ព័ត៌មានជាតិ
ផ្អាកដឹកជញ្ជូនពលករ ទោះមានដល់រាប់ម៉ឺននាក់ ត្រូវពង្រឹងសមត្ថភាពគ្រប់គ្រង ចត្តាឡីស័កតាមព្រំដែន
ថ្លែងក្នុងសារបន្ទាន់មួយនៅល្ងាចនេះ សម្តេចតេជោ ហ៊ុន សែន បានចេញបទបញ្ជាឲ្យផ្អាកការដឹកជញ្ជូនពលករចល័តក្នុងផ្ទៃប្រទេស ដោយត្រូវពង្រឹងសមត្ថភាពកន្លែងធ្វើចត្តាឡីស័កខេត្តតាមព្រំដែន ទោះបីអាចមានចំនួនរាប់ម៉ឺននាក់ក៏ដោយ ដើម្បីបង្ការការពង្រាយជំងឺដែលពិបាកគ្រប់គ្រង។
សម្តេចតេជោក៏ចេញការណែនាំឲ្យអាជ្ញាធរតាមព្រំដែន ត្រូវគ្រប់គ្រងលំហូរពលករឲ្យបានហ្មត់ចត់បំផុត ដាច់ខាតមិនឲ្យមានការលួចឆ្លងចូលក្នុងប្រទេសដោយគ្មានការត្រួតពិនិត្យ ធ្វើសំណាក និងធ្វើចត្តាឡីស័កនោះទេ។
សម្តេចតេជោឲ្យក្រសួងសុខាភិបាលត្រូវបន្ថែមក្រុមគ្រូពេទ្យបើសិនមានការចាំបាច់។ ត្រូវធ្វើសកម្មភាពជាបន្ទាន់ ដោយត្រូវបន្ថែមសម្ភារៈនិងថវិកា ត្រូវបង្កើនល្បឿនក្នុងការធ្វើតេស្តនិងការដឹកជញ្ជូនសំណាកមកវិទ្យាស្ថានប៉ាស្ទ័រ។ ជាមួយគ្នានេះ សម្តេចតេជោក៏ឲ្យអាជ្ញាធរនៅតាមបណ្តាខេត្តនៅខាងក្រោម ត្រូវត្រួតពិនិត្យតាមមូលដ្ឋានរបស់ខ្លួន បើសិនមានបងប្អូនពលករដែលមកពីថៃត្រូវគ្រប់គ្រងឲ្យបានហ្មត់ចត់ ចៀសវាងការពង្រាយជំងឺឆ្លងទៅកាន់ក្រុមគ្រួសារ និងសហគមន៍។
សម្តេចតេជោក៏សំណូមពរយ៉ាងទទូចដល់ពលករ ដែលធ្វើការនៅប្រទេសថៃត្រូវបន្តស្នាក់នៅ សុំកុំចល័តក្នុងកាលៈទេសៈដ៏លំបាកនេះ ប្រសើរជាងនាំជំងឺចូលក្នុងប្រទេស និងការពារការបាត់បង់ការងារជាយថាហេតុ។
សម្តេចតេជោ ហ៊ុន សែន បានលើកឡើងដោយយោងតាមការជូនព័ត៌មានពីវិទ្យាស្ថានប៉ាស្ទ័រគិតត្រឹមម៉ោង ០៥ ល្ងាចថ្ងៃនេះ រកឃើញអ្នកឆ្លង ០៦ នាក់។ នៅមានអ្នកសង្ស័យជាច្រើនទៀត ដែលចំនួនអ្នកឆ្លងអាចកើនលើស ១០ នាក់៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ