ព័ត៌មានជាតិ
ចាងហ្វាង TVFB និងលោក សុវណ្ណ រិទ្ធី ទៅជួបមន្ត្រីជាន់ខ្ពស់ក្រសួងព័ត៌មាន ដោយស្នើសុំឲ្យជួយនាំពាក្យអភ័យទោស
ក្រោយរងការរិះគន់ពីមជ្ឈដ្ឋាននានា ក្នុងរយៈពេលប៉ុន្មានថ្ងៃមកនេះ លោក សុវណ្ណ រិទ្ធី ជាអ្នកសារព័ត៌មាន បានទៅជួបលោក ផុស សុវណ្ណ អគ្គនាយក នៃអគ្គនាយកដ្ឋានព័ត៌មាន និងសោទស្សន៍ ក្រសួងព័ត៌មាន ដើម្បីសុំឲ្យជួយនាំពាក្យសុំទោសរបស់ខ្លួន ជូនលោករដ្ឋមន្រ្តីក្រសួងព័ត៌មាន ចំពោះការប្រព្រឹត្តហួសតួនាទីជាអ្នកសារព័ត៌មាន កាលពីពេលថ្មីៗនេះ។
បើតាមការបង្ហោះនៅលើបណ្ដាញសង្គមហ្វេសប៊ុក នៅថ្ងៃទី ២៦ ខែមករានេះ លោក ផុស សុវណ្ណ អគ្គនាយក នៃអគ្គនាយកដ្ឋានព័ត៌មាន និងសោទស្សន៍ បានឲ្យដឹងថា៖ «លោកស្រី គឹម សុធា ហៅ លីណា ដែលជាចាងហ្វាងអង្គភាពសារព័ត៌មាន TVFB និងលោក សុវណ្ណ សុខា បាននាំលោក សុវណ្ណ រិទ្ឋី និងបុគ្គលិកមួយចំនួន មកសុំឲ្យជួយពាំនាំពាក្យសុំអត់អោន និងអភ័យទោស ពីឯកឧត្តមរដ្ឋមន្រ្តី និងថ្នាក់នាំក្រសួងព័ត៌មាន ក៏ដូចជារៀមច្បងជាអ្នកសារព័ត៌មានចំពោះការប្រព្រឹត្តជ្រុលជ្រួសពីបន្ទាត់វិជ្ជាជីវៈ នាពេលកន្លងទៅ»។
ពាក់ព័ន្ធនឹងករណីនេះដែរ ថ្លែងក្នុងពិធីប្រគល់សញ្ញាបត្រជូននិស្សិតនៅព្រឹកថ្ងៃដដែលនេះ សម្តេចតេជោ ហ៊ុន សែន ក្នុងនាមប្រមុខរាជរដ្ឋាភិបាល បានណែនាំឲ្យលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន ហៅអ្នកសារព័ត៌មានអនឡាញមកអប់រំអំពីក្រមសីលធម៌ និងវិជ្ជាជីវៈជាអ្នកសារព័ត៌មាន។
ទន្ទឹមនេះ សម្ដេចតេជោនាយករដ្ឋមន្ត្រី ក៏បានស្នើសុំកុំឲ្យមានការកើតឡើង នូវរឿងហេតុបែបនេះតទៅទៀត ដោយសម្ដេចចាត់ទុកករណីលោក សុវណ្ណ រិទ្ធី ជាបទពិសោធន៍ និងជាមេរៀនសម្រាប់អ្នកសារព័ត៌មានផ្សេងទៀត។
តែយ៉ាងណា សម្ដេចតេជោនាយករដ្ឋមន្ត្រី ក៏បានស្នើឲ្យបញ្ចប់ការវែកញែក លើរឿងជម្លោះរវាងអ្នកសារព័ត៌មាន និងអ្នកជួយលើកម៉ូតូ ក្នុងករណីគ្រោះថ្នាក់ចរាចរណ៍នេះ កុំឲ្យកាន់តែមានបញ្ហាធំតទៅទៀត៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ