Connect with us

ព័ត៌មានជាតិ

ផ្លូវកៅស៊ូជាប់មាត់ស្ទឹងសង្កែកំពុងប្រឈមបាក់ស្រុត ខណៈទឹកហក់ឡើងខ្លាំង

បានផុស

នៅ

ផ្លូវក្រាលកៅស៊ូមួយខ្សែស្ថិតនៅប៉ែកច្រាំងខាងកើតនៃមាត់ស្ទឹងសង្កែ ក្នុងឃុំព្រែកហ្លួង ស្រុកឯកភ្នំ ខេត្តបាត់ដំបង​ កំពុងប្រឈមខ្លាំងស្របពេលទឹកក្នុងស្ទឹងសង្កែកំពុងហក់ឡើងខ្លាំង ។

ប្រជាពលរដ្ឋក្នុងមូលដ្ឋាននិយាយថា ផ្លូវក្រាលកៅស៊ូដែលរងការគម្រៀមកំហែងពីទឹកស្ទឹងសង្កែនៅពេលនេះ ស្របពេលផ្លូវ១ខ្សែខាងលើនេះបានកើតឡើងតាំងពីប៉ុន្មានថ្ងៃមុន ដោយសាតែភ្លៀងធ្លាក់ប៉ុន្មានមេជាប់ៗគ្នាទើបបង្ករឲ្យប្រេះស្រុតតាំងពីទឹកស្ទឹងសង្កែកំពុងឋិតនៅបាតស្ទឹងនៅឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែការប្រេះស្រុតនៃផ្លូវនេះកាន់តែប្រឈមខ្លាំងជាមួយនឹងសន្ទុះទឹកក្នុងស្ទឹងសង្កែបានហក់ឡើងលឿនកាលពីព្រឹកថ្ងៃទី១៣ ខែកក្កដា ឆ្នាំ២០២២ លោក សុខ លូ អភិបាលខេត្តបាត់ដំបង បានដឹកនាំមន្ត្រីជំនាញពាក់ព័ន្ធចុះពិនិត្យមើលស្ថានភាពបាក់ស្រុតដី ដើម្បីធ្វើការវាយតម្លៃនិងមានវិធានការបន្ទាន់ ក្នុងការជួសជុលបានប្រើប្រាស់បណ្តោះអាសន្នសិន ។

ការចុះពិត្យដើម្បីធ្វើការសង្គ្រោះបន្ទាន់ជាបណ្តោះអាសន្ននៃផ្លូវនេះ ត្រូវបានប្រជាពលរដ្ឋសាទរ​ ខណះការធ្វើដំណើររបស់ពួកគាត់ ជាពិសេសកូនចៅរបស់ពួកគាត់បានធ្វើដំណើរម្តងៗមានការព្រួយបារម្មណ៍លើការកើតឡើងដោយយថាហេតុណាមួយ ខណៈកម្លាំងទឹកស្ទឹងកំពុងបង្ករឲ្យដីងាយឆាប់នឹងបាក់ស្រុតបន្ថែមទៀត ។

ស្របពេលនៃការចុះពិនិត្យនេះ លោកអភិបាលខេត្តក៏បានណែនាំដល់ពលរដ្ឋដែលរស់នៅប្របមាត់ស្ទឹងទាំងអស់ត្រូវបង្កើនការយកចិត្តទុកដាក់ជាមួយកូនតូចៗផងដែរ ជាពិសេសត្រូវប្រុងប្រយ័ត្នចំពោះការរស់នៅប្រចាំថ្ងៃរបស់បងប្អូនចៀសវាងទឹកបានហក់ឡើងខ្លាំងនៅពេលយប់ដែលយើងមិនបានដឹងដែលអាចបង្ករឲ្យគ្រោះថ្នាក់ដោយមិនដឹងខ្លួនណាមួយក៏ថាបាន ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ១ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ២ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

ព័ត៌មានជាតិ៣ ម៉ោង មុន

សមត្ថកិច្ច​ចុះបង្ក្រាបបទល្មើសនេសាទ​នៅស្រុកជល់គីរី​កម្ទេចរបាំងសាច់អួន​១ ពាន់ម៉ែត្រ​​

Sokha Hotels

ព័ត៌មានពេញនិយម