីតាំង ដែលប្រជាពលរដ្ឋ រស់នៅជាអចិន្ត្រែយ៍ និង អាស្រ័យផលស្ថិតនៅក្នុងដីតំបន់៣ មានឃុំ ពោធិទ្រាយ ស្រុកពួក សង្កាត់ចុងឃ្នៀស ក្រុងសៀមរាប ឃុកំពង់ភ្លុក ស្រុកប្រាសាទបាគង និង ឃុំកំពង់ឃ្លាំង ស្រុកសូទ្រនិគម នៃខេត្តសៀមរាបរាប។

ក្នុងកិច្ចប្រជុំនោះដែរ លោកមេឃុំ និងចៅសង្កាត់ ក៏បានសំណូមពរដល់អាជ្ញាធរខេត្ត ក៏ដូចប្រមុខ​រាជរដ្ឋាភិបាល សូមធ្វើការកាត់ឆ្វៀលជូនពួកគាត់ ឲ្យមានសិទ្ធិបានកាន់កាប់ស្របច្បាប់នឹងគេ។

លោក ទៀ សីហា ក៏បានធ្វើការអំពាវនាវដល់អាជ្ញាធរ និងសមត្ថកិច្ចព្រមទាំងមន្ទីរជំនាញ បង្កើន​នូវ​កិច្ច​សហការគ្នាឡើង​ថែមទៀត សំខាន់មានការស្អិតរមួតជាមួយប្រជាពលរដ្ឋ ស្របទៅតាមការដឹក​នាំនិងការចង់បានរបស់រាជរដ្ឋាភិបាល។

ក្នុងនោះឯកឧត្តមក៏បានជម្រុញដល់មន្ទីរជំនាញ ពន្លឿន​ការ​ងារកាត់ឆ្វៀលដីនៅក្នុងតំបន់៣នេះ ដើមី្បប្រមូលផ្តុំដាក់ជូនទៅឯកឧត្តមឧបនាយករដ្ឋមន្ត្រី ជូនទៅសម្តេចនាយករដ្ឋមន្ត្រី ។

ចំពោះទំហំដីដែលត្រូវកាត់ឆ្វៀលជូនពលរដ្ឋនៅខេត្តសៀមរាប អភិបាលខេត្តសៀមរាបបញ្ជាក់ថា មិនទាន់ដឹងនៅឡើយទេ ដោយអាជ្ញាកំពុងធ្វើការវ៉ាស់វែងប្លង់គោល សុំការសម្រេចពីប្រមុខដឹកនាំ​រាជរដ្ឋាភិបាល៕

​អត្ថបទ៖គឿនវេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១៥ នាទី មុន

ផ្ទះបាយភូមិខ្មែរ ម៉ាកយីហោខ្មែរថ្មី តែមានឆន្ទៈយ៉ាងមោះមុត ក្នុងការចូលរួមអភិរក្ស និងអភិវឌ្ឍន៍ម្ហូបខ្មែរ កេរដំណែលជាតិ

សុខភាព២៥ នាទី មុន

កម្ពុជា លើកទឹកចិត្ត KOFIH កូរ៉េ ពង្រីកវិសាលភាពកាត់បន្ថយអត្រាមរណៈភាពទារក កុមារ

ព័ត៌មានអន្ដរជាតិ៣០ នាទី មុន

ចិន សម្រេចដកពន្ធស្រាពី អូស្ត្រាលី ដែលធ្លាប់រកាំរកូសកាល ៣ ឆ្នាំមុន

ព័ត៌មានជាតិ៤៦ នាទី មុន

មន្ត្រីជំនាញបារម្ភ កសិករប្រើប្រាស់ថង់ប្លាស្ទិក បង្កទៅជាសំរាមប៉ះពាល់ដល់ដីកសិកម្ម

សន្តិសុខសង្គម១ ម៉ោង មុន

អាជ្ញាធរស្រុកអូររាំងឪថា ចុះរៀបចំសណ្តាប់ធ្នាប់រហូត តែផ្លូវខាងក្រោយផ្សារ នៅតែចង្អៀតដដែល

Sokha Hotels

ព័ត៌មានពេញនិយម