សេវាត្រូវបង់សម្រាប់ផ្លូវល្បឿនលឿន ចន្លោះប្រមាណ ១២-៦០ដុល្លារ ទៅតាមប្រភេទយានយន្ត

យោងតាមតារាងកម្រៃដែលទូទាត់លើមធ្យោបាយធ្វើដំណើរតាមផ្លូវល្បឿនលឿនភ្នំពេញ-ក្រុងព្រះសីហនុ របស់ក្រុមហ៊ុន បានបែងចែកតម្លៃយ៉ាងលម្អិតជាពីរ ដោយតម្លៃទីមួយគឺតម្លៃបានបញ្ចុះតម្លៃរួចហើយ (-២០%) និងមួយទៀតជាតម្លៃពេញ(១០០%) ទៅតាម ៥ប្រភេទយានយន្ត គឺប្រភេទ A-E។

សូមជម្រាបថា ចំពោះសេវាដែលត្រូវបង់សម្រាប់ផ្លូវល្បឿនលឿន គឺចន្លោះប្រមាណ ១២ដុល្លារ-៦០ដុល្លារ ទៅតាមប្រភេទយានយន្តខាងក្រោមនេះ ៖

-ប្រភេទ A

ទោចក្រយានយន្តទំហំសុីឡាំងចាប់ ៥០០cc ឡើងទៅ, រថយន្តគ្រួសារ (មិនលើសពី ៧ កៅអី) និងរថយន្តដឹកទំនិញ អាចផ្ទុកទំនិញក្រោម ២តោន ដែលស្ថិតនៅក្នុងប្រភេទA ត្រូវបង់ ០,០៦៤ ដុល្លារ/គ.ម ស្មើនឹងប្រមាណ ១២ដុល្លារ  ក្នុង ១៨៧,០៥គីឡូម៉ែត្រ ។

-ប្រភេទ B

រថយន្តដឹកអ្នកដំណើរ (ចាប់ពី ៨-១២កៅអី) និងរថយន្តដឹកទំនិញ (អាចផ្ទុកទំនិញ ២តោន-៥តោន) ស្ថិតក្នុងប្រភេទB វិញ តម្រូវឱ្យបង់ ០,១២៨ ដុល្លារ/គ.ម ស្មើនឹងប្រមាណជាង ២៣ដុល្លារ  ក្នុង ១៨៧,០៥គីឡូម៉ែត្រ ។

-ប្រភេទ C

រថយន្តដឹកអ្នកដំណើរ (ចាប់ពី ២០-៥៦កៅអី) និងរថយន្តដឹកទំនិញ (អាចផ្ទុកទំនិញលើសពី ៥តោន-១០តោន) តម្រូវឱ្យបង់ ០,១៩២ ដុល្លារ/គ.ម ស្មើនឹងប្រមាណជិត ៣៦ដុល្លារ  ក្នុង ១៨៧,០៥គីឡូម៉ែត្រ ។

-ប្រភេទ D

រថយន្តដឹកទំនិញ ដែលអាចផ្ទុកទំនិញលើសពី ១០តោន-២០តោន គឺតម្រូវឱ្យបង់ ០,២៥៦ ដុល្លារ/គ.ម ស្មើនឹងប្រមាណជាជាង ៤៧ដុល្លារ  ក្នុង ១៨៧,០៥គីឡូម៉ែត្រ ។

-ប្រភេទ E

រថយន្តដឹកទំនិញ ដែលអាចផ្ទុកទំនិញលើសពី ២០តោនឡើងទៅ គឺតម្រូវឱ្យបង់ ០,៣២ ដុល្លារ/គ.ម ស្មើនឹងប្រមាណជាជាង ៥៩ដុល្លារ  ក្នុង ១៨៧,០៥គីឡូម៉ែត្រ ។

គួរបញ្ជាក់ថា តារាងតម្លៃដែលបានចេញនេះ  គឺមានការបញ្ចុះតម្លៃ ២០% រយៈពេល ១ឆ្នាំ ចាប់ពីថ្ងៃទី០១ ខែវិច្ឆិកា ឆ្នាំ២០២២ រហូតដល់ថ្ងៃទី៣១ ខែតុលា ឆ្នាំ២០២៣៕