ព័ត៌មានជាតិ
ក្រសួងការងារ ដាក់ចេញវិធានការមួយចំនួនការពារសុវត្ថិភាពកម្មករនិយោជិត ពេលជំនន់ទឹកភ្លៀង
ក្រសួងការងារ និងបណ្ដុះបណ្ដាលវិជ្ជាជីវៈ បានដាក់ចេញនូវវិធានការមួយចំនួន ដើម្បីការពារសុវត្ថិភាពដល់កម្មករ-ការិនី តាមរោងចក្រ សហគ្រាស នៅពេលដែលមានជំនន់ទឹកភ្លៀង។
តាមរយៈសេចក្ដីណែនាំ ស្ដីពីវិធានការសុវត្ថិភាពនៅតាមរោងចក្រ សហគ្រាស ដែលអាចរងជំនន់ទឹកភ្លៀង ទទួលបានថ្ងៃនេះ បានឲ្យដឹងថា ដើម្បីបញ្ចៀសហានិភ័យការងារ និងបង្ការគ្រោះថ្នាក់ជាយថាហេតុណាមួយ បណ្ដាលមកពីជំនន់ទឹកភ្លៀង ក្រសួង សូមណែនាំដល់ម្ចាស់រោងចក្រសហគ្រាស និងកម្មករនិយោជិត ដែលស្ថិតនៅតំបន់អាចរងនូវជំនន់ទឹកភ្លៀង ត្រូវតាមដានជាប្រចាំនូវការព្យាករណ៍ឧតុនិយម និងត្រៀមគោលការណ៍ណែនាំ អំពីសុវត្ថិភាព និងវិធីសាស្ត្រជម្លៀសខ្លួនពេលមានទឹកលិច។
ត្រូវពិនិត្យមើលប្រព័ន្ធអគ្គិសនី និងត្រូវបិទចរន្តអគ្គិសនីជាបណ្ដោះអាសន្នភ្លាម ក្នុងករណីទឹកហូរចូលក្នុងអគារផលិតកម្ម និងបរិវេណរោងចក្រ សហគ្រាស។ ត្រូវយកចិត្តទុកដាក់ខ្ពស់ទីកន្លែងដែលមានស្តុកទុកសារធាតុគីមី និងត្រូវបិទធុងរក្សាសារធាតុគីមីឲ្យបានជិតល្អ ដើម្បីចៀសវាងការលេចធ្លាយប៉ះពាល់ដល់សុខភាពកម្មករនិយោជិត និងប្រជាពលរដ្ឋ។
ចំពោះកម្មករនិយោជិត ត្រូវគោរពតាមការណែនាំ និងចាត់ចែងរបស់និយោជក ពាក់ព័ន្ធនឹងវិធានការសុវត្ថិភាព។ ត្រូវចូលរួមសហការជាមួយនិយោជក ក្នុងការបង្ការ ទប់ស្កាត់ ការហូរចូលនូវចំនួនទឹកភ្លៀងក្នុងអគារផលិតកម្ម និងបរិវេណរោងចក្រសហគ្រាស។ បន្ថែមពីនោះ ត្រូវនៅឲ្យឆ្ងាយពីប្រភព ឬខ្សែភ្លើង ដែលចម្លងចរន្តអគ្គិសនី។
គួរបញ្ជាក់ថា រហូតមកដល់ពេលនេះ នៅមិនទាន់មានរោងចក្រសហគ្រាសណាមួយបានផ្អាកសង្វាក់ផលិតកម្មដោយជំនន់ទឹកភ្លៀងនៅឡើយទេ។ ប៉ុន្តែជំនន់ទឹកភ្លៀងនេះ បានបណ្តាលឲ្យមនុស្សស្លាប់១៨នាក់ របួស២នាក់ ប៉ះពាល់ប្រជាជនប្រមាណ ៥៣ ១៦៩ គ្រួសារ ស្មើនឹង ២១២ ៦៧៦ នាក់ និងជម្លៀសប្រជាពលរដ្ឋទៅរកទីទួលសុវត្ថិភាពប្រមាណ ៦ ២៩៨ គ្រួសារ ស្មើនឹង២៥ ១៩២ នាក់ ផ្ទះប៉ះពាល់ប្រមាណ ៥១១ ៣៣៩ ខ្នង ផ្ទះខូចខាត៥២ខ្នង សាលារៀនលិចទឹក ៤៣៩កន្លែង លិចស្រូវ និងដំណាំរួមផ្សំជាង២ម៉ឺនហិកតា និងហេដ្ឋារចនាសម្ព័ន្ធជាច្រើនទៀត៕
អត្ថបទ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន