ព័ត៌មានជាតិ
ការរៀបចំវិបស្សនាកម្មដ្ឋានជាការរួមចំណែកលើកស្ទួយវិស័យព្រះពុទ្ធសាសនា
លោក ថោង ខុន រដ្ឋមន្ត្រីក្រសួងទេសចរណ៍បានថ្លែងថា ពិធីបុណ្យសម្មាទានធុតង្គសម្មាធិ និងវិបស្សនាកម្មដ្ឋាន ជាពិធីបុណ្យដ៏ប្រពៃ និងជាគុណធម៌ដ៏ឧត្តមនាំមកសន្តិភាពផ្លូវចិត្តដល់មនុស្សជាតិ និងសង្គមទាំងមូល។
លោករដ្ឋមន្ត្រីចាត់ទុកពិធីបុណ្យនេះបានចូលរួមយ៉ាងសំខាន់ក្នុងការលើកកម្ពស់វិស័យព្រះពុទ្ធសាសនានៅកម្ពុជាដែលជាសាសនារបស់រដ្ឋ។
លោក ថោង ខុន ថ្លែងបែបនេះ កាលពីថ្ងៃទី ២៥ ខែកុម្ភៈ ឆ្នាំ២០២៣ ក្នុងឱកាសអញ្ជើញបិទវគ្គបតិបត្តិសមាទានធុតង្គ និងសមាធិវិបស្សនា ដែលបានរៀបចំឡើងរយៈពេល៧យប់៧ថ្ងៃ នៅគេហដ្ឋានរបស់លោករដ្ឋមន្ត្រី នៅស្រុកបារាយណ៍ ខេត្តកំពង់ធំ។
បើតាមលោករដ្ឋមន្ត្រី ថោង ខុន នាពេលបច្ចុប្បន្ន ព្រះសង្ឃនៃព្រះពុទ្ធសាសនា សីលវន្ត សីលវតី ឧបាសក ឧបាសិកា និងពុទ្ធបរិស័ទគ្រប់មជ្ឈដ្ឋាន បានខិតខំលើកកម្ពស់ ពង្រឹង និងពង្រីកការកសាងវត្តអារាមជាច្រើន ដែលមានដូចជា កុដិ ឧបដ្ឋានសាលា ព្រះវិហារ ជាដើម។
លោករដ្ឋមន្ត្រីបានបញ្ជាក់ថា ការរីកចម្រើនផ្នែកសម្ភារៈនេះ ព្រោះអាស្រ័យដោយប្រទេសកម្ពុជាមានសុខសន្តិភាព និងការអភិវឌ្ឍលើគ្រប់វិស័យ។
ដោយឡែកផ្នែកសីលធម៌សង្គម លោករដ្ឋមន្ត្រី បញ្ជាក់បន្ថែមថា ព្រះសង្ឃ បានដើរតួជាគំរូយ៉ាងសំខាន់ ពិសេសស្ថាប័នព្រះពុទ្ធសាសនា គឺជាគំរូល្អផ្នែកសីលធម៌ ចរិយាធម៌ និងជួយអប់រំផ្នែកសីលធម៌ ទឹកចិត្តកតញ្ញូ ជួយហាមឃាត់អំពើព្រៃផ្សៃផ្សេងៗក្នុងសង្គម។ ទន្ទឹមនេះ ព្រះពុទ្ធសាសនា បានសាបព្រួសបណ្តុះបណ្ដាលអប់រំ ជួយប្រៀនប្រដៅប្រជាជនគ្រប់ជាន់ថ្នាក់ឲ្យតាំងនៅក្នុងគន្លងសីលធម៌ល្អ។
លោក ថោង ខុន បានបន្ថែមថា ក្នុងនាមរដ្ឋមន្រ្តីក្រសួងទេសចរណ៍ លោកតែងតែផ្សព្វផ្សាយអំពីវិស័យទេសចរណ៍ និងវប្បធម៌ រួមទាំងព្រះពុទ្ធសាសនារបស់កម្ពុជាឲ្យភ្ញៀវជាតិ និងអន្តរជាតិ បានឃើញ និងចង់មកទស្សនាកម្សាន្តនៅកម្ពុជា។ ក្នុងន័យនេះ លោករដ្ឋមន្ត្រី បានសង្កត់ធ្ងន់ថា វត្តអារាមគួរតែកសាងឲ្យមានហេដ្ឋារចនាសម្ព័ន្ធច្បាស់លាស់ មានក្បូរក្បាច់រចនារស់រវើក ត្រូវចេះថែរក្សា និងឲ្យតម្លៃដល់ស្នាដៃអ្នកជំនាន់មុន ដើម្បីអាចទាក់ទាញភ្ញៀវជាតិ-អន្តរជាតិឲ្យមកទស្សនាផងដែរ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ