ព័ត៌មានជាតិ
មន្ត្រីជាន់ខ្ពស់សុខាភិបាលឱ្យពលរដ្ឋប្រុងប្រយ័ត្នចំពោះការប្រើប្រាស់ផលិតផលថែរក្សាសម្រស់និងកែសម្ផស្ស
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានណែនាំឱ្យពលរដ្ឋមានការប្រុងប្រយ័ត្នខ្ពស់ចំពោះការប្រើប្រាស់ផលិតផលថែរក្សាសម្រស់ និងការកែសម្ផស្សដើម្បីចៀសវាងកុំឲ្យប៉ះពាល់ដល់សុខភាព។
ការណែនាំនេះបានធ្វើឡើងបន្ទាប់ពីវិស័យកែសម្ផស្សនៅកម្ពុជាមានការផុលផុសខ្លាំងហើយទន្ទឹមនឹងនេះក៏មានមានហាងកែសម្ផស្សមួយចំនួនតូចបានប្រើប្រាស់ផលិតផល និងការកែសម្ផស្សមិនមានលក្ខណៈស្តង់ដាត្រឹមត្រូវ ដែលនាំឲ្យមានហានិភ័យដល់អ្នកប្រើប្រាស់។
លោកស្រីបានមានប្រសាសន៍នៅរសៀលថ្ងៃទី ១៩ មិថុនានេះថា ការកែសម្ផស្សគឺជាការធ្វើឱ្យខុសពីទ្រង់ទ្រាយធម្មជាតិនៅលើសរីរាង្គរបស់មនុស្ស។ដូច្នេះការធ្វើឱ្យខុសទ្រង់ទ្រាយធម្មជាតិនៅលើសរីរាង្គមនុស្សហើយទាមទារឱ្យមានការប្រុងប្រយ័ត្នក៏ដូចជាតម្រូវឱ្យមានបច្ចេកទេសច្បាស់លាស់ក្នុងការកែទ្រង់ទ្រាយសរីរាង្គ។
លោកស្រីបានបន្តថា ការរក្សាឬការកែសម្ផស្សដើម្បីឱ្យមានភាពស្អាតបាតនេះលោកស្រីសូមឱ្យបងប្អូនប្រជាពលរដ្ឋគិតគូរពិចារមុននឹងសម្រេចចិត្តក្នុងការកែសម្ផស្សនេះហើយម្យ៉ាងវិញទៀតត្រូវពិនិត្យមើលទីតាំងឬទីកន្លែងដែលត្រូវទៅកែសម្ភស្សនេះគឺចាំបាច់ត្រូវឱ្យមានអ្នកបច្ចេកទេសត្រឹមត្រូវក្នុងការកែសម្ផស្សនេះដើម្បីការពារសុខភាពរបស់ខ្លួនចៀសវាងកុំឱ្យផលប៉ះពាល់ទៅថ្ងៃក្រោយព្រោះថាការកែសម្ផស្សខ្លះឃើញស្អាតភ្លាមៗតែរយៈពេលទៅមុខយូរទៀតទៅវានឹងមានបញ្ហាកើតឡើង។
លោកស្រីបានណែនាំថាដូច្នេះសូមមានការប្រុងប្រយ័ត្នមែនទែនរឿងនេះហើយត្រូវជ្រើសរើសទីតាំងមានច្បាប់ត្រឹមត្រូវពីក្រសួងសុខាភិបាលនិងមានអ្នកបច្ចេកទេសច្បាស់លាស់ពិសេសផិតផលប្រើប្រាស់ត្រូវមានចុះបញ្ជិកាត្រឹមត្រូវពីក្រសួងសុខាភិបាលដើម្បីចៀសវាងប្រើប្រាស់ផលិតផលផ្សេងៗដែលធ្វើឱ្យប៉ះពាល់ដល់សុខភាពប្រជាជនយើងក្នុងការកែសម្ផស្សនិងប្រើប្រាស់នៅលើសរីរាង្គរបស់មនុស្សនេះ។
លោកស្រីបានបន្ថែមថាត្រង់ចំណុចនេះក្រសួងសុខាភិបាលតែងតែណែនាំនិងមានច្បាប់ទម្លាប់នៅក្នុការបើកប្រកបអាជីវកម្មជ្ឈមណ្ឌលឬគ្លិនិកកែសម្ផស្សជាដើម។
លោកស្រីបានអំពាវនាវដល់អ្នកប្រកបរបរកែសម្ផស្សសូមអនុវត្តឱ្យបានត្រឹមត្រូវតាមបច្ចេកទេសនិងច្បាប់ដែលមានជាធរមាននិងលើកទឹកចិត្តឲ្យអ្នកចូលចិត្តកែសម្ផស្សត្រូវប្រើប្រាស់ផលិតផលគ្រឿងសម្អាងទាំងឡាយណាដែលមានលេខប្រវេទន៍ត្រឹមត្រូវពីក្រសួងសុខាភិបាលដើម្បីចៀសវាងនូវផលិតផលក្លែងក្លាយឬ គ្មានគុណភាព ឬផលិតផលហាមឃាត់ដែលអាចធ្វើឲ្យមានគ្រោះថ្នាក់ដល់អាយុជីវិត៕
អត្ថបទ៖ សំអឿន
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)