ព័ត៌មានជាតិ
អាជ្ញាធរក្រុងបាវិតចាត់វិធានការក្តៅលើអាជីវករលក់ដូររំលោភចំណីផ្លូវ
(ខេត្តស្វាយរៀង)៖ នៅរសៀលថ្ងៃទី ៦ ខែកក្កដាឆ្នាំ២០២២ លោក វណ្ណ សុមុន្នី អភិបាលរងក្រុងបាវិត បានដឹកនាំកម្លាំងចម្រុះ ប្រើវិធានការក្ដៅរៀបចំសណ្ដាប់ធ្នាប់ និងរុះរើស្លាកយីហោ សំយ៉ាប ដែលក្រុមអាជីវករលក់ដូរមួយចំនួន រំលោភយកចំណីផ្លូវរដ្ឋ តាមបណ្តោយផ្លូវជាតិលេខ១ ស្ថិតក្នុងសង្កាត់បាវិត ក្រុងបាវិត ដែលតែងតែបង្កឲ្យបាត់បង់សណ្តាប់ធ្នាប់ សោភ័ណភាព និងកកស្ទះចរាចរណ៍។
លោក វណ្ណ សុមុន្នី បានលើកឡើងថា នាពេលកន្លងមក រដ្ឋបាលក្រុងបាវិត បានចេញសេចក្ដីជូនដំណឹងជាច្រើនលើកច្រើនសារ ក៏ដូចជាចុះណែនាំ ធ្វើលិខិតដាស់តឿនជាលាយលក្ខណ៍អក្សរ និងគ្រប់មធ្យោបាយផ្សេងៗ ដោយបញ្ជ្រាបការយល់ដឹងដល់បងប្អូនអាជីវករឱ្យចូលរួមសហការជាមួយរដ្ឋបាលក្រុង។ ចំពោះការចុះអនុវត្តរបស់រដ្ឋបាលក្រុងបាវិតនាពេលនេះ គឺដើម្បីផលប្រយោជន៍រួម មិនមែនដើម្បីបុគ្គលណាមួយនោះទេ។
ក្នុងនាមជាអាជ្ញាធរគឺមានតួនាទីភារកិច្ចសម្រាប់រៀបចំសណ្ដាប់ធ្នាប់ដល់បងប្អូនអាជីវករដែលដាក់តាំងទំនិញនានា ដើម្បីថែរក្សាសោភ័ណភាព និងសណ្ដាប់ធ្នាប់ចរាចរណ៍ឱ្យបានល្អ និងធំទូលាយ ដើម្បីងាយស្រួលក្នុងការធ្វើដំណើរ ឆ្លងកាត់ច្រកទ្វារព្រំដែនអន្តរជាតិបាវិត និងធ្វើដំណើរពីច្រកទ្វារព្រំដែនទៅរាជធានីភ្នំពេញ កុំឱ្យមានការកកស្ទះចរាចរណ៍។ នេះជាការបន្ថែមរបស់លោក វណ្ណ សុមុន្នី។
លោកអភិបាលរងក្រុង ក៏បានសំណូមពរដល់បងប្អូនក្រុមអាជីវករ ដែលតាំងលក់ដូរទំនិញគ្រប់ប្រភេទ នៅតាមផ្ទះអមសងខាងផ្លូវជាតិលេខ១ និងធ្វើសំយ៉ាបផ្ទះ លយមកលើចំណីផ្លូវ ត្រូវអនុវត្តតាមសេចក្ដីជូនដំណឹងរបស់រដ្ឋបាលក្រុងបាវិត កុំយកផ្លូវសម្រាប់ថ្មើរជើងធ្វើជាកន្លែងដាក់តាំងលក់ទំនិញ។ លោកថា បើធ្វើសំយ៉ាបហូស ត្រូវកាត់ចេញដោយខ្លួនឯង សូមកុំរង់ចាំដល់អាជ្ញាធរចុះអនុវត្តដោយប្រើធម៌ក្ដៅដូចនៅពេលនេះ ទើបអនុវត្តដែលធ្វើឱ្យមានផលប៉ះពាល់ដល់សម្ភារ និងខាតពេលវេលា ផលប្រយោជន៍របស់បងប្អូន ហើយស្រែកថាអយុត្តិធម៌ អាជ្ញាធរប្រើធម៌ក្ដៅ នោះគឺមិនពិតទេ៕ ដោយ:ភក្ដី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?