ព័ត៌មានជាតិ
ពលរដ្ឋ ស្នើសមត្ថកិច្ចចុះពិនិត្យ សង្ឃត្រាច់ចរបិណ្ឌបាត្រតាមផ្សារ ជាសង្ឃពិត ឬក្លែងក្លាយ
ប្រជាពលរដ្ឋក្រុងសិរីសោភណ្ឌ ខេត្តបន្ទាយមានជ័យ ស្នើដល់សមត្ថកិច្ចគួរចុះពិនិត្យ សង្ឃ និងដូនជី ត្រាច់ចរបិណ្ឌបាត្រ និងអង្គាសបច្ច័យ គ្រប់ច្រកល្ហក ដោយសង្ឃទាំងនោះពុំឃើញមានពាក់កាតសម្គាល់សង្ឃ និងមិនដឹងថា សង្ឃពិតប្រាកដ ឬក្លែងក្លាយ។
ប្រជាពលរដ្ឋបានឱ្យដឹងបន្តថា មានសង្ឃ និងដូនជីជាច្រើនអង្គ-នាក់ បានចេញបិណ្ឌបាត្រ ត្រាច់ចរគ្រប់ច្រកល្ហក ពិសេសក្នុងផ្សារ ដោយមានស្ត្រីវ័យចំណាស់ស្លៀកពាក់សជាដូនជីមួយចំនួនតូច កាន់ក្រដាសកម្មវិធីបុណ្យ និងផ្ទិលដើរអង្គាសបច្ច័យតាមផ្ទះ និងតាមផ្សារ ដោយអះអាងថា យកទៅកសាងវត្ត។
ប្រជាពលរដ្ឋបានឱ្យដឹងទៀតថា សព្វថ្ងៃឃើញមានសង្ឃភាគច្រើនក្មេងៗ ព្រះជន្មពី ២០ ព្រះវស្សា ពោលពុំសូវមានសង្ឃចាស់ៗនោះទេ និមន្តបិណ្ឌបាត្រនៅតាមផ្លូវសាធារណៈ និងទីប្រជុំជន តាមផ្ទះ តាមផ្សារដែលមានមនុស្សប្រមូលផ្តុំច្រើន។ សង្ឃទាំងនោះមិនមានកាតសម្គាល់សង្ឃ ជួននិមន្តបិណ្ឌបាត្ររហូតផុតវេលាចង្ហាន់ថ្ងៃត្រង់ មានសង្ឃខ្លះស្រែគំហកខ្លាំងៗដាក់ម្ចាស់ផ្ទះឱ្យដាក់បាត្រ ពេលខ្លះសង្ឃបិណ្ឌបាត្រសុំសៀវភៅធម៌ ដោយឱ្យម្ចាស់ផ្ទះប្រគេនជាបច្ច័យ ឬលុយវិញ ដែលពេលគិតជាលុយជិតរយដុល្លារ។
លោក បៀវ ថាន ប្រធានមន្ទីរ ធម្មការ និងសាសនា ខេត្តបន្ទាយមានជ័យ បានឱ្យដឹងថា លោកពុំអនុញ្ញាត ឱ្យព្រះសង្ឃ លោកអាចារ្យ ដូនជី ដើរធ្វើសកម្មភាព រៃអង្គាសបច្ច័យ នៅតាមផ្លូវសាធារណៈ និងទីប្រជុំជន នៅក្នុងពិធីបុណ្យទានផ្សេងនោះឡើយ ពិសេសដើរចែកក្រដាសកម្មវិធីបុណ្យអង្គាសប្រាក់ តាមផ្ទះ នៅតាមផ្សារ ឬតាមទីសាធារណៈ ដែលមានមនុស្សប្រមូលផ្តុំច្រើន ព្រោះនាំឱ្យប៉ះពាល់ដល់វិន័យសង្ឃ និងមិនគាប់ភ្នែកដល់មហាជន និងធ្វើឱ្យបាត់បង់ជំនឿពុទ្ធបរិស័ទ។
គួររំលឹកថា កន្លងមក ក្រសួងធម្មការ និងសាសនា បានចេញសេចក្តីប្រកាសហាមឃាត់ សង្ឃ និងដូនជី ត្រូវបញ្ឃប់រាល់សកម្មភាពដើរត្រាច់ចរ គ្រប់ច្រកល្អក បិណ្ឌបាត ឬរៃអង្គាសបច្ច័យតាមទីផ្សារ ពិសេសពេលរដូវបុណ្យទានមកដល់ ដែលនេះជាអំពេីខុសច្បាប់ជាតិសាសនា។ គណៈសង្ឃទាំងពីរគណៈ បានសំណូមពរដល់ព្រះសង្ឃ គណៈកម្មការវត្ត លោកអាចារ្យ តាជី យាយជី ត្រូវរៀបព្រះកាយ និងរៀបចំខ្លួន ដើម្បីពង្រឹងការប្រតិបត្តិសទ្ធាពុទ្ធបរិស័ទឱ្យបានត្រឹមត្រូវ តាមពុទ្ធានុញ្ញាត ហើយសូមចៀសឱ្យបាននូវភាពអវិជ្ជមាន ដែលធ្វើឱ្យបាត់បង់សទ្ធាជ្រះថ្លារបស់ពុទ្ធបរិស័ទ៕
អត្ថបទ៖ វ៉ាន់ ណាង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង