Connect with us

ព័ត៌មានជាតិ

រដ្ឋមន្ត្រីក្រសួងសាធារណការ ​ជំរុញឱ្យវិស័យឯកជន​ដាក់ទុនវិនិយោគ​ដំឡើង​ស្ថានីយបញ្ចូល​ថាមពលរថយន្តអគ្គិសនី

បានផុស

នៅ

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន​បានអំពាវ​នាវឱ្យ​វិស័យឯកជន​ចូលរួម​ជាមួយរាជរដ្ឋាភិបាលកម្ពុជា​ក្នុងការបោះទុនវិនិយោគដំឡើង​ស្ថានីយ​បញ្ចូល​ថាមពលយានយន្តអគ្គិសនី​នៅតាមស្ថានីយប្រេងឥន្ធនៈឱ្យបានច្រើន​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោកទេសរដ្ឋមន្ត្រី ស៊ុន ចាន់ថុល មានប្រសាសន៍នៅក្នុងពិធី ដាក់ឱ្យប្រើប្រាស់​ស្ថានីយបញ្ចូល​ថាមពល​យានយន្តអគ្គិសនី ស្ថិតនៅភូមិបឹងដូនប៉ា សង្កាត់ស្លក្រាម ក្រុងសៀមរាប នៅរសៀលថ្ងៃទី ១៤ ខែកញ្ញា ឆ្នាំ ២០២២។

​លោកទេសរដ្ឋមន្ត្រី ស៊ុន ចាន់ថុល បានស្នើឱ្យ​ដៃគូអភិ​វឌ្ឍ​ផ្ដល់ជំនួយ និងផ្ដល់ប្រាក់កម្ចី ដើម្បីឱ្យ​រាជរដ្ឋា​​ភិបាលកម្ពុជា​មានលទ្ធភាព​ក្នុងការដំឡើងស្ថានីយ​បញ្ចូល​ថាមពលយានយន្តអគ្គិសនី។ ហើយក៏អំពាវនាវដល់ផ្នែកឯកជន​ឱ្យវិនិយោគលើការតម្លើងស្ថានីយបញ្ចូលថាមពលអគ្គិសនី ខណៈ​រាជរដ្ឋាភិបាលកំពុងខិតខំប្រឹងប្រែងត្រួសត្រាយផ្លូវឲ្យផ្នែកឯកជនចូលរួមវិនិយោគលើវិស័យ​បញ្ចូល​ថាមពល។

ក្រៅពីរថយន្តដើរដោយថាមពលអគ្គិសនី​រដ្ឋាភិបាល​ក៏ជំរុញឱ្យយានយន្តផ្សេងទៀតដូចជាម៉ូតូក៏ត្រូវប្រើថាមពលអគ្គិសនីផងដែរ ខណៈដែល UNDP បានផ្ដល់ម៉ូតូអគ្គិសនីចំនួន ៣០ គ្រឿង​មកឱ្យក្រសួងសាធារណការ និងដឹកជញ្ជូន ហើយរាជរដ្ឋាភិបាលក៏ត្រៀមទិញ ៥០ គ្រឿងបន្ថែម​ទៀត​ដើម្បីប្រើនៅក្រសួងសារធារណការ។

​លោកទេសរដ្ឋមន្ត្រី ស៊ុន ចាន់ថុល​បញ្ជាក់ថា ស្ថានីយញ្ចូល​ថាមពលអគ្គិសនី ​បច្ចុប្បន្ននៅតិចតូចនៅឡើយ ​ខណៈរថយន្តដើរដោយថាមពលអគ្គិសនីកំពុងមានការកើនឡើងច្រើន​ ក្នុងរយៈពេល ៧ ខែ ឆ្នាំ ២០២២ ​ក្រសួងសារធារណការបានចុះបញ្ជីយានយន្តអគ្គិសនីចំនួន ៣០៥ គ្រឿង មានការកើន​ឡើងជាង ១ ៨០០ ភាគរយ បើប្រៀបធៀបឆ្នាំ ២០២១ មានតែ ១៦ គ្រឿង។

ការប្រើប្រាស់រថយន្តអគ្គិសនី ផ្ដល់អត្ថប្រយោជន៍ច្រើនដូចជា អត្រាពន្ធនាំចូល​ប្រមាណត្រឹមតែ ៦០ ភាគរយ ​ប្រៀប ធៀបជាមួយរថយន្តថាមពលឥន្ធនៈ គឺធូរថ្លៃច្រើន និងចំណាយតិច ព្រមទាំងចូលរួមកាត់បន្ថយការបំពុលបរិស្ថានជាដើម៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

សម្តេចតេជោ ហ៊ុន សែន ទម្លាក់ថវិកាជាតិ ៣០លានដុល្លារ បោសសម្អាតមីន ឱ្យអស់ត្រឹម​ឆ្នាំ ២០២៥

ព័ត៌មានជាតិ៩ ម៉ោង មុន

លោកទេសរដ្ឋមន្ត្រី​ លី ធុជ ប្ដេជ្ញាអនុវត្ត​ប្រែក្លាយឆ្នាំ២០២៥ទៅជាឆ្នាំគ្មានមនុស្សស្លាប់ និងរបួស ដោយសារមីន

វប្បធម៌ ជំនឿ៩ ម៉ោង មុន

យល់សប្ដិឃើញ “យមទូត” ជាប្រផ្នូលនៃសេចក្ដីស្លាប់ឬ?

ព័ត៌មានជាតិ១១ ម៉ោង មុន

ព្រឹកស្អែក សម្តេច​តេ​ជោ ហ៊ុន សែន នឹង​អញ្ជើញ​ជា​អធិបតី​ក្នុង​ពិធី​បើក​វេទិកា​អភិបាលក្រុង​អាស៊ាន​

ជីវិតកម្សាន្ដ១១ ម៉ោង មុន

ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម

Sokha Hotels

ព័ត៌មានពេញនិយម