ព័ត៌មានជាតិ
រដ្ឋបាលខេត្តស្ទឹងត្រែង ប្រតិកម្មឈុតតំណាងខេត្ត ធ្វើឱ្យប៉ះពាល់កិត្តិយសស្ត្រីខ្មែរ
បន្ទាប់ពីផ្ទុះនូវការរិះគន់យ៉ាងចាស់ដៃពេញបណ្តាញសង្គមហ្វេសប៊ុក ក្រោយពីបេក្ខនារីតំណាងខេត្តស្ទឹងត្រែងស្លៀកពាក់សិចស៊ីរហូតលេចចេញតំបន់ពិសេស ក្នុងកម្មវិធី Miss Grand Cambodia ២០២២ រដ្ឋបាលខេត្តស្ទឹងត្រែងបានបញ្ចេញប្រតិកម្ម និងតម្រូវឱ្យផលិតកម្មមហាហង្សព្រមទាំងអ្នកគ្រប់គ្រង់ត្រូវធ្វើការសុំទោសជាសាធារណ:។
នៅក្នុងលិខិតរបស់រដ្ឋបាលខេត្តស្ទឹងត្រែង បានបញ្ជាក់ថា ដោយសង្កេតឃើញអំឡុងពេលប៉ុន្មានថ្ងៃ នេះនៅលើបណ្តាញសង្គមហ្វេសប៊ុកមានការចែករំលែកទូលំទូលានូវកម្មវិធីប្រកួតឈុតតំណាងជាតិ ដែលផ្សាយចេញពីផេករបស់ Miss Grand Cambodia របស់ផលិតកម្មមហាហង្ស ដែលបានធ្វើឡើងកាលពីថ្ងៃទី ២៤ ខែសីហា ឆ្នាំ២០២២ នៅរាជធានីភ្នំពេញ។
អ្វីដែលគួរឱ្យកត់សម្គាល់នោះ មហាជនគ្រប់មជ្ឈដ្ឋានយ៉ាងច្រើនលើសលប់ ជាពិសេសប្រជាពលរដ្ឋរស់នៅក្នុងខេត្តស្ទឹងត្រែងបានសម្តែងប្រតិកម្មមិនពេញចិត្ត និងបានរិះគន់យ៉ាងក្តៅគគុកលើឈុតតំណាងខេត្តស្ទឹងត្រែងដែលបង្ហោះលក្ខណ:ស្រើបស្រាលលិចលើលិចក្រោមធ្វើឱ្យប៉ះពាល់យ៉ាងធ្ងន់ធ្ងរដល់វប្បធម៌ប្រពៃណីល្អរបស់ខ្មែរ ពិសេសកិត្តិយសរបស់ស្ត្រីខ្មែរ។
រដ្ឋបានខេត្តស្ទឹងត្រែងសូមបដិសេដចំពោះការយកឈុតតំណាងនេះដាក់ឈ្មោះខេត្តស្ទឹងត្រែងសម្រាប់បង្ហាញក្នុងកម្មវិធីនេះ ដោយមិនបានសុំការអនុញ្ញាតិពីរដ្ឋបាលខេត្ត ហើយឈុតដែលបង្ហោះនេះមិនឆ្លុះបញ្ចាំងពីសម្លៀកបំពាក់ប្រពៃណីនៅក្នុងមូលដ្ឋាននៃខេត្តស្ទឹងត្រែងនោះទេ។ ដើម្បីស្តារកិត្តិយសខេត្តស្ទឹងត្រែងឡើងវិញ ផលិតកម្មមហាហង្សត្រូវធ្វើការសុំទោសជាសាធារណ:ដល់ប្រជាពលរដ្ឋនៅក្នុងខេត្តស្ទឹងត្រែង រួចធ្វើការកែសម្រួលឡើងវិញជាបន្ទាន់។
រដ្ឋបាលខេត្តស្ទឹងត្រែងក៏បានស្នើរសុំយ៉ាងទទូចដល់ក្រសួងវប្បធម៌ និងវិចិត្រសិល្ប: និងក្រសួងព័ត៌មាន មេត្តាពិនិត្យ និងចាត់វិធានការចំពោះករណីនេះដើម្បីការពារវប្បធម៌ប្រពៃណីដ៏ល្អផូរផងរបស់ស្ត្រីខ្មែរ៕
អត្ថបទ៖ ចាន់រ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង