ព័ត៌មានជាតិ

ជនសង្ស័យសារភាព ហេតុការណ៍ មុនបាញ់សម្លាប់នាយរងការិយាល័យ ព្រហ្មទណ្ឌកម្រិតស្រាល

បានផុស

៥ years មុន

នៅ

ថ្ងៃចន្ទ ៤ មករា ២០២១

ដោយ

ជនសង្ស័យម្នាក់ ដែលជាបក្ខពួកជនល្មើសដែលសមត្ថកិច្ចស្រាវជ្រាវចាប់ខ្លួនបាននៅក្រុងបាត់ដំបង បានប្រាប់ដំណើររឿង មុនឈានទៅបាញ់សម្លាប់នាយរងការិយាល័យ ព្រហ្មទណ្ឌកម្រិតស្រាល នៃស្នងការដ្ឋានរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមចម្លើយសារភាពរបស់ជនសង្ស័យឈ្មោះ កែ ចាន់មាន បានអោយដឹងថា កាលពីយប់ថ្ងៃ២៩ខែធ្នូ ឆ្នាំ២០២០ ខ្លួនបានចេញពីផឹកស៊ី ហើយបើករថយន្តជូនឈ្មោះ រ៉េន (ជនដៃដល់) ទៅផ្ទះនៅម្តុំកំបូលទាំងស្រវឹង។ ពេលមកដល់កន្លែងកើតហេតុ ខ្លួនបានបើករថយន្តបុកគូថរថយន្តជនរងគ្រោះពីក្រោយ។ បន្ទាប់មកជនរងគ្រោះបានបើករថយន្ដកាក់ពីមុខរថយន្តខ្លួន និងបានយកអាវុធខ្លីភ្ជង់ខ្លួន ដើម្បីអោយអែបកៀន ព្រមទាំងប្រើពាក្យសម្តីជេរប្រមាថមកលើខ្លួនទៀតផង ទើបឈ្មោះ រ៉េន(ជនដៃដល់) មានកំហឹង ហើយប្រាប់ខ្លួនអោយនៅស្ងៀម ចាំធ្វើតែតាមគេប្រាប់បានហើយ ។ ពេលកំពុងចរចារគ្នារឿងគ្រោះថ្នាក់ចរាចណ៍ ដោយឃើញជនរងគ្រោះធ្វេសប្រហែស ឈ្មោះ រ៉េន ក៏បានដកអាវុធខ្លីដែលសៀតនៅនឹងចង្កេះបាញ់ទៅលើជនរងគ្រោះ រួចប្រាប់ឲ្យខ្លួនបើករថយន្តគេចពីកន្លែងកើតហេតុតែម្តង ។

សូមបញ្ជាក់ថា ករណីបាញ់ប្រហារនេះ បានកើតឡើងកាលពីវេលាម៉ោង១២និង៥នាទី រំលងអាធ្រាត្រឈានចូលថ្ងៃទី៣០ ខែធ្នូ ឆ្នាំ២០២០ នៅចំណុចមហាវិថីសហព័ទ្ធរុស្ស៊ី ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ។

រហូតមកដល់ពេលនេះ សមត្ថកិច្ចបានឃាត់ខ្លួនបក្ខពួកជនដៃដល់បានម្នាក់ហើយ ដែលជាអ្នកបើករថយន្ដ ចំណែកជនដៃដល់សមត្ថកិច្ចកំពុងស្រាវជ្រាវយ៉ាងយកចិត្តទុកដាក់ ដើម្បីឈានដល់ការឃាត់ខ្លួនយកមកផ្ដន្ទាទោសតាមផ្លូវច្បាប់៕

អត្ថបទ ៖ សុខុម