ព័ត៌មានជាតិ
បញ្ហាទឹកស្អាត ផ្លូវ និងអគ្គិសនី ត្រូវបានពលរដ្ឋលើកសំណើទៅកាន់ក្រុមប្រឹក្សាខេត្តកោះកុង
ប្រជាពលរដ្ឋ រស់នៅក្នុងមូលដ្ឋានស្រុកមណ្ឌលសីមា បាននាំគ្នាលើកសំណើពីសេចក្តីត្រូវការចង់បានរបស់ខ្លួន ទៅកាន់ប្រធានក្រុមប្រឹក្សាខេត្តកោះកុង ដើម្បីជួយដោះស្រាយ នោះគឺតម្រូវទឹកស្អាត ផ្លូវបេតុង និងភ្លើងអគ្គិសនី ប្រើប្រាស់។
ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកោះកុង នៅក្នុងបរិវេនវត្តចាំយាម ស្ថិតភូមិថ្មី ឃុំប៉ាក់ខ្លង លោក សុខ វណ្ណី និងអ្នកស្រី ស៊ុន គី បានរៀបរាប់ពីផលលំបាកពេលគ្មានទឹកស្អាត ផ្លូវបេតុង និងភ្លើងអគ្គិសនីតភ្ជាប់មកដល់លំនៅដ្ឋាន គ្រាបញ្ហាទន្ទឹងរង់ចាំដំណោះស្រាយពីអាជ្ញាធរ និងមន្ទីរជំនាញ។
តំណាងប្រជាពលរដ្ឋ អះអាងថា ពួកគាត់ប្រើប្រាស់ទឹកអណ្តូង ហាក់មិនសូវមានសុវត្ថិភាពចំពោះបរិភោគប្រចាំថ្ងៃនោះទេ។ ម៉្យាងទៀត លំបាកលំមានការខូចខាតច្រើនកន្លែងពិបាកធ្វើដំណើរទៅមក ហើយពេលយប់ត្រូវភ្លើងសូឡា ឬត្រូវសុំពលរដ្ឋក្បែរជិតខាងតភ្ជាប់ដោយមានតម្លៃថ្លៃ។ បញ្ហាទាំងនេះ កើតមាននៅក្នុងភូមិចាំយាម និងភូមិនាងកុក។
ដោយឡែកលោក កាយ សំរួម ប្រធានក្រុមប្រឹក្សាខេត្តកោះកុង ទទួលយកសំណើរបស់ពលរដ្ឋដែលលើកឡើង ដោយចាត់ប្រធានមន្ទីរសាធារណការ មន្ទីរឧស្សហកម្ម និងក្រុមហ៊ុនអគ្គិសនី ពន្យល់បកស្រាយទៅកាន់ប្រជាពលរដ្ឋ ដើម្បីជ្រាបជាព័ត៌មាន។
លោកប្រធានក្រុមប្រឹក្សាខេត្ត ថ្លែងថា ឆ្លើយតបសំណូមពររបស់នប្រជាពលរដ្ឋ រដ្ឋបាលខេត្ត ទទួលយកមកពិចារណា និងកែទម្រង់ក្នុងការផ្តល់សេវានានារបស់ខ្លួន និងការពង្រឹងសន្តិសុខ សណ្តាប់ធ្នាប់សង្គមសំដៅធ្វើយ៉ាងណា លើកកម្ពស់ជីវភាពរស់នៅរបស់ប្រជាពលរដ្ឋ ឲ្យកាន់តែល្អប្រសើរឡើង។
លោក កាយ សំរួម ក៏ថ្លែងអំណអរគុណចំពោះមតិមតិយោបល់របស់ពលរដ្ឋម្ចាស់ឆ្នោត ដែលជាមូលដ្ឋានមួយឆ្លុះបញ្ចាំង នូវចំណុចខ្វះខាតដែលរដ្ឋបាលខេត្ត បានអនុវត្តកន្លងមក ដើម្បីពិនិត្យដោះស្រាយទៅតាមដំណាក់កាលនីមួយៗឲ្យស្របតាមតម្រូវការរបស់ពលរដ្ឋ នៅក្នុងមូលដ្ឋាន៕
អត្តបទ៖ សិរីវឌ្ឍនៈ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន