ព័ត៌មានជាតិ

អភិបាលស្រុកសំរោងទទួលស្គាល់ថា ពិតជាមានរថយន្តដឹកដីធ្វើអាជីវកម្មឆ្លងកាត់បរិវេណប្រាសាទសែនភូវាំង

បានផុស

៥ years មុន

នៅ

ថ្ងៃចន្ទ ៤ មករា ២០២១

ដោយ

តាកែវ ៖ លោកកែត ម៉ៅ អភិបាលស្រុកសំរោង ទទួលស្គាល់ថា ពិតជាមានរថយន្តបែនដឹកដី ធ្វើអាជីវកម្ម ឆ្លងកាត់បរិវេណប្រសាទបុរាណនៅចំណុចភូមិអំពិល ឃុំស្លា ស្រុកសំរោង ខេត្តតាកែវ ពិតមែនកាលពីប៉ុន្មានថ្ងៃមុននេះ តែមកត្រឹមរសៀលថ្ងៃទី០៤ ខែមករា ឆ្នាំ២០២១ នេះ ខាងមន្ទីរវប្បធម៌និងវិចិត្រសិល្បៈខេត្តក៏ដូចជាអាជ្ញាធរស្រុកលោកបានចុះហាមឃាត់និងធ្វើកិច្ចសន្យាបញ្ឈប់ការធ្វើអាជីវកម្មដឹកដីឆ្លងកាត់តាមតំបន់ប្រាសាទបុរាណនេះរួចរាល់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលស្រុកបន្ថែមទៀតថា នេះជាការធ្វេសប្រហែសរបស់អាជ្ញាធរលោក ដែលបណ្តោយឲ្យមានឈ្មួញដឹកដីតាមរថយន្តបែនធំៗឆ្លងកាត់បរិវេណប្រាសាទបុរាណមួយនេះ ព្រោះលោកមិនបានចាប់អារម្មណ៍ ដោយគិតថា ផ្លូវនេះជាផ្លូវចាស់ដែលប្រជាពលរដ្ឋតែងតែធ្វេីចរាចរដឹកកសិផលឆ្លងកាត់ជាធម្មតា លុះដល់លេចឮដំណឹងខាងលើនេះ អាជ្ញាធរលោកក៏បានចុះទៅពិនិត្យនឹងបានធ្វើការហាមឃាត់ភ្លាមៗផងដែរ។

ជាមួយគ្នានេះ ដែរលោក កេត ម៉ៅ អភិបាលស្រុកសំរោង បានបញ្ជាក់ថា ករណីនេះ គឺប្រជាពលរដ្ឋដែលរស់នៅភូមិអំពិល គាត់បកដីស្រែនៅខាងជើងប្រាសាទ គឺគាត់ចុះបកដីដឹកថ្ងៃសៅរ៍ លុះ ថ្ងៃអាទិត្យ ម្សិលមិញកម្លាំងលោកបានចុះហាមឃាត់ ហើយបើគិតជាជើងបានប្រហែល៣៥ទៅ៣៦ឡានប៉ុណ្ណោះ៕
ដោយ ៖ វីរៈ