ព័ត៌មានជាតិ

មន្ត្រីក្រសួងសង្គមកិច្ច បានចុះថតវីដេអូជុំវិញសកម្មភាពឧបត្ថម្ភប្រាក់ ដើម្បីបញ្ចៀសនូវបញ្ហាមិនប្រក្រតី

បានផុស

៥ years មុន

នៅ

ថ្ងៃចន្ទ ១១ មករា ២០២១

ដោយ

ដើម្បីបញ្ចៀសបញ្ហាមិនប្រក្រតីកើតឡើង ពិសេសការយល់ច្រឡំឈ្មោះឬអត្តសញ្ញាណនៃសកម្មភាពទទួលការឧបត្ថម្ភសាច់ប្រាក់ពីរាជរដ្ឋាភិបាលជូនស្ត្រីមានផ្ទៃពោះ និងកុមារអាយុក្រោម២ឆ្នាំទូទាំងប្រទេសនោះ ក្រុមការងារនាយកដ្ឋានសុខុមាលភាពសង្គម និងក្រុមការងារមន្ទីរស.អ.យ ខេត្តត្បូងឃ្មុំ បានបន្តចុះថតវីដេអូទុកជាឯកសារដល់ស្នាក់ការឃុំសង្កាត់ផ្ទាល់តែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សព្វផ្សាយរបស់នាយកដ្ឋានសុខុមាលសង្គម ថ្ងៃនេះបានបញ្ជាក់ថា ក្រោយពីទទួលបានគោលនយោបាយជាតិគាំពារសង្គម (២០១ ៦-២០២៥) រាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនដល់គ្រួសារក្រីក្រ និងងាយរងគ្រោះពិសេស ដែលទទួលផលប៉ះបាល់ដោយសារជំងឺរាតត្បាតកូវីដ១៩ លើកទី៣ ជុំទី៣នៅថ្ងៃទី២៤ មករាឆ្នាំ២០២១នេះតាមរយៈក្រសួងសង្គមកិច្ចអតីតយុទ្ធជន និងយុវនីតិសម្បទា ហើយថ្ងៃនេះក្រមការងាររបស់នាយកដ្ឋានសុខុមាលភាពសង្គម បានបន្តចុះថតវីដេអូទុកជាឯកសារនៅស្រកពញាក្រែក ខេត្តត្បូងឃ្មុំដើម្បីបញ្ចៀសបញ្ហាយល់ច្រឡំឈ្មោះ ឬអត្តសញ្ញាណនូវសកម្មភាពឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំទូទាំងប្រទេស។ នាយកដ្ឋានសុខុមាលភាពសង្គម បានបន្តធ្វើការអំពាវនាវបន្ថែមទៀត ដល់គ្រួសារក្រីក្រនិងងាយរងគ្រោះទូទាំងប្រទេស មកពិនិត្យឈ្មោះតាមមូលដ្ឋាន ឃុំ សង្កាត់ ដែលរស់នៅស្នាក់អាស្រ័យរៀងៗខ្លួនឲ្យបានមុនថ្ងៃទី២៤ ខែមករា ខាងមុខនេះ ដើម្បីបន្តទទួលសាច់ប្រាក់ឧបត្ថម្ភពីរាជរដ្ឋាភិបាលរយៈពេល៣ខែទៀតឲ្យបានគ្រប់ៗគ្នា៕

អត្ថបទ៖ វិមាន

Related Topics:ប្រាក់ឧបត្ថម្ភស្ដ្រីកុមារ

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា