ព័ត៌មានជាតិ
ក្រសួងសុខាភិបាល ស្នើសុំសារព័ត៌មានខ្មែរថែម៍ ធ្វើការកែតម្រូវការចុះផ្សាយព័ត៌មានខុសរបស់ខ្លួន
ភ្នំពេញ ៖ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានស្នើសុំសារព័ត៌មានខ្មែរថែម៍ ធ្វើការកែតម្រូវការចុះផ្សាយព័ត៌មានខុសរបស់ខ្លួនទាក់ទិននឹងពលករខ្មែរមកពីប្រទេសថៃម្នាក់លួចរត់គេចមិនធ្វើចត្តាឡីស័កមកស្រុកកំណើតរបស់ខ្លួននៅខេត្តកណ្តាល។
បើតាមសារព័ត៌មានខ្មែរថែម៍ដែលបានចុះផ្សាយនៅថ្ងៃនេះបានឲ្យដឹងថា មានពលករចំណាកស្រុកម្នាក់ដែលបានវិលត្រឡប់ពីប្រទេសថៃមកប្រទេសកម្ពុជាវិញ កាលពីថ្ងៃអង្គារបានរត់គេចពីការ ដាក់ឲ្យ នៅដាច់ដោយឡែកកាលពីថ្ងៃសុក្រហើយបានភៀសខ្លួនទៅស្រុកកំណើតនៅខេត្តកណ្តាល។
ពលករនោះមានឈ្មោះ គង់ ម៉េងហេង អាយុ ២៦ ឆ្នាំ មកពីភូមិសាមគ្គី ឃុំព្រែកដំបង ក្នុងស្រុកមុខកំពូលបានភៀសខ្លួនទៅស្រុកកំណើតកាលពីល្ងាចថ្ងៃសុក្រ។
នៅក្នុងអត្ថបទរបស់ខ្លួន ខ្មែរថែម៍បានដកស្រង់ប្រសាសន៍របស់លោកស្រី វេជ្ជបណ្ឌិត ឱវណ្ណឌីនបាននិយាយថា ពេលមកដល់ចំណុចកណ្តាលគាត់បានលោតចេញពីឡានហើយរត់គេចខ្លួន។ អាជ្ញាធរកំពុងស្វែងរកកន្លែងស្នាក់នៅរបស់គាត់ដើម្បីចាប់ខ្លួនគាត់។
ទាក់ទិននឹងអត្ថបទនេះ លោកស្រីវេជ្ជបណ្ឌិត ឱវណ្ណឌីនបានមានប្រសាសន៍ថា «ក្រសួងសុខាភិបាលស្នើសុំសារព័ត៌មានខ្មែរថែម៍ ធ្វើការកែតម្រូវនៅការចុះផ្សាយព័ត៌មានខុសរបស់ខ្លួន ដែលរូបខ្ញុំផ្ទាល់ក៏មិនបានជូនព័ត៌មានដែលដូចការចុះផ្សាយរបស់សារព័ត៌មានខ្មែរថែម៍នៅថ្ងៃនេះដែរ ដែលក្រសួង និងរូបខ្ញុំផ្ទាល់ សូមច្រានចោល ទាំងស្រុង»។
ចំពោះរឿងនេះ លោកស្រីបានបញ្ជាក់ថា បុរស អាយុ២៦ឆ្នាំ មកពីប្រទេសថៃបានចូលមកដល់ភូមិសាមគ្គីឃុំព្រែកដំបងស្រុកមុខកំពូល ខេត្តកណ្តាលនៅពេលយប់ថ្ងៃទី២៣/១២/២០២០។ ក្រោយទទួលបានព័ត៌មាន មន្ត្រីសុខាភិបាល និងអាជ្ញាធរមូលដ្ឋានស្រុកបានចុះទៅពិនិត្យអប់រំ ណែនាំពីវិធានការ និងតម្រូវឲ្យគាត់ធ្វើចត្តាឡីស័ក នៅផ្ទះ ដែលមានម្តាយនិងប្អូនស្រី១នាក់ ហើយមានសមត្ថកិច្ចនៅតាមដានប្រចាំការ។
លោកស្រីបានបន្តថា នៅថ្ងៃទី២៥ ខែធ្នូ ឆ្នាំ២០២០ គាត់ត្រូវបានយកសំណាក ហើយលទ្ធផល ពីវិទ្យាស្ថានប៉ាស្ទ័រកម្ពុជា គឺអវិជ្ជមាននៅល្ងាចថ្ងៃដដែល និងបន្តតាមដានសុខភាពជូនគាត់ ។ ១៣ថ្ងៃក្រោយគាត់នឹងត្រូវយកសំណាកធ្វើ តេស្តលើកទី២ ម្តងទៀត៕
ដោយ ៖ សំអឿន
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី