ព័ត៌មានជាតិ
នាយករដ្ឋមន្ត្រី ៖ គិតត្រឹមព្រឹកនេះ គ្មានអ្នកជំងឺកូវីដ-១៩ កំពុងសំរាកព្យាបាលក្នុងមន្ទីរពេទ្យទេ
ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានឲ្យដឹងថា គិតត្រឹមព្រឹកថ្ងៃទី ១៤ ខែកក្កដា ឆ្នាំ ២០២២នេះ គ្មានអ្នកជំងឺកូវីដ-១៩ កំពុងសំរាកព្យាបាលនៅក្នុងមន្ទីរពេទ្យទេ ដោយអ្នករកឃើញវិជ្ជមាន បានសំរាកព្យាបាលនៅផ្ទះខ្លួនឯង។ ការឲ្យដឹងរបស់សម្ដេចតេជោ ហ៊ុន សែន បានធ្វើឡើងក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩ ដំណាក់កាលទី ១ (២០២០-២០២១) និងឆមាសទី ១ ឆ្នាំ ២០២២ និងលើកទិសដៅផែនការស្តារឡើងវិញ នូវវិស័យទេសចរណ៍ក្នុងដំណាក់កាលទី ២ (ឆមាសទី ២ ឆ្នាំ ២០២២-២០២៣) នាព្រឹកថ្ងៃទី ១៤ ខែកក្កដា ឆ្នាំ ២០២២នេះ។
សម្ដេចតេជោ ហ៊ុន សែន បានថ្លែងឲ្យដឹងថា ក្នុងចំណោមអ្នកយកសំណាកចំនួន ៨០នាក់ គឺរកឃើញវិជ្ជកូវីដ-១៩ ចំនួន ១៣នាក់ទៅហើយ ដោយចំនួននេះមានជាង ១០ភាគរយទៅហើយ។ អ្នករកឃើញវិជ្ជមាននោះ គឺជាអ្នកដែលទៅធ្វើសំណាក សម្រាប់ការចេញទៅក្រៅប្រទេស ហើយក្រៅពីនោះ ក៏មានដែរ គឺអ្នកធ្វើតេស្តរហ័សដោយខ្លួនឯង។
សម្ដេចតេជោនាយករដ្ឋមន្ត្រី បានបន្ថែមថា ដូច្នេះជំងឺកូវីដ-១៩ អូមីក្រុងប្រភេទថ្មី BA.4 និង BA.5 បានឆ្លងរាលដាលទៅតាមខេត្តរួចទៅហើយ ដែលយើងទាំងអស់គ្នា ត្រូវតែបង្កើនការប្រុងប្រយ័ត្ន អនុវត្តវិធានការ ៣កុំ ៣ការពារឡើងវិញ តាមរយៈការលាងដៃ និងការរក្សាគម្លាតជាដើម។
បើតាមសម្ដេចតេជោ ហ៊ុន សែន កាលពីមុនឲ្យតែមានអ្នកជំងឺកូវីដ-១៩ គឺត្រូវតែចូលពេទ្យ តែមកដល់ពេលនេះ យើងមិនធ្វើដូច្នោះទៀតទេ ដោយពួកគាត់អាចសំរាកព្យាបាល នៅផ្ទះដោយខ្លួនឯង។ មួយរយៈចុងក្រោយ ដែលយើងរកឃើញនេះ មានដេកពេទ្យតែកុមារីម្នាក់ និងម្ដាយរបស់គេម្នាក់ប៉ុណ្ណោះ។ ដូច្នេះនៅក្នុងមន្ទីរពេទ្យ នាពេលនេះគ្មានអ្នកជំងឺកូវីដ-១៩ កំពុងសំរាកព្យាបាលនោះទេ។
ការមិននាំទៅដល់សភាពធ្ងន់ធ្ងរនេះ ដោយសារតែយើងមានភាពស៊ាំវ៉ាក់សាំង តែអ្វីដែលជាកង្វល់នោះ អ្នកដែលមិនទាន់បានទទួលដូសជំរុញ អាចឈានទៅដល់សភាពធ្ងន់ធ្ងរបាន ហើយបញ្ហានេះសូម្បីតែអង្គការសុខភាពពិភពលោក ក៏មិនអាចសន្និដ្ឋានបានដែរ ដោយសារការវិវត្តនៃជំងឺប្រភេទនេះ។ ដូច្នេះហើយវិធានការដែលល្អ គឺការពារប្រសើរជាងព្យាបាល៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ