ព័ត៌មានជាតិ
ទូតអាមេរិក ៖ កម្ពុជា ទទួលបានការកោតសរសើរ និងគាំទ្រយ៉ាងខ្លាំង ចំពោះការរៀបចំកិច្ចប្រជុំកំពូលអាស៊ាន
ឯកអគ្គរដ្ឋទូតអាមេរិកប្រចាំកម្ពុជា បានលើកឡើងថា ភាពជាម្ចាស់ផ្ទះរបស់កម្ពុជា ក្នុងការរៀបចំកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធ ទទួលបានការកោតសរសើរ និងការគាំទ្រយ៉ាងខ្លាំង។ ការលើកឡើងខាង លើនេះ គ្រាដែលសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ បានអនុញ្ញាតឲ្យលោក Patrick Murphy ឯកអគ្គរដ្ឋទូតអាមេរិកប្រចាំកម្ពុជា ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួងការពារជាតិ កាលពីថ្ងៃទី ១៤ ខែវិច្ឆិកា ឆ្នាំ ២០២២។
យោងតាមការផ្សព្វផ្សាយនៅលើទំព័រហ្វេសប៊ុក របស់នាយកដ្ឋានព័ត៌មាន ក្រសួងការពារជាតិកម្ពុជា នៅថ្ងៃទី ១៥ ខែវិច្ឆិកានេះ បានឲ្យដឹងថា នៅក្នុងជំនួបនេះ សម្ដេចពិជ័យសេនា ទៀ បាញ់ ជំនួសមុខឲ្យសម្ដេចតេជោនាយករដ្ឋមន្ត្រី បានបង្ហាញក្ដីសប្បាយរីករាយ និងអំណរគុណដល់លោកឯកអគ្គរដ្ឋទូតអាមេរិក ដែលបានផ្ដល់កិច្ចសហប្រតិបត្តិការយ៉ាងល្អ ជាមួយថ្នាក់ដឹកនាំរាជរដ្ឋាភិបាលកម្ពុជា ក្នុងការអញ្ជើញប្រធានាធិបតីអាមេរិក លោក Joe Biden មកកាន់ប្រទេស កម្ពុជា ដើម្បីចូលរួមក្នុងកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធ ដែលនេះសបញ្ជាក់ឲ្យឃើញ ពីការយកចិត្តទុកដាក់របស់រដ្ឋាភិបាលអាមេរិក ចំពោះអាស៊ាន។
ចំណែកលោក Patrick Murphy ក៏បានអំណរគុណចំពោះសម្ដេចពិជ័យសេនា ដែលបានផ្ដល់ពេលវេលាមុនគេ អនុញ្ញាតឲ្យលោកបានចូលជួបសម្ដែងការគួរសម និងពិភាក្សាការងារ បន្ទាប់ពីបញ្ចប់កិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ។ ជំនួសមុខឲ្យរដ្ឋាភិបាលអាមេរិក ពិសេសលោកប្រធានាធិបតី Joe Biden លោកឯកអគ្គរដ្ឋទូតអាមេរិក បានសម្តែងការអបអរសាទរជាមួយរាជរដ្ឋាភិបាល និងប្រជាជនកម្ពុជា ដែលបានទទួលជោគជ័យយ៉ាងត្រចះត្រចង់ ក្នុងការរៀបចំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធក្នុងឆ្នាំ ២០២២នេះ។
លោក Patrick Murphy មានប្រសាសន៍ថា ភាពជាម្ចាស់ផ្ទះ ក្នុងការរៀបចំកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធ ក្រោមការដឹកនាំរបស់រាជរដ្ឋាភិបាលកម្ពុជា ជាម្ចាស់ផ្ទះ និងជាប្រធានអាស៊ាន បានទទួលនូវការកោតសរសើរ និងការគាំទ្រយ៉ាងខ្លាំងពីសំណាក់ប្រធានាធិបតីអាមេរិក លោក Joe Biden និងមេដឹកនាំអាស៊ាន ពិសេសមេដឹកនាំសំខាន់ៗរបស់ពិភពលោក ដែលបានចូលរួម។
លោកថា ភាពជោគជ័យដ៏ត្រចះត្រចង់ ក្នុងការដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធទាំងនេះ គឺជាកិត្តិយសជាតិ មោទនភាពជាតិ និងកិត្យានុភាពជាតិកម្ពុជាដ៏សម្បើមមួយ សម្រាប់ប្រជាជាតិ និងប្រជាជនកម្ពុជាទាំង មូល។ តាមរយៈសម្ដេចពិជ័យសេនា ទៀ បាញ់ លោកឯកអគ្គរដ្ឋទូតអាមេរិក បានបញ្ជាក់ថា លោក Joe Biden បានអរគុណចំពោះសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ ២០២២ ដែលបានផ្ញើសារ យ៉ាងច្បាស់ ចំពោះការឈ្លានពានរបស់រុស្ស៊ី ទៅកាន់ប្រទេសអ៊ុយក្រែនោះ។
សូមជម្រាបថា ប្រទេសកម្ពុជា ក្នុងនាមជាប្រធានអាស៊ានឆ្នាំ ២០២២នេះ បានរៀបចំកិច្ចប្រជុំកំពូលអាស៊ានលើកទី ៤០ -៤១ និងកិច្ចប្រជុំកំពូលពាក់ព័ន្ធ ចាប់ពីថ្ងៃទី ១០ ដល់ថ្ងៃទី ១៣ ខែវិច្ឆិកា ឆ្នាំ ២០២២ ប្រកបដោយភាពរលូន និងប្រកប ដោយជោគជ័យយ៉ាងត្រចះត្រចង់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង