លោក ណូយ វណ្ណា ជួបគ្រោះថ្នាក់តិចតួចរវាងរថយន្ត-រថយន្ត ខណៈព្រមព្រៀងជួសជុលរៀងខ្លួនបញ្ចប់រឿង

តារាចម្រៀងជើងចាស់ លោក ណូយ វណ្ណា ដែលជាប្អូនប្រុសបង្កើតលោក ណូយ វ៉ាន់ណេត បានជួបគ្រោះថ្នាក់ចរាចរណ៍ ដោយបើករថយន្តប៉ះជាមួយរថយន្ត​ជនបរទេសបណ្តាលឱ្យខូចខាតមួយផ្នែកខាងមុខ។ ករណីជួបគ្រោះថ្នាក់ចរាចរណ៍នេះ កើតឡើងនាវេលាម៉ោង ​២រំលងអាធ្រាត្រ​ឈានចូលថ្ងៃទី​១៥​ ខែឧសភា​ ឆ្នាំ​២០២៦​ស្ថិតនៅផ្លូវព្រះមុនីវង្ស ភូមិសាស្ត្ត្រសង្កាត់បឹងត្របែក​ ខណ្ឌចំការមន​ រាជធានីភ្នំពេញ​ ។

បើតាមការបញ្ជាក់ឱ្យដឹង តារាចម្រៀងលោក ណូយ វណ្ណា​ បានរៀបរាប់ថា មូលហេតុដែលបណ្តាលឱ្យមានការប៉ះគ្នានេះដោយសាររថយន្តខាងបរទេសឈប់ស្តុប ទើបលោកមកពីក្រោយហើយក៏ជ្រុលទៅប៉ះពីនក្រោយបន្តិច ប៉ុន្តែមិនបណ្តាលឱ្យមានការខូចខាតធ្ងន់ធ្ងរ ឬបង្ករបួសនោះឡើយ។

លោក ណូយ វណ្ណា និយាយទៀតថា អំឡុងពេលគ្រោះខាងលើនេះគឺលោកទើបតែចេញពីច្រៀងនៅហាងមួយកន្លែង។ទោះបីយ៉ាងណាក្រោយកើតហេតុភាគីទាំង២ បានចរចាគ្នាដោយមិនមានការទាមទារសំណងនោះទេពោលគឺសូមស្នើគ្នានិងយករថយន្តទៅជួសជុលរៀងខ្លួនដើម្បីបញ្ចប់រឿងនៅកន្លែងតែម្តង៕ ដោយ ៖ ចាន់រ៉ា