ក្រសួង​ប្រៃសណីយ៍​ ផ្តល់​អាហារូបករណ៍​១០០%​ចំនួន​១០០​កន្លែង​ សម្រាប់​ថ្នាក់​បរិញ្ញាបត្រ​ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ក្រសួង​ប្រៃសណីយ៍​ ផ្តល់​អាហារូបករណ៍​១០០%​ចំនួន​១០០​កន្លែង​ សម្រាប់​ថ្នាក់​បរិញ្ញាបត្រ​

Published

on

ភ្នំពេញ ​៖ ​ក្រសួង​ប្រៃសណីយ៍​និង​ទូរ​គម​នា គម​ន៍​បានផ្តល់​អាហារូបករណ៍​១០០​ភាគរយ​ចំនួន​១០០​កន្លែង​សម្រាប់​សិស្ស​ថ្នាក់​បរិញ្ញាបត្រ​សិក្សា​នៅ​បណ្ឌិត្យសភា​បច្ចេកវិទ្យា​ឌីជីថល​កម្ពុជា​រយៈពេល​៤​ឆ្នាំ​។

លោក ជា វា់ន់​ដេ​ត រដ្ឋមន្ត្រីក្រសួង​ប្រៃសណីយ៍​និង​ទូរគមនាគមន៍​បាន​ឲ្យ​ដឹង​នៅ​ថ្ងៃទី​១៤​មករា​នេះ​ថា​ក្រោម​ការ​យកចិត្តទុកដាក់​ខ្ពស់​លើ​ការ​កសាង​ធនធានមនុស្ស​ឆ្នើម​និង​អនាគត​យុវវ័យ​ក្នុង​យុគសម័យ​ឌីជីថល​សម្ដេច​អគ្គមហាសេនាបតី​តេ​ជោ​ហ៊ុន សែន បានសម្រេច​ផ្ដល់​អាហារូបករណ៍​១០០​ ដែល​មាន​ឈ្មោះថា​ «​អាហារូបករណ៍​ទេពកោសល្យ ឌីជីថល​តេ​ជោ​» ​ចំនួន​១០០​កន្លែង​សម្រាប់​សិស្ស​ថ្នាក់​បរិញ្ញាបត្រ​ចំនួន​៣​ទី​១​ទូរគមនាគមន៍​និង​បណ្ដាញ​ទី​២​វិទ្យាសាស្ត្រ​កុំព្យូទ័រ​និង​ទី​៣​ពាណិជ្ជកម្ម​អេ​ឡិច​ត្រូ​និ​ច​នៅ​បណ្ឌិត្យសភា​បច្ចេកវិទ្យា​ឌីជីថល​កម្ពុជា​។

លោក​រដ្ឋមន្ត្រី​បាន​បន្ត​ថា ​បេក្ខជន​ជ័យលាភី​ម្នាក់ៗ​នឹង​ទទួល​បាន​អាហារូបករណ៍​ដែល​មាន​តម្លៃ​សរុប​ប្រមាណ​១៧០០០​ដុល្លារ​សម្រាប់​ការសិក្សា​រយៈពេល​៤​ឆ្នាំ​ក្នុង​នោះ​រួមមាន​ប្រាក់ឧបត្ថម្ភ​១២០ ដុល្លារ​ក្នុង​មួយ​ខែ​ និង​ កុំព្យូទ័រ​ចំនួន​១​គ្រឿង​ហើយ​និស្សិត​ដែល​រៀន​ចប់​នឹង​មាន​ឱកាស​ចូល​បម្រើ​ការងារ​នៅ​ក្រសួង​ប្រៃសណីយ៍​និង​ទូរគមនាគមន៍​។

លោក​រដ្ឋមន្ត្រី​បាន​បន្ថែម​ទៀត​ថា ​បេក្ខជន​ដែល​មានបំណង​ស្នើសុំ​អាហារូបករណ៍​នេះ​ត្រូវមាន​សញ្ញាបត្រ​មធ្យមសិក្សា​ទុតិយភូមិ​ថ្នាក់​វិទ្យាសាស្ត្រ​និង​ជា​សិស្ស​ឆ្នើម​ហើយ​សិស្ស​មាន​ជីវភាព​ក្រីក្រ​និង​សិស្ស​នារី​ត្រូវបាន​លើកទឹកចិត្ត​។

លោក​រដ្ឋមន្ត្រី​បាន​បញ្ជាក់​ថា បេក្ខជន​ទាំងអស់​នឹង​ត្រូវ​ឆ្លងកាត់​ការ​ប្រលង​ដែល​រៀបចំ​តាម​ប្រព័ន្ធ​កុំព្យូទ័រ​លើ​វិញ្ញាសា​គណិតវិទ្យា​តក្ក​វិទ្យា រូបវិទ្យា​និង​ភាសា​អង់គ្លេស​ហើយ​បេក្ខជន​ដែល​មានបំណង​ស្នើសុំ​អាហារូបករណ៍​ខាងលើ​នេះ​សូម​ចុះឈ្មោះ​ប្រឡងប្រជែង​តាម​គេហទំព័រ​ចាប់ពី​ថ្ងៃ​ជូនដំណឹង​នេះ​រហូតដល់​ថ្ងៃទី​១៤​ខែកុម្ភៈ​ឆ្នាំ ២០២១​។

លោក​រដ្ឋមន្ត្រី​សង្ឃឹម​ជឿជាក់​យ៉ាង​មុតមាំ​ថា​ «​ក្មួយៗ​នឹងដាក់​ពាក្យ​ស្នើសុំ​ប្រឡងប្រជែង​អាហារូបករណ៍​ទេពកោសល្យ​ឌីជីថល​តេ​ជោ​នឹង​ខិតខំ​ប្រឹងប្រែង​រៀនសូត្រ​អភិវឌ្ឍ​ចំណេះដឹង​របស់​ខ្លួន ​ដើម្បី​ចូល​រួម​ចំណែក​អភិវឌ្ឍន៍​កម្ពុជា​ឆ្ពោះទៅ​សម្រេច​បាន​ចក្ខុវិស័យ​ក្លាយជា​ប្រទេស​មាន​ចំណូល​មធ្យម​កម្រិត​ខ្ពស់​នៅ​ឆ្នាំ​២០៣០​និង​ជា​ប្រទេស​មាន​ចំណូល​ខ្ពស់​នៅ​ឆ្នាំ​២០៥០៕

ដោយ ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា4 hours ago

កិច្ច​ពិគ្រោះ​យោបល់​លើ​សេចក្ដី​សេចក្ដីព្រាងច្បាប់​ស្ដីពី​ការគ្រប់គ្រង​វិស័យ​អប់រំ​កាយ និង​កីឡា

កីឡា4 hours ago

ក្រុមកីឡា​បាល់បោះ Yuetai Mekongers គ្រង​តំណែង​ជើងឯក​លី​ក “league” ឆ្នាំ​២០២០

ព័ត៌មានជាតិ4 hours ago

ព្រះសង្ឃ​មួយអង្គ​ យក​ខ្សែ​ភ្លើង​ចង.ក​បញ្ចប់ជីវិត​ ក្នុង​កុដិ​

ព័ត៌មានជាតិ4 hours ago

រដ្ឋមន្ត្រី​កសិកម្ម​ជំរុញ​ឲ្យ​សហគមន៍​ព្រៃឈើ​បង្កើន​ការចិញ្ចឹម​សត្វ ត្រី និង​ដាំ​បន្លែ​បន្ថែម​ដើម្បី​បង្កើន​ប្រភព​ចំណូល

ព័ត៌មានជាតិ5 hours ago

លោក​ចម ប្រសិទ្ធ អំពាវនាវ​ឲ្យ​អ្នក​វិនិយោគ​ឥណ្ឌា​មក​បណ្តាក់​ទុន​នៅ​កម្ពុជា​លើ​វិស័យ​អាទិភាព​ជាច្រើន​កំពុងតែ​រង់ចាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services