ព័ត៌មានជាតិ
ទូតជប៉ុន៖បញ្ហាសិទ្ធិមនុស្ស និងប្រជាធិបតេយ្យ ជាឧបសគ្គនៃទំនាក់ទំនងកម្ពុជា និងលោកខាង លិច
ឯកអគ្គរាជទូតជប៉ុនប្រចាំនៅកម្ពុជា លោក មិកាមិ ម៉ាសាហ៊ីរ៉ូ បានថ្លែងថា ទំនាក់ទំនងកម្ពុជាជាមួយសហរដ្ឋអាមេរិក និងសហភាពអឺរ៉ុប គឺនៅមានបញ្ហាប្រឈមមួយចំនួនទាក់ទងនឹងការវាយតម្លៃស្ថានភាពសិទ្ធិមនុស្ស និងលទ្ធិប្រជាធិបតេយ្យនៅកម្ពុជា។ លោក មិកាមិ ម៉ាសាហ៊ីរ៉ូ ថ្លែងបែបនេះ ក្នុងកិច្ចសម្ភាសន៍ជាមួយ«កម្ពុជាថ្មី» នៅថ្ងៃទី១២ ខែកញ្ញា។
លោក ម៉ាសាហ៊ីរ៉ូ លើកឡើងដូច្នេះថា៖ «ជាគោលនយោបាយការបរទេស កម្ពុជាបានបញ្ជាក់យ៉ាងច្បាស់ថា មានគោល បំណងកសាងទំនាក់ទំនងល្អជាមួយប្រទេសគ្រប់ទិសទី រួមទាំងសហរដ្ឋអាមេរិក និងបណ្ដាប្រទេសនៅអឺរ៉ុបផងដែរ»។ ប៉ុន្តែ លោកយល់ថា ទំនាក់ទំនងកម្ពុជាជាមួយសហរដ្ឋអាមេរិក និងបណ្ដាប្រទេសនៅអឺរ៉ុប មានទិដ្ឋភាពប្រឈមមួយចំនួនទាក់ទងនឹងបញ្ហាសិទ្ធិមនុស្ស និងលទ្ធិប្រជាធិបតេយ្យនៅកម្ពុជា។
ត្រង់ចំណុចនេះ លោកទូតជប៉ុន អះអាងថា សហរដ្ឋអាមេរិក និងសហភាពអឺរ៉ុប គឺជាមហាអំណាពិភពលោក ហើយមាន គោលនយោបាយការបរទេសរៀងៗខ្លួន ដូច្នេះ ប្រហែលជាមិនសូវមានរឿងច្រើនដែលជប៉ុនអាចធ្វើជាអន្តរការីដោយផ្ទាល់បាននោះទេ។
តែយ៉ាងណាក្ដី លោកឯកអគ្គរាជទូត បញ្ជាក់ថា ជប៉ុនមិនចង់ឃើញការប្រឈមមុខដាក់គ្នារវាងកម្ពុជា និងប្រទេសលោកខាងលិចទេ ដោយជប៉ុន ចង់ឲ្យកម្ពុជា និងប្រទេសលោកខាងលិច គួរមានការជួយលើកកម្ពស់ការយល់ដឹង និងត្រូវមានការប្រាស្រ័យទាក់ទងគ្នាល្អទៅវិញទៅមក។ ទន្ទឹមគ្នានេះ ដោយផ្អែកលើបរិយាកាសសង្គម និងវប្បធម៌នយោបាយរបស់ជប៉ុន និងកម្ពុជា ដែលមានភាពស្រដៀងគ្នានោះ រដ្ឋាភិបាលជប៉ុន នឹងខិតខំគិតគូរបន្ត ថាតើមានអ្វីដែលជប៉ុនអាចធ្វើទៅបាន ក្នុងការជួយជំរុញទំនាក់ទំនងឲ្យកាន់តែល្អប្រសើររវាងកម្ពុជាជាមួយសហរដ្ឋអាមេរិក និងអឺរ៉ុប៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ