ព័ត៌មានជាតិ

ឆ្នាំ២០២៣ ឧកញ៉ា គីម ហ៊ាង គ្រោងចាយ១០ម៉ឺនដុល្លារដើម្បីបាល់ទាត់

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

លោកឧកញ៉ា គីម ហ៊ាង គ្រោងចំណាយថវិកាប្រមាណ១០ម៉ឺនដុល្លារអាមេរិកក្នុងការរួមចំណែកសកម្មភាពកីឡាបាល់ទាត់នៅក្នុងប្រទេសកម្ពុជាសម្រាប់ឆ្នាំ២០២៣ខាងមុខ។

លោកឧកញ៉ា គីម ហ៊ាង បានឲ្យដឹងថា លោកឧកញ៉ាគ្រោងចំណាយប្រមាណ១០ម៉ឺនដុល្លារអាមេរិកសម្រាប់បាល់ទាត់ក្នុងឆ្នាំ២០២៣ខាងមុខដោយមានជម្រើស២។ ជម្រើសទី១ លោកឧកញ៉ាអាចនឹងចាយសម្រាប់នាំក្រុម Khmer United FC ចូលរួមប្រកួតក្នុងលីគទី២ ដែលជាលីគអាជីព ប៉ុន្តែលោកក៏មានជម្រើសទី២គឺអាចចំណាយដើម្បីរៀបចំការប្រកួតពានរង្វាន់ KW Cambodia League 2023 បន្តទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ាបានបង្កើតក្រុមបាល់ទាត់ Khmer United FC កាលពីឆ្នាំ២០១១ និងបន្ទាប់មកបង្កើតពានរង្វាន់ Khmer Real Estate Cup ក្នុងឆ្នាំ២០១២ ដែលបានប្តូរឈ្មោះមកជាពានរង្វាន់ KW Cambodia League 2022។

ពានរង្វាន់ Khmer Real Estate Cup បានក្លាយជាផ្នែកមួយក្នុងវិស័យបាល់ទាត់កម្ពុជាដែលផ្តល់ឱកាសឲ្យកីឡាករ និងយុវជនបង្ហាញសមត្ថភាព ហើយក៏អាចជាស្ពានសម្រាប់ពួកគេបោះជំហានទៅចូលរួមក្នុងក្លឹបអាជីព។

ក្រុមបាល់ទាត់របស់លោកឧកញ៉ាតែងតែចូលរួមប្រកួតក្នុងពានរង្វាន់ដែលលោកឧកញ៉ាខ្លួនឯងជាអ្នកបង្កើត ប៉ុន្តែមិនធ្លាប់មានសំណាងក្លាយជាជើងឯកឡើយ។ ទើបតែឆ្នាំ២០២២នេះ Khmer United បានក្លាយជាជើងឯកជាលើកដំបូង បន្ទាប់ពីបានចូលរួមប្រកួតទាំងពីឆ្នាំ២០១២ពោលគឺរយៈពេល១០ឆ្នាំហើយ។

លោកឧកញ៉ាត្រូវបានគេមើលឃើញចូលរួមសកម្មភាពក្នុងវិស័យកីឡាបាល់ទាត់ប្រហែលជា១០ឆ្នាំមកហើយទាំងការបង្កើតក្រុមបាល់ទាត់ពាក់កណ្តាលអាជីព និងបង្កើតពានរង្វាន់តាំងពីឆ្នាំ២០១១មក។ ជាមួយគ្នានេះលោកក៏តែងតែចូលរួមលេងបាល់ទាត់ដើម្បីសុខភាពស្ទើររាល់សប្តាហ៍ជាមួយក្រុមរបស់លោក៕

អត្ថបទ៖ វីរបុត្រ

Related Topics:កីឡាបាល់ទាត់

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា