ព័ត៌មានជាតិ
អាជ្ញាធរស្រុកគិរីសាគរ បន្តបំផុសស្មារតីដល់ពលរដ្ឋ និងអ្នកទេសចរទុកសំរាមឱ្យត្រឹមត្រូវ
កោះកុង៖ អាជ្ញាធរស្រុកគិរីសាគរ នៅតែបន្តបំផុសស្មារតីដល់ប្រជាពលរដ្ឋ និងអ្នកទេសចរដែលរស់នៅ ឬមកលេងកម្សាន្តនៅលើកោះស្តេច ចូលរួមបែងចែកសំរាមឱ្យត្រឹមត្រូវមុននឹងអ្នកប្រមូលចុះយកទៅទីលានសំរាម។
លោក ទួន ឪទី អភិបាលស្តីទីស្រុកគិរីសាគរ បានដឹកនាំដល់អាជ្ញាធរភូមិឃុំ សមត្ថកិច្ច គ្រូបង្រៀន សិស្សានុសិស្ស ព្រមទាំងពលរដ្ឋចុះប្រមូលសំរាមនៅតាមដងផ្លូវ និងឆ្នេរសមុទ្រ ដោយអប់រំណែនាំអំពីការទុកដាក់សំរាមរឹងរាវឱ្យមានសណ្តាប់ធ្នាប់ល្អ ចៀសវាងបង្កផលប៉ះពាល់បរិស្ថានសោភ័ណ្ឌបរិ ស្ថាន ខណៈឃុំកោះស្តេច ជារមណីយដ្ឋានទេសចរណ៍ដ៏ទាក់ទាញមួយ។
លោកអភិបាលស្តីទីស្រុកគិរីសាគរ ឱ្យដឹងនៅរសៀលថ្ងៃទី១៧ ខែកក្កដានេះថា ការរៀបចំទុកដាក់មានសណ្តាប់ធ្នាប់ត្រឹមត្រូវស្អាតល្អបាន លុះត្រាតែមានការចូលរួមពីភាគីពាក់ព័ន្ធ ជាពិសេសប្រជាពលរដ្ឋ និងអ្នកទេសចរដែលរស់នៅ និងមកលេងកម្សាន្តនៅលើកោះស្តេចតែម្តង។
បើតាមលោក ទួន ឪទី កន្លងទៅថ្មីៗបាន ជួបសំណេះសំណាលជាមួយក្រុមអាជីវករ និងម្ចាស់សណ្ឋាគារផ្ទះសំណាង់ ក៏ដូចជាអ្នកសេវាកម្មទេសចរណ៍នៅលើកោះស្តេច ដើម្បីស្តាប់មតិពីដំណើរការប្រមូលសំរាមវិនិយោគដោយក្រុមហ៊ុន សួរ វីរៈ ក្នុងន័យបំពេញបន្ថែមលើតម្រូវការដែលកំពុងមានចំពោះយន្តការប្រមូលតាមខ្នងផ្ទ និងផ្ទះសំណាក់ សណ្ឋាគាររយៈពេល៤ខែមកនេះ។
បន្ទាប់ពីមានយន្តការអប់រំណែនាំដល់ប្រជាពលរដ្ឋ និងអ្នកទេសចរ អាជ្ញាធរសង្កេតឃើញថា មានការចូលរួមច្រើនពីរបៀបទុកដាក់ និងមិនចោលសំរាមទៅក្នុងទឹកសមុទ្រ ផ្ទុយមកវិញពួកគាត់ក៏ជំនួយជាថវិកាទៀតផង។ អាជ្ញាធរនឹងបន្តដាក់ពង្រាយធុងសំរាមតាមខ្នងផ្ទះពលរដ្ឋ និងតំបន់ប្រតិបត្តិករសេវាកម្មទេសចរណ៍ថែម។
បច្ចុប្បន្ន កោះស្តេចមានឡដុតសំរាមដោយឧបត្ថម្ភគាំទ្រដោយក្រសួងបរិស្ថាន តបនឹងទៅនឹងចង់បានរបស់អាជ្ញាធរ និងពលរដ្ឋ សម្រាប់លើកកម្ពស់គាំពារថែរក្សាបរិស្ថានអនាម័យ។ ហើយក្នុង១ថ្ងៃៗបរិមាណសំរាមដែលបញ្ចេញតាមខ្នងពលរដ្ឋ និងផ្ទះសំណាក់មិនក្រោម១តោននោះទេ។ ពលរដ្ឋរស់នៅលើកោះស្តេចមានជាង៦០០គ្រួសារ ភាគច្រើនប្រកបរបរនេសាទសមុទ្រ និងផ្តល់សេវាកម្មទេសចរណ៍៕ អត្តបទៈសិរីវឌ្ឍនៈ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន