Connect with us

ព័ត៌មានជាតិ

មន្រ្តី​​វាយ​តម្លៃ​​ថ្ងៃ​កាន់បិណ្ឌវេនទី១ នៅតាមវត្តអារាមនៅទូទាំងប្រទេស

បានផុស

នៅ

លោក  សេង សុមុនី រដ្ឋលេខាធិការនិងជាអ្នកនាំពាក្យក្រសួងធម្មការនិងសាសនាបានមានប្រសាសន៍នៅព្រឹក ថ្ងៃទី​១១ កញ្ញានេះថា នៅថ្ងៃទី ១ នៃពិធីបុណ្យកាន់បិណ្ឌនេះមានពុទ្ធបរិស័ទយ៉ាងច្រើនលើសលប់ បានធ្វើដំណើរទៅបំពេញបុណ្យ​កុសលនៅតាមវត្តអារាមនៅទូទាំងប្រទេស ជាមួយនឹងវិធានការការពារជំងឺកូវីដ ១៩ តាមការណែនាំរបស់ក្រសួងសុខាភិបាល​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ថ្ងៃកាន់បិណ្ឌវេនទី១នេះ ស្ថានភាពទូទៅនៅទូទាំងប្រទេសល្អប្រសើរមិនមានអ្វីកើតឡើងនោះទេ គឺមានមនុស្សចូលរួមធ្វើបុណ្យតាមបណ្តាវត្តអារាមនានាច្រើនជាងឆ្នាំមុន ហើយបានពាក់ម៉ាសនិងរក្សាគម្លាតសុវត្តិភាពបុគ្គលភាគច្រើនតាមការណែនាំរបស់ក្រសួងសុខាភិបាល»។

លោកបានបន្តទៀតថា ការដែលមានពុទ្ធបិស័ទចូលរួមច្រើនជាងឆ្នាំមុនទី ១ ដោយសារស្ថានភាពជំងឺកូវីដ ១៩ មានភាព​ធូរ​ស្រាល ទី២ រាជរដ្ឋាភិបាលបានបើកប្រទេសឡើងវិញ ទី៣ ប្រជាពលរដ្ឋមានសេដ្ឋកិច្ចកល្អប្រសើរនិងទី៤ ប្រទេសមាន​​សន្តិភាពបានបង្កលក្ខណៈងាយស្រួលក្នុងការឱ្យប្រជាពលរដ្ឋមានពេលវេលាទៅធ្វើបុណ្យទាន។

លោកបានបន្ថែមទៀតថា ក្រៅពីនេះក៏មានការរៀបចំឲ្យព្រះសង្ឃគ្រប់ព្រះអង្គ ដូនជីតាជីនិងពុទ្ធបរិស័ទទាំងអស់ពាក់ម៉ាស់បាន​គ្រប់ៗគ្នា និងរក្សាគម្លាតឲ្យនៅឆ្ងាយពីគ្នា នៅពេលចូលក្នុងទីវត្តអារាម ពេលរាប់បាត្រពេលអង្គុយឬឈររង់ចាំប្រគេនចង្ហាន់ឲ្យមានការឆ្លាស់គ្នាជាពិសេសនៅពេលសូត្រព្រះធម៌ ពេលបង្សុ កូលនិងឧទ្ទិសកុសលជូនមាតាបិតាញាតិកានិងបុព្ធការីជនដែលបានធ្វើមរណកាលទៅហើយ។

យ៉ាងណាក៏ដោយ លោកបានទទួលស្គាល់ថាមានពុទ្ធបរិស័ទខ្លះមិនបានពាក់ម៉ាសដែរ ប៉ុន្តែបានរក្សាគម្លាតសុវត្តិភាពដើម្បីការពារការឆ្លងរាលដាលជំងឺកូវីដ១៩។

ចំណែកលោក សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានណែនាំដល់ព្រះសង្ឃ និងពុទ្ធបរិស័ទទាំងអស់​ត្រូវពាក់ម៉ាស់ពេលចូលក្នុងទីវត្តអារាមនីមួយៗ ក្នុងអំឡុងពិធីបុណ្យកាន់បិណ្ឌ និងភ្ជុំបិណ្ឌនេះ ដើម្បីការពារទប់ស្កាត់កុំឲ្យមានការឆ្លងជំងឺកូវីដ១៩ចូលទៅក្នុងសហគមន៍។

លោករដ្ឋមន្ត្រីបានក្រើនរំលឹក ដល់អាជ្ញាធររាជធានីខេត្តគណៈកម្មការឯកភាពឃុំសង្កាត់ខណ្ឌ គណៈកម្មការថែរក្សាសន្តិសុខ​និង​សណ្ដាប់ធ្នាប់របៀបរៀបរយនៅក្នុងទីវត្តអារាម និងគណៈកម្មការវត្តត្រូវចាត់ចែងណែនាំឲ្យមានការអនុវត្តវិធានការសុខាភិបាល និងត្រូវបង្កើនសកម្មភាពត្រួតពិនិត្យតាមដានលើពុទ្ធបរិស័ទដែលចេញចូលទីវត្តអារាម សាលាឆាន់និងកុដិនីមួយៗឲ្យបានម៉ត់ចត់ និងអនុវត្តឲ្យបានខ្ជាប់ខ្ជួននូវវិធានការការពារការចម្លងជំងឺកូវីដ១៩។ រាល់ករណីសង្ស័យឆ្លងជំងឺ​កូវីដ​១៩ ឬករណីគ្រុនក្តៅឬគ្រុនផ្ដាសាយ ដែលកើតមានជាក្រុមត្រូវរាយការណ៍មកទូរសព្ទទាន់ហេតុការណ៍ ១១៥ ជាបន្ទាន់។

គួរបញ្ជាក់ថា ពិធីបុណ្យកាន់បិណ្ឌនិងភ្ជុំបិណ្ឌនៅឆ្នាំនេះបានចាប់ផ្តើមពីថ្ងៃ ១១ រហូតដល់ថ្ងៃទី ២៦ ខែកញ្ញាឆ្នាំ​២០២២​ខណៈបច្ចុប្បន្ននេះនៅប្រទេសកម្ពុជាមានវត្តអារាមចំនួន ៥១០៥ វត្តនិងព្រះសង្ឃ ៧០៩០៤ អង្គនៅទូទាំងប្រទេស៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

ឯកឧត្តម ហ៊ុន ម៉ាណែត៖ សន្តិភាព និងសេរីភាព ជាកត្តាធ្វើឲ្យគ្រិស្តសាសនិក ប្រតិបត្តិជំនឿរបស់ខ្លួនបានពេញលេញ

ព័ត៌មានជាតិ៤១ នាទី មុន

អង្គការភ្លែនអន្តរជាតិកម្ពុជា និងអង្គការដៃគូបន្តគម្រោងសាលារៀនសុវត្ថិភាពនៅកម្ពុជា

KPT+៤៧ នាទី មុន

លោកយាយសិង្ហបុរីម្នាក់ ទម្លាយល្បិចជនខិលខូច ធ្លាប់ឆបោកប្រាក់ខ្លួនអស់រាប់ម៉ឺនដុល្លារ

ព័ត៌មានអន្ដរជាតិ១ ម៉ោង មុន

ទីក្រុងព្យុងយ៉ាង ព្រមានអាមេរិកខ្លាំងៗ ជុំវិញការចោទប្រកាន់ដែលថា ខ្លួនផ្ដល់អាវុធដល់រុស្ស៊ី

ព័ត៌មានជាតិ២ ម៉ោង មុន

ចៅសង្កាត់ច្បារអំពៅទី២ នាំមន្រ្តីចុះប្រមូលសំរាមនៅក្នុងសហគមន៍ថ្មសាន្ត

Sokha Hotels

ព័ត៌មានពេញនិយម