ព័ត៌មានជាតិ
កម្ពុជា វៀតណាម រំលឹកខួប៥៥ឆ្នាំ នៃទំនាក់ទំនងការទូត
ស្វាយរៀង: មន្រ្តីកម្ពុជា បានចូលរួមពិធីរំលឹកខួប ៥៥ឆ្នាំ នៃការបង្កើតទំនាក់ទំនងការទូត រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម (២៤.០៦.១៩៦៤-២៤.០៦.២០២២ ) រវាងខេត្តស្វាយរៀង ខេត្តព្រៃវែង ខេត្តត្បូងឃ្មុំ និងខេត្តកំពង់ចាម ដែលប្រារព្ធធ្វើនៅខេត្តតៃនិញ ប្រទេសវៀតណាម នៅថ្ងៃទី ០៦ ខែកញ្ញា ឆ្នាំ២០២២។
លោក ម៉ែន វិបុល អភិបាលខេត្តស្វាយរៀង បានចូលរួមអបអរសាទរក្នុងឱកាសរំលឹកខួបអនុស្សាវរីយ៍លើកទី៥៥ នៃការបង្កើតទំនាក់ទំនងការទូតរវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម និងអបអរសាទរផងដែរជាមួយប្រជាពលរដ្ឋបក្ស និងរដ្ឋ នៃខេត្តតៃនិញ ក្នុងឱកាសខួបលើកទី៧៧ នៃទិវាបុណ្យឯករាជ្យជាតិវៀតណាម ថ្ងៃទី០២ ខែកញ្ញា ឆ្នាំ១៩៤៥-២០២២។
លោកបន្តថា ការរៀបចំពិធីដ៏មានសារៈសំខាន់នេះ គឺជាការផ្សារភ្ជាប់ជាមួយសកម្មភាពផ្លាស់ប្ដូរវប្បធម៌ សិល្បៈ កីឡា និងការតាំងពិព័រណ៍ផលិតផលតំបន់របស់បណ្ដាខេត្ត នីមួយៗ គឺមិនត្រឹមតែបានឆ្លុះបញ្ចាំងឲ្យឃើញពីមិត្តភាពដ៏ជិតស្និទ្ធ និងកិច្ចសហប្រតិបត្តិការ ដ៏រឹងមាំរវាងប្រទេសទាំងពីរ ក៏ដូចជាខេត្ត ទាំងសងខាងរួមគ្នាកសាង និងសម្រេចបានកន្លងមកប៉ុណ្ណោះទេ ប៉ុន្តែក៏បានបង្ហាញពីឆន្ទៈដ៏ម៉ឺងម៉ាត់មុតស្រួច ច្បាស់លាស់ និងខ្លាំងក្លា ក្នុងការចូលរួមបន្តពូនជ្រំនូវប្រពៃណីទំនាក់ទំនងសាមគ្គីភាព មិត្តភាពជាបងប្អូនល្អ សហប្រតិបត្តិការ លើគ្រប់វិស័យ រឹងមាំ គង់វង្ស យូរអង្វែង។
លោកបានបន្ថែមថា ក្នុងរយៈពេល ៥៥ឆ្នាំកន្លងមកនេះ កម្ពុជា-វៀតណាម បានឆ្លងកាត់នូវដំណាក់កាល ជាប្រវត្តិសាស្ត្រជាច្រើន ដោយបានជួយគាំទ្រគ្នាទៅវិញទៅមក ដើម្បីបុព្វហេតុឯករាជ្យ អធិបតេយ្យភាព បូរណភាព និងការអភិវឌ្ឍ ។ បច្ចុប្បន្នប្រជាជន បណ្ដាខេត្តជាប់ព្រំដែន បាននិងកំពុងសប្បាយរីករាយ ដោយការពេញចិត្ត ចំពោះវឌ្ឍនភាពនៃទំនាក់ទំនងដ៏ល្អប្រសើរលើគ្រប់វិស័យ ដែលបានផ្ដល់ផលប្រយោជន៍ ទៅវិញទៅមកដល់ការរីកចម្រើនផ្នែកសង្គមសេដ្ឋកិច្ច នាំមកនូវការអភិវឌ្ឍ៕ ដោយ:ភក្ដី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ