Connect with us

ព័ត៌មានជាតិ

ខេត្តមណ្ឌលគិរី សាងសង់រង្វង់មូល “រូបសំណាកដំរី” ២កន្លែង ដើម្បីលើកកម្ពស់សោភ័ណភាពខេត្តនិងទាក់ទាញភ្ញៀវទេសចរ

បានផុស

នៅ

ខេត្តមណ្ឌលគិរី បានបើកការដ្ឋាន និងបញ្ចុះបឋមសិលាសាងសង់រង្វង់មូល “រូបសំណាកដំរី “​ នៅភូមិចំការតែ សង្កាត់ស្ពានមានជ័យ ក្បែរវិមានឯករាជ្យ និងសាងសង់រូបសំណាកដំរី ក្រុងសែនមនោរម្យ សូមស្វាគមន៍ ស្ថិតនៅក្រៅក្រុង លើកំណាត់ផ្លូវជាតិលេខ ៧៦A ដើម្បីលើកកម្ពស់សោភ័ណភាពខេត្ត និងទាក់ទាញភ្ញៀវទេសចរ ឲ្យមកកំសាន្តកាន់តែច្រើនបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសាងសង់រង្វង់មូល រូបសំណាកដំរីទាំង ២នេះ គឺការសាងសង់រង្វង់មូលរូបសំណាកដំរី មានទំហំផ្ទៃរង្វង់មូលចំនួន ១២,៦០ម៉ែត្រ កម្ពស់ដំរី ៦,៦៣ម៉ែត្រ និងកម្ពស់រូបមេទ័ព ៨តឹក និងរូបសំណាក​ដំរី ក្រុងសែនមនោរម្យ សូមស្វាគមន៍ ខឿនមានបណ្តោយ ៧ម៉ែត្រ ទទឹង ៤ម៉ែត្រ កម្ពស់ដំរី  ៣,០៦ម៉ែត្រ និងផ្លាកទំហំទំហំ ១,២៦ម៉ែត្រ និងប្រវែង ៣,៦៩ម៉ែត្រ សាងសង់ដោយក្រុមសិក្សាប្លង់ និងសំណង់ ហង់ ឃីម ហើយការសាងសង់រូបសំណាកដំរីទាំង ២នេះ រយៈពេលចំនួន ៤ខែ ដោយគិតចាប់ពីថ្ងៃទី ២៨ ខែសីហា ឆ្នាំ ២០២២។

ថ្លែងនៅក្នុងពិធីបើកការដ្ឋាន និងបញ្ចុះបឋមសិលាសាងសង់រង្វង់មូល “រូបសំណាកដំរី “នៅភូមិចំការតែ សង្កាត់ស្ពានមានជ័យ កាលពីថ្ងៃទី ២៨ ខែសីហា លោក ថង សាវុន អភិបាលខេត្តមណ្ឌល​គិរី មានប្រសាសន៍ថា ការសាងសង់រង្វង់មូល “រូប​សំណាកដំរី ” និងសាងសង់រូបសំណាកដំរី ក្រុងសែន​ម​នោ​រម្យ សូមស្វាគមន៍ នេះ គឺដើម្បីបញ្ចៀសគ្រោះថ្នា​ក់ចរា​​ចរណ៍ ​នឹងលើកកម្ពស់សោភ័ណភាព ជាពិសេសជាការរំលឹកពីប្រវត្តិសាស្ត្រ របស់បងប្អូនជនជាតិ​ដើម​ភា​គតិច ដើម្បីឲ្យខេត្តមណ្ឌល​គិរី ប្រែមុខមាត់ថ្មី នឹងកាន់តែមានភាពទាក់ទាញសម្រាប់ភ្ញៀវទេសចរជាតិ អន្តរជាតិ ដែលមកទស្សនាកំសាន្ត មានការកើនឡើងជារៀងរាល់ឆ្នាំ។

លោកអភិបាលខេត្ត បានឲ្យដឹងថា រាជរដ្ឋាភិបាលកម្ពុជា បានកំណត់​យក​ខេត្តមណ្ឌលគិរី ជាតំបន់ប៉ូលសេដ្ឋកិច្ចទី ៤ បន្ទាប់ពីរាជធានីភ្នំពេញ តំបន់ឆ្នេរ និងតំបន់សៀមរាប ក្នុងចក្ខុវិស័យនៃផែនការមេ សម្រាប់អភិវឌ្ឍន៍វិស័យទេសចរណ៍ខេត្តមណ្ឌលគិរី។

ទន្ទឹមនឹងនេះ លោកអភិបាលខេត្ត ក៏បានណែនាំ និងជំរុញដល់មន្ទីរអង្គភាព និងវិស័យឯកជន រួមទាំ​​ង​ប្រជាពលរដ្ឋទាំងអស់ ត្រូវចូលរួមសហការគ្នាសាងសង់រង្វង់មូលរូបសំណាកដំរី និងរូបសំ​ណាកដំរី ក្រុង​​សែនមនោរម្យ សូមស្វាគមន៍នេះ ឲ្យទទួលបានជោគជ័យ ដើម្បីទុកឲ្យកូនចៅជំនាន់ក្រោយ ហើយចូលរួ​ម​សាងសង់ និងអភិវឌ្ឍន៍ខេត្តមណ្ឌលគិរី ឲ្យកាន់តែមានការរីកចម្រើនបន្ថែមទៀត។

បន្ថែមលើសពីនេះ ក៏​ស្នើ​ឲ្យ​មន្រ្តីជំនាញទាំងអស់ ត្រូវយកចិត្តទុកដាក់បម្រើសេវាសាធារណៈ ជូនប្រជាពលរដ្ឋប្រកប​​ដោយ​គុណភាព តម្លាភាព និងប្រសិទ្ធភាព និងបន្តចូលរួមអនុវត្តនូវវិធានការរប​ស់ក្រសួងសុខាភិបាល ៣កុំ និង​៣ការពារ ដើម្បីបង្ការ ទប់ស្កាត់ ការឆ្លងរាលដាលនៃជំងឺកូវីដ-១៩៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម