តុលាការសម្រេចឃុំខ្លួនគ្រូបង្រៀនដាក់ថ្នាំសណ្ដំសេពសន្ថវៈសិស្ស

លោកនាយករងវិទ្យាល័យនៅក្នុងស្រុកកំពង់ក្រឡាចត្រូវបានសមត្ថកិច្ចខេត្តកំពង់ឆ្នាំង បញ្ជូនទៅតុលាការឃុំខ្លួនហើយ បន្ទាប់ពីបានដាក់ថ្នាំសណ្ដំចាប់សេពសន្ថវៈកូនសិស្សស្រីខ្លួនឯង និងប្រើហិង្សា ថតរូបអាសអាភាសចែកចាយក្នុងបណ្ដាញសង្គម។

បុរសជនសង្ស័យឈ្មោះ ង៉ែត សុខខេង អាយុ ៤០ ឆ្នាំ មុខរបរជានាយករងវិទ្យាល័យមួយនៅស្រុកកំពង់ត្រឡាច មានទីលំនៅក្នុងភូមិតាអត ឃុំពានី ស្រុកកំពង់ត្រឡាច ខេត្តកំពង់ឆ្នាំង។

តាមពាក្យបណ្ដឹងរបស់អាណាព្យាបាលកុមារីរងគ្រោះបានឲ្យដឹងថា លោកនាយករងរូបនេះបានដាក់ថ្នាំសណ្ដំចាប់រំលោភ ប្រើអំពើហិង្សាទៅ លើកូនស្រីគាត់ ជាអនីតិថិជន នៅថ្ងៃទី ១៦ ខែកុម្ភៈ ឆ្នាំ ២០២៣។

លោកប្រធានការិយាល័យនគរបាលប្រឆាំងការជួញដូរ និងការពារអនីតិ ជននៃស្នងការដ្ឋាននគរបាលខេត្តបានឲ្យដឹងទៀតថា យោងតាមការ ស្រាវជ្រាវ និងស៊ើបអ ង្កេតរបស់សមត្ថកិច្ចជំនាញបានរកឃើញជនសង្ស័យប្រព្រឹត្តិបទល្មើសចំនួន ៤ លើក ទី១-ករណីរំលោភកុមារីជាអនីតិជនអាយុ ១៥ ឆ្នាំ ទី២-ពាក់ព័ន្ធនិងការចែកចាយរូបភាពអាភាសក្នុងបណ្តាញសង្គម ទី៣-គំរាមកំហែងបញ្ជាឲ្យប្រព្រឹត្តក្នុងលក្ខខណ្ឌអ្វីមួយ និងទី៤-ហិង្សាដោយចេតនា (តាមការពិនិត្យរូបភាពដែលទទួលបានជនរងគ្រោះពិតជាត្រូវ លោកគ្រូកំហូចធ្វើទារុណកម្មយ៉ាងសាហាវព្រៃផ្សៃលើខ្លួនប្រាណ និងមាន ស្នាមរបួសជាំពេញខ្លួនពិត ប្រាកដមែន)។ ប៉ុន្តែនៅចំពោះមុខសមត្ថកិច្ចជនសង្ស័យមិនបានឆ្លើយសារភាពនោះឡើយ។

សមត្ថកិច្ចជំនាញបានបញ្ជាក់ថា ជនសង្ស័យត្រូវបានលោកចៅក្រមស៊ើបសួររសម្រេចឃុំខ្លួនជាបណ្ដោះអាសន្ននៅថ្ងៃទី ២៣ ខែ កុម្ភៈ ឆ្នាំ២០២ ៣ ត្រូវបានដាក់ឱ្យស្ថិតនៅក្រោមការពិនិត្យពីបទចែកចាយរូបភាព និងសម្ភារៈអាភាសលើកុមារ តាមមាត្រា ៤១ នៃច្បាប់ស្ដីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ទី២ ហិង្សាដោយចេតនា តាមមាត្រា២១៧ ថែលប្រព្រឹត្តនៅភូមិសាលាលេខ៥ ឃុំអូឬស្សី ស្រុកកំពង់ត្រឡាចកាលពីថ្ងៃទី ១៦ ខែកុម្ភៈឆ្នាំ ២០២៣ និងក្នុងអំឡុងឆ្នាំ ២០២២ ផងដែរ៕

អត្ថបទ៖ ឈៀងថារិទ្ធ