ព័ត៌មានជាតិ
វីឡាភ្លោះមួយកន្លែងសាងសង់ក្បែរមាត់ព្រែក ស្ថិតក្នុងស្រុកទឹកឈូ មិនទាន់ត្រូវបានវាយកម្ទេចចោលនៅឡើយទេ
វីឡាភ្លោះមួយកន្លែងសាងសង់ក្បែរមាត់ព្រែក ស្ថិតនៅក្នុងស្រុកទឹកឈូ ខេត្តកំពត មិនទាន់ត្រូវបានវាយកម្ទេចចោលនៅ ឡើយទេ ខណៈអាជ្ញាធរមានសមត្ថកិច្ច បានវាយកម្ទេចចោលរបងបេតុង និងកន្លែងអាហារដ្ឋានទំនើបមួយ នៅទីតាំងក្បែរនោះរួចហើយ។
កាលពីចុងខែសីហាកន្លងមក អាជ្ញាធរដឹកនាំដោយលោក សេង សិរីបុត្រ អភិបាលរងខេត្តកំពត អមដំណើរដោយមន្ត្រីសាលាដំបូងខេត្ត ប្រធានមន្ទីររៀបចំដែនដី លោកប្រធានមន្ទីរធនធានទឹក អាជ្ញាធរស្រុកទឹកឈូ និងកងកម្លាំងប្រដាប់អាវុធ បានប្រើប្រាស់គ្រឿងចក្រចំនួន ៤ គ្រឿងកាយវាយកម្ទេចរបងបេតុង និងកន្លែងអាហារដ្ឋានទំនើបមួយ នៅជាប់មាត់ព្រែក ដែលស្ថិតនៅក្នុងភូមិជុំក្រៀល ឃុំជុំក្រៀលស្រុកទឹកឈូ ខេត្តកំពត។ ប៉ុន្តែគេឆ្ងល់ថា ហេតុអ្វីបានជាវីឡាភ្លោះមួយនៅក្បែរនោះ ដែលមានរបងហ៊ុមព័ទ្ធជុំវិញ មកដល់ពេលនេះ មិនទាន់បានវាយកម្ទេចចោលឡើយនៅឡើយ។
លោក ម៉ៅ ធនិន អភិបាលខេត្តកំពត កាលពីថ្ងៃទី ៣១ ខែសីហា ឆ្នាំ ២០២២ បានលើកឡើងថា លោកមិនទុកឲ្យមនុស្ស ៣, ៤នាក់ ទៅ១០នាក់នោះ ទៅធ្វើរបងហ៊ុមព័ទ្ធយកដីចំណីមាត់ព្រែក ដែលធ្វើឲ្យខូចប្រយោជន៍រួម ហើយបើជាដីរបស់រដ្ឋ ត្រូវដកយកមកជាសម្បត្តិរដ្ឋវិញ។ លោកអភិបាលខេត្តកំពត បានលើកឡើងទៀតថា ដីតាមបណ្ដោយមាត់ព្រែក ចាប់ពីទីស្នាក់ការកងទ័ពជើងទឹកប្រចាំទិសកំពត និងកែប រហូតដល់ផ្ទះលោកស្នងការខេត្ត មានប្រវែង ២ពាន់ម៉ែត្រ នឹងធ្វើជាកន្លែងប្រណាំងទូកខ្នាតធំនៅពេលខាងមុខ។
ប្រជាពលរដ្ឋនៅខេត្តកំពត កំពុងរង់ចាំមើល ថាតើវីឡាភ្លោះមួយកន្លែងនេះ នឹងត្រូវអាជ្ញាធរមានសមត្ថកិច្ច វាយកម្ទេច ចោលនៅពេលណា? ខណៈសេចក្ដីរាយការណ៍ពីភ្នាក់ងារកម្ពុជាថ្មីប្រចាំខេត្តកំពត បានឲ្យដឹងថា គិតត្រឹមព្រឹកថ្ងៃទី ៥ ខែកញ្ញា ឆ្នាំ ២០២២នេះ មិនទាន់មានការវាយកម្ទេចចោល នៅឡើយ៕
អត្ថបទ៖ សឹង រ៉ាត់
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)