ព័ត៌មានជាតិ

លោកសុខ ទូច ៖ អ្នករស់នៅតំបន់ជុំវិញបឹងទន្លេសាបស្អប់ខ្ញុំជាង២ឆ្នាំមកហើយ

បានផុស

៤ years មុន

នៅ

ថ្ងៃចន្ទ ២ មករា ២០២៣

ដោយ

លោកបណ្ឌិតសភាចារ្យ សុខ ទូច បានសរសេរនៅលើបណ្ដាញសង្គមកាលពីយប់ថ្ងៃទី២ ខែមករា ឆ្នាំ២០២៣នេះថា “រយៈពេលជាង២ឆ្នាំមកហើយ ដែលអ្នករស់នៅតំបន់ជុំវិញបឹងទន្លេសាបស្អប់ខ្ញុំ” ទន្ទឹមនឹងនេះ ខ្ញុំបាទសូមគោរពអរគុណដល់ស្ថាប័នដែលពាក់ព័ន្ធ ពិសេសសូមគោរពថ្លែងអំណរគុណជូនចំពោះសម្តេចតេជោ នាយករដ្ឋមន្ត្រី ដែលបានជួយគាំទ្រដល់ការសិក្សាស្រាវជ្រាវគម្រោងរបស់រាជបណ្ឌិត្យសភាកម្ពុជាស្តីពី«បឹងទន្លេសាប»”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិតសភាចារ្យសុខ ទូច បានឲ្យដឹងទៀតថា ដោយមានការរួមសហការជាមួយអាជ្ញាធរដែលពាក់ព័ន្ធយើងបានហាមឃាត់៨ចំណុច ទី១-មិនឱ្យមានការដាក់ព្រួលជាប់ៗគ្នា។ ការមិនឱ្យដាក់ព្រួលជាប់គ្នានេះ ហើយដែលអាចធ្វើឱ្យត្រីអាចបំលាស់ទីទៅកាន់ទីឆ្ងាយៗបានដើម្បីរកចំណីនិងដើម្បីពង។ ទី២- មិនឱ្យមានការដាក់ស្បៃមុងក្រឡាល្អិត។ ទី៣-មិនឱ្យចូលនេសាទនៅតំបន់អភិរក្ស។

ទី៤-មិនឱ្យនេសាទនៅរដូវត្រីពង។ ទី៥- មិនឱ្យធ្វើស្រែនៅតំបន់៣ ព្រោះពេលដែលធ្វើស្រែ បងប្អូនបាញ់ថ្នាំសម្លាប់សត្វល្អិត ដែលវាប៉ះពាល់ទៅដល់សត្វត្រីនិងជីវចម្រុះនានានៅក្នុងបឹងទន្លេសាប។

ទី៦- មិនឱ្យដាក់ស្បៃមុងក្រឡាល្អិតនៅក្នុងតំបន់ព្រៃលិចទឹក ។ ទី៧- មិនឱ្យបំផ្លាញព្រៃលិចទឹកដែលជាជង្រុកនៃចំណីត្រី និងជាកន្លែងផ្តល់ជម្រកសម្រាប់ត្រីពង នារដូវវស្សា។ ទី៨- មិនឱ្យមានបទល្មើស ឆក់ត្រីគ្រប់ប្រភេទ។