ព័ត៌មានជាតិ
ឧត្តមសេនីយ៍ឯក ហ៊ុន ម៉ាណែត ចេញបញ្ជាមិនឲ្យមានការប្រើប្រាស់គ្រឿងញៀននៅក្នុងជួរកងទ័ពជាដាច់ខាត
អគ្គមេបញ្ជាការរងកងយុទ្ធពលខេមរភូមិន្ទ និងជាមេបញ្ជាការទ័ពជើងគោកលោកឧត្តមសេនីយ៍ឯក ហ៊ុន ម៉ាណែត បានលើកឡើងថា នៅក្នុងជួរកងទ័ពមិនអនុញ្ញាតឱ្យមានការប្រើប្រាស់គ្រឿងញៀនជាដាច់ខាត ពីព្រោះបើទុកឲ្យមានបញ្ហាបែបនេះតទៅទៀត នឹងធ្វើឲ្យខូចដល់អ្នកដទៃ ហើយឈានទៅដល់មានបញ្ហាធ្ងន់ធ្ងរដល់សង្គម។
ប្រសាសន៍របស់លោកឧត្តមសេនីយ៏ឯក ហ៊ុន ម៉ាណែត បានធ្វើឡើងតាមរយៈឃ្លីបវីដេអូ ដែលបានផ្សព្វផ្សាយ នាថ្ងៃទី១៩ ខែកក្កដា ឆ្នាំ២០២២។ លោកបញ្ជាក់យ៉ាងនេះថា “ឥឡូវចាប់ផ្តើមមានបញ្ហាក្នុងកងទ័ព ខ្ញុំប្រាប់ មនោសញ្ចេតនាមានព្រំដែន អង្គភាពខ្លះគាត់យោគយល់ច្រើនដងពេក ឲ្យតែមានគាត់យោគយល់ គាត់បញ្ជូនទៅបណ្ដុះបណ្ដាល ទៅកន្លែងអប់រំសុខភាព ជាហើយត្រឡប់មកវិញប្រើទៀត”។ បើតាមលោកឧត្តមសេនីយ៍ ហ៊ុន ម៉ាណែត បើយើងមិនទាន់តឹងទេ យើងកំពុងតែធ្វើបាបពួកគេ។
បើតាមលោក ហ៊ុន ម៉ាណែត ទី១, នឹងធ្វើបាបមនុស្សដែលប្រើប្រាស់នោះ ដោយសារមានមនោសញ្ចេតនាច្រើនពេក។ ទី២, យើងកំពុងធ្វើបាបដល់ឪពុកម្ដាយ គ្មានឪពុកម្ដាយណាដែលឲ្យកូនចូលទ័ពដើម្បីប្រើគ្រឿងញៀន គឺដើម្បីពង្រឹងវិន័យ។ ទី៣, កំពុងតែធ្វើបាបម្ដាយឪពុកអ្នកផ្សេងទៀត មានន័យថា នឹងនាំអោយអ្នកផ្សេងផ្សេងៗខូចបន្ថែមទៀត។
លោក ហ៊ុន ម៉ាណែត លើកឡើងទៀតថា បើយើងមិនកាត់ផ្ដាច់ទេ យើងចេះតែទុកនៅរបៀបនេះតទៅទៀត យើងមិនត្រឹមតែធ្វើបាបមនុស្សម្នាក់ទេ គឺធ្វើបាបពុកម្ដាយមួយគ្រួសារ ឬអាចធ្វើបាបដល់មនុស្ស១០គ្រួសារបន្ថែមទៀត។ លោកថា មានអ្នកខ្លះបែរជាយល់ថា យើងធ្វើបែបនេះ គឺធ្វើបាបកូនរបស់គាត់ទៅវិញ តែជាការខុស។
លោកឧត្តមសេនីយ៍ឯក ហ៊ុន ម៉ាណែត លើកឡើងដែរថា សម្រាប់អ្នកដែលចែកចាយគ្រឿងញៀន គឺមិនអាចអនុគ្រោះទេ។ លោកថា នៅក្នុងកងទ័ពមិនខុសពីនៅក្នុងសង្គមនោះទេ ការប្រព្រឹត្តគ្រឿងញៀន វាមិនត្រឹមតែបំផ្លាញខ្លួនឯងទេ គឺវាបំផ្លាញអ្នកដទៃ បំផ្លាញបំផ្លាញសង្គមថែមទៀត៕
ដោយ ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ