Connect with us

ព័ត៌មានជាតិ

លោកជំទាវ ម៉ែន សំអន គាំទ្រគំនិតផ្តួចផ្តើម បង្កើតសាកលវិទ្យាល័យគិលានុបដ្ឋាកនៅកម្ពុជា

បានផុស

នៅ

លោកជំទាវ ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ ទំនងជាមួយរដ្ឋសភា-ព្រឹទ្ធសភា និងអធិការកិច្ច បានគាំទ្រ និងសាទរគំនិតផ្តួចផ្តើមរបស់ក្រុមហ៊ុន Booyoung Group ក្នុងការបង្កើតសាកលវិទ្យាល័យគិលានុបដ្ឋាកនៅកម្ពុជា។ លោកជំទាវ ម៉ែន សំអន ថ្លែងបែបនេះ ខណ:ដែលលោក លី ជុង គឿន Lee Joong Keun ប្រធានក្រុមហ៊ុន ប៊ូយុង គ្រុប Booyoung Group ត្រូវបានលោកជំទាវអនុញ្ញាតឲ្យចូលជួបសំដែងការគួរសម និងពិភាក្សាការងារ កាលពីថ្ងៃទី ២៣ ខែមិថុនា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លី ជុងគឿន លើកឡើងអំពីវឌ្ឍនភាពរបស់ក្រុមហ៊ុន ប៊ូយ៉ុង គ្រុប ចាប់តាំងពីចាប់ផ្តើមវិនិយោគនៅកម្ពុជា។ ក្នុងនោះផងដែរ លោកក៏បានសំដែងនូវការអរគុណ និងកោតសសើរចំពោះការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដឹកនាំប្រទេសមានការអភិវឌ្ឍដូចសព្វថ្ងៃនេះ ជាពិសេសបានជំរុញ និងលើកទឹកចិត្តដល់អ្នកវិនិយោគ។ លោក លី ជុងគឿន បានបន្តទៀតថា លោកមានបំណងបង្កើតសាកលវិទ្យាល័យគិលានុបដ្ឋាកនៅកម្ពុជា ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការបណ្តុះបណ្តាលវិស័យជំនាញដល់ប្រជាពលរដ្ឋកម្ពុជា។

លោកជំទាវ ក៏បានកោតសរសើរដល់ក្រុមហ៊ុន ប៊ូយុង ដែលបានសម្រេចចិត្តបណ្តាក់ទុនវិនិយោគនៅព្រះរាជាណាចក្រកម្ពុជា និងបានដំណើរការអាជីវកម្មរបស់ខ្លួនបានយ៉ាងល្អ បើទោះបីស្ថិតក្នុងដំណាក់កាលប្រយុទ្ធប្រឆាំងនឹងជំងឺកូវីដ​-១៩យ៉ាងណាក៏ដោយ ដែលសកម្មភាពទាំងនេះអាចចាត់ទុកថា ជាគម្រូមួយដល់ក្រុមហ៊ុនបរទេសផ្សេងៗទៀត ជាពិសេសក្រុមហ៊ុនកូរ៉េនៅកម្ពុជា។

ជាក់ស្តែងសម្រាប់ក្រុមហ៊ុន ប៊ូយ៉ុង នៅកម្ពុជា គឺមានអាជីវកម្មពហុវិស័យ (អភិវឌ្ឍន៍បុរីលំនៅដ្ឋាន ធនាគារ សណ្ឋាគារ និងក្លឹបកូនគោល)។ ក្រៅពីធ្វើអាជីវកម្ម ក្រុមហ៊ុនបានផ្តល់ជាជំនួយដល់វិស័យមនុស្សធម៌ និងសង្គមយ៉ាងច្រើននៅកម្ពុជា ជាពិសេសការជួយក្នុងវិស័យអប់រំផងដែរ។ ចំណែកការបង្កើតសាកលវិទ្យាល័យគិលានុបដ្ឋាក គឺលោកជំទាវ បានគាំទ្រយ៉ាងពេញទំហឹង ចំពោះការបង្កើតសាកលវិទ្យាល័យមួយនេះនៅកម្ពុជា។ លោកជំទាវ ក៏បានជូនពរឲ្យក្រុមហ៊ុនប៊ូយ៉ុង ក្រោមការដឹកនាំរបស់លោក លី ជុងគឿន កាន់តែទទួលជោគជ័យ និងទទួលបានការគាំទ្រពីអតិថិជនបន្ថែមទៀតផងដែរ៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៧ នាទី មុន

ចូលរោងការស្អែក កូនក្រមុំ Weir បញ្ចេញរូប Pre-Wedding បន្ថែម

ព័ត៌មានជាតិ១ ម៉ោង មុន

អង្គការទេសចរណ៍ពិភពលោក កោតសរសើរចំពោះការសម្រេចចិត្តរបស់រដ្ឋាភិបាលកម្ពុជា

សេចក្ដីជូនដំណឹង២ ម៉ោង មុន

ប្រជាពលរដ្ឋ​នៅ​ខណ្ឌដង្កោ បាត់​លិខិត​ផ្ទេរសិទ្ធិ​កាន់កាប់​ប្រើប្រាស់​ដីធ្លី និង​ផ្ទះសម្បែង​ច្បាប់ដើម​១ និង​មិន​ទទួលខុសត្រូវ​ចំពោះ​អ្នក​ដែល​រើស​បាន ហើយ​យកទៅ​ប្រើប្រាស់​ខុសច្បាប់

ព័ត៌មានអន្ដរជាតិ៣ ម៉ោង មុន

ម៉ិកស៊ិក ចាប់ស្ដេចគ្រឿងញៀនដ៏ល្បីឈ្មោះ ដែលធ្លាប់សម្លាប់ភ្នាក់ងារ អាមេរិក កាលជិត ៤០ ឆ្នាំមុន

ព័ត៌មានអន្ដរជាតិ៤ ម៉ោង មុន

អឺរ៉ុប “កំពុងបាញ់សួតខ្លួនឯង” ពីការដាក់ទណ្ឌកម្មលើ រុស្ស៊ី

Sokha Hotels

ព័ត៌មានពេញនិយម