ព័ត៌មានជាតិ
កម្មវិធីប្រគល់រង្វាន់ជយលាភីការប្រកួតប្រជែង “បញ្ចេញស្នាដៃសិល្បៈគំនូរជាមួយវីតាល់”
វីតាល់ បានរៀបចំពិធីប្រគល់រង្វាន់ជយលាភីដល់ម្ចាស់ស្នាដៃទាំង ១០ រូប របស់កម្មវិធីប្រកួតគំនូរសិល្បៈ ក្រោមប្រធានបទ “វីតាល់ ឆ្លុះបញ្ចាំងពីមោទនភាពជាតិ ក្នុងនាមជាទឹកពិសាតំណាងកម្ពុជា” នាព្រឹកថ្ងៃទី ០៥ ខែកញ្ញា ឆ្នាំ ២០២២ នៅរោងចក្រទឹកពិសាវីតាល់ ដោយមានការចូលរួមពីសំណាក់គណៈគ្រប់គ្រងក្រុមហ៊ុន បុគ្គលិក ម្ចាស់ជយលាភីឆ្នើមទាំង ១០ រូប និងភ្ញៀវកិត្តិយសជាច្រើននាក់ទៀតយ៉ាងរីករាយអធិកអធម។
កម្មវិធីប្រកួតប្រជែង “បញ្ចេញស្នាដៃសិល្បៈគំនូរជាមួយវីតាល់” ក្រោមប្រធានបទ “វីតាល់ ឆ្លុះបញ្ចាំងពីមោទនភាពជាតិ ក្នុងនាមជាទឹកពិសាតំណាងកម្ពុជា” បានបង្កើតឡើងក្នុងគោលបំណងជាវេទិកាប្រកួតសាធារណៈមួយដែលផ្តល់ឱកាសដល់យុវជន វិចិត្រករ និងជនរួមជាតិទាំងអស់ បានបង្ហាញស្នាដៃច្នៃប្រឌិត និងទេពកោសល្យរបស់ខ្លួន និងស្របពេលសាទរកម្ពុជាជាម្ចាស់ផ្ទះរៀបចំកិច្ចប្រជុំរដ្ឋមន្ត្រីការបរទេសអាស៊ានលើកទី ៥៥ ផងដែរ។
ក្នុងឱកាសនេះដែរ លោកសោមនស្ស វិបុល ប្រធានផ្នែកពាណិជ្ជកម្ម មានប្រសាសន៍ថា “នេះជាលើកដំបូងហើយដែលវីតាល់បានរៀបចំកម្មវិធីប្រកួតប្រជែងស្នាដៃគំនូរសិល្បៈដែលធ្វើការផ្សព្វផ្សាយលើឌីជីថលយ៉ាងគគ្រឹកគគ្រេងបែបនេះ។ យើងពិតជារីករាយ និងមានមោទកភាព ដែលការប្រកួតនេះទទួលបានសន្ទុះគាំទ្រយ៉ាងខ្លាំង ថែមទាំងអាចទទួលបានគំនូរសិល្បៈដ៏អស្ចារ្យ និងមានអត្ថន័យជាច្រើនពីសំណាក់យុវជន និងវិចិត្រករមកពីស្ថាប័នសិល្បៈរដ្ឋ និងឯកជនផ្សេងៗនៅទូទាំងរាជធានីខេត្ត ចាប់តាំងពីការបើកប្រកួតពីថ្ងៃទី ២៧ ខែកក្កដា រហូតដល់ថ្ងៃទី ១៧ ខែសីហា ឆ្នាំ ២០២២”។
នៅក្នុងការប្រកួតប្រជែងនេះ ស្នាដៃគំនូរចំនួន ៧៧ ត្រូវបានដាក់ចូលរួមប្រកួត និងឆ្លងកាត់ការវាយតម្លៃជាច្រើនដំណាក់កាល។ បន្ទាប់ពីបានឆ្លងកាត់ការជ្រើសរើសយ៉ាងយកចិត្តទុកដាក់ និងពិភាក្សាយ៉ាងលម្អិតក្នុងចំណោមអ្នកជំនាញផ្នែកសិល្បៈគំនូរ និងអ្នកជំនាញលើការច្នៃប្រឌិត ព្រមទាំងបានឆ្លងកាត់ការបោះឆ្នោតគាំទ្រតាមអនឡាញលើទំព័រហ្វេសប៊ុកវីតាល់ ទីបំផុតយើងបានរកឃើញម្ចាស់ជយលាភីឆ្នើមទាំង ១០ រូប។
រង្វាន់ដែលវីតាល់បានផ្តល់ជូនជយលាភីឆ្នើមទាំង ៥ ដំបូង គឺ iPad Air 5 និងជយលាភីឆ្នើមទាំង ៥ ចុងក្រោយ គឺកាសត្រចៀក Beat Studio Buds ជំនាន់ចុងក្រោយ រួមជាមួយលិខិតសរសើរ និងកាដូអនុស្សាវរីយ៍ពីវីតាល់។ ក្នុងនាមជាក្រុមហ៊ុនទឹកពិសាគុណភាពខ្ពស់មួយក្នុងស្រុក វីតាល់ជានិច្ចកាលតែងតែបន្តបង្កើត និងគាំទ្ររាល់សកម្មភាពសប្បុរសធម៌ សង្គមនិងកម្សាន្តជាច្រើនផ្សេងៗ ដែលធ្វើឡើងក្នុងគោលបំណងផ្តល់ប្រយោជន៍ដល់សង្គម និងជនរួមជាតិខ្មែរគ្រប់ទិសទី។
វីតាល់សូមសម្តែងនូវការកោតសរសើរ និងអំណរគុណចំពោះការចំណាយពេលវេលាដ៏មានតម្លៃរបស់បេក្ខភាពគ្រប់រូប ក្នុងការខិតខំសម្រិតសម្រាំងបង្កើតនូវស្នាដៃ ដែលបង្កប់នូវអត្ថន័យ អត្ថរូប និងអត្ថរសគួរជាទីស្ងើចសរសើរ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត