ព័ត៌មានជាតិ

រដ្ឋបាលខេត្តកំពង់ចាម ចុះពិនិត្យផ្លូវកៅស៊ូ AC មួយខ្សែប្រវែងជាង១០០០ម៉ែត្រ

បានផុស

៤ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

នារសៀលថ្ងៃទី២៣ ខែធ្នូ ឆ្នាំ២០២០ លោកអ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំមន្ត្រីបច្ចេកទេស និងអាជ្ញាធរមូលដ្ឋាន អញ្ជើញចុះពិនិត្យផ្លូវអ៊ុតកៅស៊ូប្រភេទAC មួយខ្សែ លើកំណត់ផ្លូវកម្ពុជាក្រោម ដែលមានប្រវែង ៨៤០ម៉ែត្រ ទទឹង ៨ម៉ែត្រ ចាប់ពីរង្វង់មូល1-79 រហូតដល់ផ្សារបឹងកុក សង្កាត់បឹងកុក ក្រុងកំពង់ចាម ដែលគម្រោងខាងលើសម្រេចលទ្ធផលជិតរួចរាល់100% ដោយប្រើប្រាស់ថវិការបស់រដ្ឋបាលខេត្តកំពង់ចាម ក្នុងគម្រោងឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងដំណើរអញ្ជើញចុះពិនិត្យការរដ្ឋានខាងលើ ឯកឧត្ដមអភិបាលខេត្ត ក៏បានជួបចុះជួបសំណេះសំណាលសាកសួរសុខទុក្ខជាមួយបងប្អូនប្រជាពលរដ្ឋនៅតាមដងផ្លូវនេះប្រកបដោយភាពស្និតស្នាល ហើយឯកឧត្តមក៏បានស្នើដល់បងប្អូនប្រជាពលរដ្ឋយើងមានការយោគយល់ អធ្យាស្រ័យចំពោះផលប៉ះពាល់ដោយប្រការណាមួយខណៈគម្រោងខាងលើកំពុងអនុវត្តមិនទាន់រួចរាល់នៅឡើយ៕