សម្តេចតេជោ នឹងបញ្ចេញសៀវភៅដែលបង្ហាញរឿងសំងាត់ៗជាច្រើនចំនួន៥ម៉ឺនក្បាលនាពេលខាងមុខនេះ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសឲ្យដឹងនៅព្រឹកថ្ងៃព្រហស្បតិ៍នេះថា សម្តេចកំពុងឲ្យគេបោះពុម្ភសៀវភៅដែលនិយាយពីរឿងសំងាត់ៗជាច្រើនចំនួន៥ម៉ឺនក្បាលសម្រាប់ប្រជាពលរដ្ឋខ្មែរ និងមិត្តភក្រ័បរទេសបានស្វែងយល់។

តាមរយៈទំព័រហ្វេសប៊ុក សម្តេចតេជោនាយករដ្ឋមន្រ្តី បានសរសេរបញ្ជាក់ថា៖ ដល់ពេលដែលត្រូវបញ្ចេញនូវរឿងរ៉ាវមួយចំនួនដែលមនុស្សភាគច្រើនមិនបានដឹង។ ឯកឧត្តម កែវ បាភ្នំប្រធានគណៈស្រាវជ្រាវប្រវត្តិ​សាស្រ្តគណបក្សប្រជាជន និងជារដ្ឋមន្ត្រីប្រតិភូអមនាយករដ្ឋមន្ត្រីបានសរសេរសៀវភៅ​មួយក្បាលដែលមានចំនួន៦០១ទំព័រ»។

សម្តេចតេជោ បានសរសេរបន្តទៀតថា ៖ «សៀវភៅនេះបានបញ្ចេញនូវរឿង សម្ងាត់ប្រម៉ាន៧០ទៅ៨០ភាគរយដែលមនុស្សភាគច្រើនមិនបានដឹងដែលខ្ញុំយល់ថា ចាំបាច់ត្រូវបញ្ចេញឱ្យដឹងនាពេលនេះ។ ខ្ញុំកំពុងឱ្យបោះពុម្ភចំនួន៥ម៉ឺនច្បាប់ និងចាត់ចែងឱ្យមានការបកប្រែជាភាសារអង់គ្លេស ដើម្បីឱយមិត្តភក្រ័បរទេសបានផងដែរ។ ជូនភ្ជាប់ជាមួយនូវរូបភាពសៀវភៅ»៕