ព័ត៌មានជាតិ

ទូកចូលរួមប្រណាំងនៅក្រុងតាខ្មៅ កើនជិតដល់ ៩០ ទូក

បានផុស

៤ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

លោក ចេង សំអ៊ុល ប្រធានមន្ទីរអប់រំយុវជននិងកីឡាខេត្តកណ្ដាល និងជាអនុប្រធានអនុគណៈកម្មការបច្ចេកទេសបានឲ្យដឹងថា ចំនួនទូកដែលចូលរួមប្រណាំងនៅក្រុងតាខ្មៅបានកើនឡើងដល់ជិត ៩០ទូកហើយគិតត្រឹមពេលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំនៅព្រឹកថ្ងៃទី ០៦ ខែតុលា ឆ្នាំ២០២២ នេះ លោក ចេង សំអ៊ុល បានគូសបញ្ជាក់ថា ពិធីប្រណាំងទូកនៅក្រុងតាខ្មៅគ្រោងរៀបចំរយៈពេល ២ ថ្ងៃ នៅថ្ងៃទី២២-២៣ ខែតុលា ឆ្នាំ២០២២ ខាងមុខនេះ។ ក្នុងចំណោមទូកទាំង ៨៩ ដែលចូលរួមប្រណាំង មានទូកអុំបុរសចំនួន ៤៤ ទូក ទូកចែវបុរសចំនួន ៦ ទូក ទូតខ្នាតអន្តរជាតិផ្នែកបុរសចំនួន ៣៦ ទូក ទូតខ្នាតអន្តរជាតិផ្នែកនារីចំនួន ៣ ទូក។

លោក ប៊ុន ផេង អភិបាលរងខេត្កណ្តាលបានណែនាំដល់សមាជិកនៃអនុគណៈកម្មការទាំងអស់ ត្រូវត្រៀមនូវរាល់ខ្លឹមសារសំខាន់ៗនៃបទបញ្ជាការប្រណាំង ដើម្បីឲ្យកីឡាករ-កីឡាការិនីដែលចូលរួមប្រកួតបានយល់និងអនុវត្តដោយការទទួលខុសត្រូវខ្ពស់ ព្រមទាំងយល់ច្បាស់ពីការបែងចែកចំណាត់ថ្នាក់ទូក ទូកលឿន មធ្យម ទូកគូរពិសេស និងទូកខ្នាតអន្តរជាតិ។

ជាមួយគ្នានេះ លោកបានជំរុញដល់ក្រុមការងារទាំងអស់ត្រូវសម្របសម្រួលបច្ចេកទេស និងត្រួតពិនិត្យឧបករណ៍សម្ភារៈសម្រាប់បម្រើក្នុងពិធីប្រណាំងទូកកុំឲ្យមានការថ្លោះធ្លោយ និងត្រូវត្រៀមលក្ខណៈសម្បត្តិជាមុន គោរពតាមវិន័យ សីលធម៌ថ្លៃថ្នូរ ជៀសវាងភាពយឺតយ៉ាវឬបាត់សណ្ដាប់ធ្នាប់៕

ដោយ៖ ឌឿនចាន់ ថារី

Related Topics:ប្រណាំងទូកង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា