ព័ត៌មានជាតិ
នាយករដ្ឋមន្ត្រីនូវែលសេឡង់ វាយតម្លៃខ្ពស់ចំពោះការខិតខំប្រឹងប្រែងរបស់សម្ដេចតេជោ លើបញ្ហាមីយ៉ាន់ម៉ា
នាយករដ្ឋមន្ត្រីនូវែលសេឡង់ បានវាយតម្លៃខ្ពស់ ចំពោះការខិតខំប្រឹងប្រែងរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ ២០២២ ក្នុងការជួយស្វែងរកដំណោះស្រាយលើបញ្ហាមីយ៉ាន់ម៉ា។
ការវាយតម្លៃយ៉ាងដូច្នេះ គ្រាដែលសម្ដេចតេជោ ហ៊ុន សែន បានទទួលជួបពិភាក្សាការងារជាមួយលោកស្រី Jacinda Ardern នាយករដ្ឋមន្ត្រីនូវែលសេឡង់ កាលពីរសៀលថ្ងៃទី ១៣ ខែវិច្ឆិកា ឆ្នាំ ២០២២ គ្រាដែលលោកស្រីអញ្ជើញមកចូលរួម ក្នុងកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំពាក់ព័ន្ធនៅកម្ពុជា។
សម្ដេចតេជោ ហ៊ុន សែន និងលោកស្រីនាយករដ្ឋមន្ត្រីនូវែលសេឡង់ បានពិភាក្សាគ្នាលើប្រធានបទ ៣៖ ទី ១) គឺកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ, ទី ២) គឺបញ្ហាតំបន់ និងទី ៣) គឺកិច្ចសហប្រតិបត្តិការទ្វេភាគីរវាងកម្ពុជា និងនូវែលសេឡង់។ សម្រាប់ប្រធានបទទី ១ លោកស្រីនាយករដ្ឋមន្ត្រី បានគោរពវាយតម្លៃខ្ពស់ ចំពោះការដឹកនាំប្រជុំកំពូលអាស៊ាន និងកិច្ចប្រជុំពាក់ព័ន្ធ ទទួលបានជោគជ័យយ៉ាងត្រចះត្រចង់។
ប្រធានបទទី ២ លោកស្រី បានគោរពវាយតម្លៃខ្ពស់ ចំពោះការខិតខំប្រឹងប្រែងរបស់សម្ដេចតេជោ ក្នុងការជួយស្វែងរកដំណោះស្រាយលើបញ្ហាមីយ៉ាន់ម៉ា លើកទឹកចិត្ត និងជំរុញមីយ៉ាន់ម៉ា ឲ្យអនុវត្តនូវកិច្ចព្រមព្រៀងឯកច្ឆន្ទ ៥ចំណុច របស់មេដឹកនាំអាស៊ាន ដើម្បីជួយមីយ៉ាន់ម៉ា ស្វែងរកសន្តិភាព ស្ថេរភាព ត្រឡប់ទៅរកភាពប្រក្រតី និងមាគ៌ាប្រជាធិបតេយ្យ និងដើម្បីនាំអាស៊ានត្រឡប់មកចំនួន ១០ប្រទេសវិញ។
ប្រធានបទទី ៣ សម្ដេចតេជោ ហ៊ុន សែន និងលោកស្រីនាយករដ្ឋមន្ត្រី បានឯកភាពគ្នា ជំរុញបង្កើនសកម្មភាពពាណិជ្ជ កម្មរវាងប្រទេសទាំងពីរ តាមរយៈការជំរុញពាណិជ្ជកម្មដែលមានស្រាប់ និងរកសក្ដានុពលដែលមានទៀតដូចជា វិស័យអប់រំ វិស័យសេដ្ឋកិច្ច វិនិយោគ វិស័យតភ្ជាប់ ក៏ដូចជាវិស័យកសិកម្ម ដែលអ្នកវិនិយោគ នូវែលសេឡង់ អាចមកបណ្ដាក់ ទុនវិនិយោគ ១០០ភាគរយ សម្រាប់បង្កើតរោងម៉ាស៊ីនកិនស្រូវ ឡសំងួត ឃ្លាំង និងប្រមូលទិញស្រូវពីកសិករកម្ពុជា កិនហើយនាំចេញទៅប្រទេសនូវែលសេឡង់ផង ឬនាំចេញទៅប្រទេសដទៃទៀតផង៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល