ឯកឧត្តម ឌី វិជ្ជា បានដាក់ទិសដៅ៥ចំណុច សម្រាប់យុវជនសង្កេតការណ៍បោះឆ្នោត

(ស្វាយរៀង)៖ ឯកឧត្តម ឌី វិជ្ជា អគ្គស្នងការរងនគរបាលជាតិ និងជាប្រធានគណៈកម្មាធិការ សសយក ខេត្តស្វាយរៀង បានចូលរួមកិច្ចប្រជុំបូកសរុបលទ្ធផលការងារសង្កេតការណ៍បោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅព្រឹកថ្ងៃទី២១ ខែសីហា ឆ្នាំ២០២២ ដោយបានដាក់ទិសដៅ និងផែនការបន្តចំពោះមុខឲ្យក្រុង ស្រុក ទាំង៨ត្រូវអនុវត្តឱ្យបានជោគជ័យបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំនេះដែរ ឯកឧត្តម ឌី វិជ្ជា បានដាក់ទិសដៅ និងផែនការឲ្យ សសយក ក្រុងស្រុក ទាំង៥ត្រូវអនុវត្តន៍រួមមាន៖

១. ត្រៀមយុវជនជាអ្នកសង្កេតការណ៍សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២

២. ការតៀមយុវជនប្រឡងចូលជាមន្រ្តីកិច្ចសន្យា គ.ជ.ប នៅថ្នាក់ខេត្ត និងក្រុមចុះឈ្មោះបោះឆ្នោត ( ក.ច.ប)

៣. ការត្រៀមជនបង្គោល លើការងារបោះឆ្នោត តាមក្រុង ស្រុក ដើម្បីបើកវគ្គបណ្ដុះបណ្ដាលបន្តតាមក្រុង ស្រុក

៤. ត្រៀមកម្លាំងយុវជនដែលមានស្រាប់ ចូលរួមក្នុងការបោះឆ្នោតជ្រើសតាំងតំណាងរាស្រ្ត នីតិកាលទី៧

៥. ជួយផ្សព្វផ្សាយជំរុញដល់បងប្អូន គ្រួសារ សូមទៅទទួលការចាក់វ៉ាក់សាំង ដូស ជំរុញ ជាបន្តបន្ទាប់ ដើម្បីបង្កើតភាពសុំាក្នុងខ្លួន ក៏ដូចជាក្នុងសង្គមគ្មានជំងឺកូវីដ-១៩។

ឯកឧត្តម បានគូសបញ្ជាក់ថា កិច្ចការងារអ្នកសង្កេតការណ៍ជាតិនេះ ជាការងារស្នូលមួយរបស់ សសយក ដែលស្ថិតក្នុងយុទ្ធនាការពលរដ្ឋល្អ សកម្មភាពនេះ ចូលរួមក្នុងការសង្កេតមើលនូវដំណើរការ ជាសាក្សីដ៏សំខាន់​ក្នុងការឃ្លាំមើល និងធានាបានការបោះឆ្នោតប្រព្រឹត្តទៅដោយអហឹង្សា សេរី ត្រឹមត្រូវ យុត្តិធម៌ និងតម្លាភាព ព្រមទាំងឆ្លុះបញ្ជាំងបាននូវសមត្ថភាពមន្រ្តី គ.ជ.ប មានសមត្ថភាពគ្រប់គ្រាន់ក្នុងការរៀបចំ នូវប្រព័ន្ធបោះឆ្នោត​បានដោយខ្លួនឯង ដោយមិនពឹងពាក់លើជនបរទេសក្នុងការរៀបចំការបោះ​ឆ្នោតនៅក្នុងប្រទេសកម្ពុជា។

ឯកឧត្តម បានបន្តថា ភាពជោគជ័យរបស់ សសយក មិនមែនកើតចេញពីថ្នាក់ដឹកនាំខេត្តនៅទីនេះទេ គឺកើតចេញពីយុវជនអ្នកសង្កេតការណ៍នៅតាមការិយាល័យបោះឆ្នោតផ្ទាល់។ អ្វីដែលអ្នកសង្កេតការណ៍សង្កេតឃើញ កត់ត្រាចូលក្នុងរបាយការណ៍ បង្ហាញពីការយកចិត្តទុកដាក់ និងទំនួសខុសត្រូវខ្ពស់របស់យុវជន៕ ដោយ:ភក្ដី