ទឹកទន្លេស្រែពកត្រូវបានប្រកាសអាសន្ន អាជ្ញាធរកំពុងជម្លៀសពលរដ្ឋរកទីទួលសុវត្ថិភាព

ទឹកទន្លេស្រែពក នៃស្រុកលំផាត់ បានហក់ឡើងជាបន្តបន្ទាប់គួរឲ្យព្រួយបារម្មណ៍ ខណ:អាជ្ញាធរបានឲ្យប្រជាពលរដ្ឋជម្លៀសសត្វពាហនៈ និងមនុស្សមកទីទួលសុវត្ថិភាពជាបណ្ដើរៗហើយ។ ប៉ុន្តែទឹកទន្លេសេសាននៅមិនទាន់បានប្រកាសអាសន្ននៅឡើយទេ បន្ទាប់ពីទឹកជំនន់បានហក់ឡើងមកនោះ។

លោក អ៊ុ វណ្ណា ប្រធានមន្ទីរធនធានទឹកខេត្តរតនគិរី បានឲ្យកម្ពុជាថ្មី ដឹងតាមប្រព័ន្ធតេលេក្រាមនៅព្រឹកថ្ងៃទី១១ ខែសីហា ថា ទឹកទន្លេសេសានស្ថានីយកាចូន(កំពស់ទឹក៨.៥០m) ម៉ោង០៦:០០នាទីព្រឹក ដល់ម៉ោង០៥:៣២នាទីល្ងាច ហើយទឹកស្រកចុះ។ ដោយឡែកនៅទឹកទន្លេស្រែពក ស្ថានីយលំផាត់ (កំពស់ទឹកប្រកាសអាសន្ន១២.៥០m)
-ម៉ោង០៦:០០AM =១២.៦០m
-ម៉ោង០៩:០០AM =១២.៨០m
-ទឹកឡើង =០.២០m
ទឹកទន្លេស្រែពកនៅតែបន្តហក់ឡើងបន្ថែមទៀត។

លោកថា មន្ទីរធនធានទឹកខេត្តបានជួយឧបត្ថម្ភប្រេងសាំងចំនួន៨កាន ស្មើនិង២៤០លីត្រ ទៅដល់អាជ្ញាធរស្រុកលំផាត់ ដើម្បីជួយសម្រួលក្នុងការដឹកជម្លៀសប្រជាពលរដ្ឋនៅតាមដងទន្លេស្រែពកយកមកទីទួលសុវត្ថិភាព៕

អត្ថបទ៖ វុទ្ធឦសាន