Connect with us

ព័ត៌មានជាតិ

អភិបាលក្រុងបាវិត ក្រើនរំលឹកមន្រ្តី​ទើបជាប់​ឆ្នោតថ្មី ខិតខំបំពេញការងារ​បម្រើពលរដ្ឋ

បានផុស

នៅ

(ខេត្តស្វាយរៀង)៖ អភិបាលក្រុងបាវិត លោក លឹម សៀងហេង បានក្រើនរំលឹកដល់ក្រុមប្រឹក្សា ឃុំ សង្កាត់ទើបជាប់ឆ្នោតថ្មី គណបក្សន​យោបាយនានា ត្រូវខិតខំរួមគ្នាលើកកម្ពស់វប្បធម៌នៃលទ្ធិប្រជាធិប​តេយ្យសេរីពហុបក្ស ដើម្បីរស់នៅ និងបំពេញការងាររួមគ្នាប្រកបដោយភាពសុខដុមរមនាក្នុងសង្គម​ឲ្យកាន់តែមានការអភិវឍ្ឍរីកចម្រើនបន្តទៀត ជាពិសេសយកចិត្តទុកដាក់បម្រើពលរដ្ឋក្នុងមូលដ្ឋានរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលក្រុងបាវិត បានថ្លែងនៅព្រឹកថ្ងៃទី ០៤ ខែ កក្កដា ក្នុងឱកាសដែលលោកអញ្ជើញជាអធិបតីនៅ​ក្នុងកិច្ចប្រជុំដំបូងរបស់ក្រុមប្រឹក្សាសង្កាត់បាវិត ក្រុងបាវិត ដែលមានការចូលរួមពីគណ:បញ្ជាការកងរាជ​អាវុធហត្ថក្រុងបាវិត គណ:បញ្ជាការសឹករងក្រុងបាវិត គណ: បញ្ជាការឯកភាពរដ្ឋបាលក្រុងបាវិត លោក លោកស្រី ជាក្រុមប្រឹក្សានៅក្នុងមុខតំណែង  ក្រុមប្រឹក្សាដែលទើបជាប់ថ្មី សាខាបក្សភូមិនឹងប្រជាពលរដ្ឋ ។

លោក លឹម សៀងហេង បានបន្តថា ចាប់តាំងពីឆ្នាំ២០០២ ព្រះរាជាណាចក្រកម្ពុជា បានដំណើរការរៀបចំការបោះ​ឆ្នោតជ្រើសរើសក្រុមប្រឹក្សាឃុំ សង្កាត់តាមគោលការណ៍លទ្ធិប្រជាធិបតេយ្យ សេរីពហុបក្សសរុបចំនួន៥លើក​រួចមកហើយ។ ពីការបោះឆ្នោតមួយទៅការបោះឆ្នោតមួយ ត្រូវបានមជ្ឈដ្ឋានជាតិ និងអន្តរជាតិវាយតម្លៃថា ដំណើរការប្រជាធិបតេយ្យនិងការបោះឆ្នោតនៅកម្ពុជាកាន់តែវិវត្តន៍រីកចម្រើនជាលំដាប់។

លោកគូសបញ្ជាក់ថា ការបោះឆ្នោត គឺដើម្បីបង្កើតឡើងនូវក្រុមប្រឹក្សានៅថ្នាក់ឃុំ សង្កាត់មានអត្ថន័យយ៉ាងជ្រាលជ្រៅ​លើប្រព័ន្ធនយោបាយ និងរដ្ឋបាលនៅកម្ពុជា។

លោក លឹម សៀងហេង បានសង្កត់ធ្ងន់ថា ចំពោះអស់លោក លោកស្រី ដែលទើបជាប់ឆ្នោតថ្មីនិងអស់លោក លោកស្រីដែលបានជាប់ឆ្នោតឡើងវិញ ជាសមាជិកក្រុមប្រឹក្សាសង្កាត់ ក្នុងអាណត្តិទី៥នេះ ពិតជាមានការរីករាយ​ប្រកបដោយមោទនភាព និងកំពុងសម្រួចឆន្ទៈក្នុងការចូលរួមបញ្ចេញសមត្ថភាព ប្រាជ្ញា ស្មារតី កម្លាំងកាយ កម្លាំងចិត្តដើម្បីបម្រើផលប្រយោជន៍របស់ប្រជាពលរដ្ឋក្នុងសង្កាត់របស់ខ្លួន។

សម្រាប់ង្កាត់បាវិត ក្រុងបាវិត ខេត្តស្វាយរៀង មានចំនួន៧អាសនៈ ក្នុងនោះគណបក្សប្រជាជនកម្ពុជា ទទួលបាន៥​អាសនៈ គណបក្សភ្លើងទៀនទទួលបាន២អាសនៈ ហើយលោក សាញ់ សាខុន មកពីគណបក្សប្រជាជនកម្ពុជា ទទួលតំណែងជាចៅសង្កាត់បាវិត ក្រុងបាវិត ខេត្តស្វាយរៀងសម្រាប់អាណត្តិទី៥នេះ។

យោងតាមការប្រកាសលទ្ធផលផ្លូវការនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥របស់ គ.ជ.ប ក្នុងចំណោមឃុំសង្កាត់នៅទូទាំងប្រទេសចំនួន ១៦៥២ ដែលមានអាសនៈសរុបចំនួន១១.៦២២មានតែ​គណបក្សន​យោបាយ​ចំនួន៩ប៉ុណ្ណោះដែលទទួលបានអាសនៈក្រុមប្រឹក្សាឃុំសង្កាត់ក្នុងអាណត្តិទី៥នេះ៕ ដោយ:ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម