ជំនន់ទឹកស្ទឹងសែន​នៅតែ​បន្តហក់ឡើង​ធ្វើឲ្យ​ប៉ះពាល់​ដំណាំស្រូវ​ប្រមាណ​ជាង១ម៉ឺនហិកតា​

ជំនន់ទឹកស្ទឹងសែន​នៅស្ថានីយកំពង់ធំ​នៅតែបន្តការហក់ឡើងលើសកម្ពស់ប្រកាសអាសន្ន ០.០៦ម៉ែត្រ និងបង្ករឲ្យប៉ះពាល់ដំណាំស្រូវជាង១ម៉ឺនហិកតា ខូចខាតទាំងស្រុងប្រមាណជាង ៦ពាន់ហិកតា។

​តាមរបាយការណ៍បញ្ជាក់របស់​លោក ប៉ែន វណ្ណរិទ្ធ ​ប្រធានមន្ទីរកសិកម្មរុក្ខាប្រមាញ់​ និងនេសាទ​ខេត្តកំពង់ធំបញ្ជាក់ថា គិតត្រឹមនៅថ្ងៃទី ១៦ ខែសីហា ឆ្នាំ២០២២ ទឹកជំនន់នៅក្នុងឆ្នាំនេះបានធ្វើប៉ះពាល់ដំណាំស្រូវសរុបប្រមាណ១១.០៨៦​ហិកតា ក្នុងចំណោមនោះបង្ករឲ្យមានការខូចខាតទាំង ស្រុងសរុបចំនួន៦.២៩៦ហិកតា កើតឡើងលើ៧ក្រុងស្រុក ចំនួន៣៣ឃុំ សង្កាត់។

ក្នុងនោះនៅស្រុកបារាយណ៍ ប៉ះពាល់ចំនួន៣ ឃុំ ចំនួន៩៩០ហិកតា ខូចខាតទាំងស្រុង៤៧០ហិកតា ស្រុកកំពង់ស្វាយ ចំនួន៨ឃុំ ប៉ះពាល់ចំនួន ៥.៩៨០ហិកតា ខូចខាតទាំងស្រុង៤.២៣១ហិកតា ក្រុងស្ទឹងសែន ចំនួន៥សង្កាត់ ប៉ះពាល់ចំនួន៨០៨ ហិកតា ខូចខាតទាំងស្រុងចំនួន ៣៩៦ហិកតា ស្រុកស្ទុក ចំនួន៣ឃុំ ប៉ះពាល់ ១.០៩៦ហិកតា ខូចខាតទាំងស្រុង ចំនួន៦៩៣ហិកតា ស្រុកប្រាសាទសំបូរ ប៉ះពាល់ចំនួន៥ឃុំ សរុបចំនួន ១១៩ហិកតា ស្រុកស្ទោង ប៉ះពាល់ចំនួន៤ឃុំ ស្មើរនិង ១.១២៧ហិកតា និងស្រុកតាំងគោក ប៉ះពាល់ចំនួន ៧ឃុំ ស្មើរ៩៦៦ហិកតា ខូចខាតទាំងស្រុង ចំនួន៥០៦ ហិកតា។

លោកបន្តថា ចំនួននៃការខូចខាតនេះ មន្ទីរកសិកម្មខេត្ត និងចុះវាយតម្លៃពីចំនួនផ្ទៃដីបង្ករ​បង្កើនផល​ស្តារឡើងវិញ ដើម្បីធ្វើសំណើរទៅគណកម្មការ គ្រប់គ្រងគ្រោះមហន្តរាយសុំគ្រាប់ពូជដាំដុះស្តារ​ឡើងវិញជូនប្រជាពលរដ្ឋក្រោយពេលទឹកចាប់ស្រក និងចាប់ផ្តើមបង្ករបង្កើនផលឡើងវិញ៕

អត្ថបទ៖ ឈាង មករា