ព័ត៌មានជាតិ
អ្នកសារព័ត៌មាន ១៥ អង្គភាព ជួបពិភាក្សាគ្នាយល់ដឹងពីសិទ្ធិ និងច្បាប់ស្តីពីរបបសារព័ត៌មាន
អង្គការជំនួយផ្នែកច្បាប់នៃកម្ពុជា( LAC )ក្រោមកិច្ចសហការជាមួយរដ្ឋបាលសាលាខេត្ត និងមន្ទីរព័ត៌មានខេត្តរតនគិរី បានរៀបចំកិច្ចប្រជុំពិភាក្សាមួយ រវាងអ្នកសារព័ត៌មានជាមួយអង្គភាព ពាក់ព័ន្ធស្វែងយល់ឲ្យកាន់តែច្បាស់ពីសិទ្ធិ និងការអនុវត្តច្បាប់ របបសារព័ត៌មាន។ កិច្ចប្រជុំនេះបានធ្វើឡើងនៅព្រឹកថ្ងៃទីថ្ងៃទី២៤ ខែមិថុនា ឆ្នាំ២០២២ លោក ឌុច ចាន់តូ អភិបាលរងខេត្ត និងលោក កុល ផាន់ណា ទីប្រឹក្សាក្រសួងព័ត៌មាន និងជាប្រធានមន្ទីរព័ត៌មានខេត្តរតនគិរី។
លោកមេធាវី អ៊ុន ច័ន្ទថុល តំណាងនាយកប្រតិបត្តិ នៃអង្គការជំនួយផ្នែកច្បាប់នៃកម្ពុជាបានលើកឡើងថា កិច្ចប្រជុំរយៈពេល១ព្រឹកនេះមានគោលបំណង ផ្តល់ជូនបន្ថែមដល់អ្នកសារព័ត៌មាន និងមន្ត្រីអនុវត្តច្បាប់ពាក់ព័ន្ធក្នុងខេត្តរតនគិរី ឲ្យបានយល់ដឹងកាន់តែច្បាស់អំពីសិទ្ធិ និងច្បាប់ស្តីពី របបសារព័ត៌មាន និងការប្រកាន់យករបស់អ្នកសារព័ត៌មាន អំពីក្រមសីលធម៌ វិជ្ជា ជីវៈ របស់ខ្លួន អនុវត្តឲ្យស្របតាម ទិដ្ឋភាពច្បាប់ និងលិខិតបទដ្ឋានគតិយុត្តិនានា ដែលមានជាធរមាន ស្របពេលដែលវិស័យ ព័ត៌មាននៅកម្ពុជា មានការរីកចម្រើន ហើយ ចំនួន អ្នកប្រើប្រាស់ប្រព័ន្ធបណ្តាញសង្គមនានា កាន់តែមានចំនួនកើនឡើងឥតឈប់ឈរផងនោះ។
លោក កុល ផាន់ណា ទីប្រឹក្សាក្រសួង ព័ត៌មាន និងជាប្រធានមន្ទីរព័ត៌មានខេត្តរតនគិរី បានលើកឡើងថា ពីកិច្ចខិតខំប្រឹងប្រែងរបស់មន្ទីរព័ត៌មាន ក៏ដូចជាអង្គភាពសារព័ត៌មាននានាក្នុងការផ្តល់ព័ត៌មាន និងការទំនាក់ទំនងរវាងប្រជាពលរដ្ឋ ជាមួយសង្គម សេដ្ឋកិច្ចជាតិ និង អន្តរជាតិ តាមរយៈ ការមើល ការអាន ការ ស្តាប់ ពីបណ្តាញផ្សព្វផ្សាយនានាបានយ៉ាងទូលំទូលាយ។
លោក ឌុច ចាន់តូ អភិបាលរងខេត្តរតនគិរី បានបញ្ជាក់ថា បច្ចុប្បន្ននេះវិស័យព័ត៌មាន នៅក្នុងខេត្តរតនគិរី ជាពិសេសនៅក្នុងព្រះរាជាណាចក្រកម្ពុជា កំពុងមានសន្ទុះរីកចម្រើនគួរជាទីមោទនៈ។ ហើយជាមួយនឹងការរីកចម្រើននៃវិស័យ ព័ត៌មាននេះ ក៏នៅមានទាំងចំណុចវិជ្ជមានផង និងអវិជ្ជមានផងដែរ។ មានភាពវិជ្ជមានជាច្រើននៃវិស័យព័ត៌មាន ដោយសារប្រជាពលរដ្ឋអាចទទួលបានដំណឹងផ្សេងៗ ដែលពាក់ព័ន្ធ នឹងស្ថិរភាព នយោបាយ សន្តិសុខ និងសុវត្ថិភាពសង្គម ស្ថានភាពសេដ្ឋកិច្ច និងការអប់រំផ្សេងៗ។
លើសពីនេះអង្គភាពសារព័ត៌មានក៏ជាស្ពានចម្លងនូវរាល់សំណូមពរ បញ្ហា មតិយោបល់ រវាងប្រជាពលរដ្ឋជាមួយរាជរដ្ឋាភិបាល និងពីរាជរដ្ឋាភិបាល មកប្រជាពលរដ្ឋវិញបានដឹង និងធ្វើការដោះស្រាយ។ ហើយជាមួយគ្នានេះ ភាពអវិជ្ជមានក៏កើតមានញឹកញាប់ដែរ ដោយហេតុថាស្ថាប័នព័ត៌មាន ឬបុគ្គលព័ត៌មានខ្លះ ផ្សព្វផ្សាយព័ត៌មានរបស់ខ្លួនខ្វះប្រភព មានលក្ខណៈមិនពិត បំពុល និងបំផ្លើស ហើយមាន គោលបំណងទាញផលចំណេញខាងនយោបាយ ពីប្រព័ន្ធផ្សព្វផ្សាយនោះ នឹងធ្វើឲ្យប្រជាពលរដ្ឋ មានការយល់ច្រឡំចំពោះ រាជរដ្ឋាភិបាល និងអាជ្ញាធរមានសមត្ថកិច្ច ធ្វើឲ្យប្រជាពលរដ្ឋ មានការថ្នាំងថ្នាក់ជាមួយអាជ្ញាធរមូលដ្ឋាន និងថ្នាក់ដឹកនាំ។
លោក ឌុច ចាន់តូ បានជំរុញដល់អ្នកសារព័ត៌មានដែលបានចូលរួម ប្រឹងប្រែងស្តាប់ការពន្យល់បកស្រាយរបស់វាគ្មិន និងពិភាក្សាសួរនាំឲ្យស្រប ទៅតាមចំណុចនៃប្រធានបទក្នុងកិច្ចប្រជុំ និងសង្ឃឹមថាក្រោយបញ្ចប់កិច្ចប្រជុំដែលមានរយៈពេលមួយព្រឹកនេះ អ្នកសារព័ត៌មាន និងមន្ត្រីអនុវត្តផ្នែកច្បាប់ នឹងយល់កាន់តែច្បាស់អំពីតួនាទីភារកិច្ច ក្នុងការអនុវត្តច្បាប់ របបសារព័ត៌មាន ស្របទៅតាមក្រមសីលធម៌ វិជ្ជាជីវៈរៀងៗខ្លួន៕
អត្ថបទ៖ វុទ្ធឦសាន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ