ព័ត៌មានជាតិ
កំពង់ផែស្វយ័តក្រុងព្រះសីហនុពង្រីកគម្រោងអភិវឌ្ឍន៍ចំណតផែកុងតឺន័រជាបន្តបន្ទាប់
កំពង់ផែស្វយ័តក្រុងព្រះសីហនុបានពង្រីកគម្រោងសាងសង់ចំណតផែកុងតឺន័រថ្មី ជាបន្តបន្ទាប់ ចាប់តាំងពីចុងឆ្នាំ ២០២២ ដើម្បីឆ្លើយតបនឹងការកើនឡើងឥតឈប់ឈរចំនួននាវាកុងតែន័រធុនធំចូលចតក្នុងកំពង់ផែរបស់កម្ពុជា។
បើតាមរបាយការណ៍របស់កំពង់ផែស្វយ័តក្រុងព្រះសីហនុបានឲ្យដឹងថា ក្នុងឆ្នាំ២០២១ បរិមាណនៃកុងតឺន័រឆ្លងកាត់កំពង់ផែស្វយ័តក្រុងព្រះសីហនុមានចំនួន៧៣២ ៣៨៧ធីអ៊ីយូ ដែលកើនឡើង១៤.១ភាគរយ បើធៀបនឹងឆ្នាំ២០២០។
កំពង់ផែស្វយ័តក្រុងព្រះសីហនុ បានបញ្ជាក់ថា អត្រាកំណើននេះ លើសពីការរំពឹងទុក ទោះបីជាស្ថិតក្នុងកាលៈទេសៈមានការរីករាលដាលនៃជំងឺកូវីដ១៩ ជាសាកលក៏ដោយ ដែលនេះបានសបញ្ជាក់ឲ្យឃើញពីកំណើនសេដ្ឋកិច្ចដ៏រឹងមាំរបស់កម្ពុជា។
ដើម្បីឆ្លើយតបនឹងតម្រូវការដែលមានការកើនឡើងឥតឈប់ឈរចំពោះសមត្ថភាពក្នុងការទទួលនាវាកុងតែន័រធុនធំចូល ចតនេះ កំពង់ផែស្វយ័តក្រុងព្រះសីហនុ បានពង្រីកគម្រោងជាបន្តបន្ទាប់ ដោយចាប់ផ្ដើមដំណើរការសាងសង់ចំណត ផែកុងតែន័រថ្មី ជំហានទី១ កាលពីចុងឆ្នាំ២០២២ និងគ្រោងដាក់ឲ្យប្រតិបត្តិការ នៅចុងឆ្នាំ២០២៥ខាងមុខ។
គម្រោងអភិវឌ្ឍន៍ចំណតផែកុងតែន័រថ្មី ជំហានទី១នេះ គឺប្រើប្រាស់ហិរញ្ញប្បទានសម្បទានរបស់ទីភ្នាក់ងារសហប្រតិបត្តិការអន្តរជាតិជប៉ុន JICA ដែលមានទំហំទឹកប្រាក់សរុបប្រមាណ២០៣លានដុល្លារអាមេរិក។
ចំណតផែកុងតែន័រថ្មី ជំហានទី១ មានបណ្ដោយប្រវែង៣៥០ម៉ែត្រ និងជម្រៅទឹក -១៤.៥០ម៉ែត្រ ដោយមានសមត្ថភាពអាចអនុញ្ញាតឲ្យនាវាកុងតែន័រធុនធំដែលមានចំណុះផ្ទុក ៦ម៉ឺនDWT ស្មើប្រមាណ៤ពាន់ធីអ៊ីយូ ចូលចតបាន។ ជាចក្ខុវិស័យ កំពង់ផែស្វយ័តក្រុងព្រះសីហនុ ក៏បានពង្រីកគម្រោងសាងសង់ចំណតផែកុងតែន័រថ្មី ជំហានទី២ និងជំហានទី៣ ជាបន្តទៀត។
ចំណតផែកុងតែន័រទឹកជ្រៅថ្មី ជំហានទី២ ប្រវែង៤០០ម៉ែត្រ ម្រៅទឹក-១៦.៥០ម៉ែត្រ និងជំហានទី៣ ប្រវែង ៤៣០ម៉ែត្រ ជម្រៅទឹក-១៧.៥០ម៉ែត្រ នឹងអាចដាក់ឲ្យដំណើការក្នុងឆ្នាំ២០២៨-២០២៩ ដែលពេលនោះនឹងអាចអនុញ្ញាតឲ្យនាវាកុងតែន័រធុនធំដែលមានផ្លូវដឹកជញ្ជូនក្នុងតំបន់អាស៊ី-ប៉ាស៊ីហ្វិក អឺរ៉ុប និងអាមេរិក ចូលមកកាន់កម្ពុជាដោយផ្ទាល់ ហើយអាចកាត់បន្ថយតម្លៃ និងពេលវេលាក្នុងការដឹកជញ្ជូនទំនិញតាមផ្លូវសមុទ្រ។
តាមរយៈគម្រោងទាំងនេះ នឹងនាំឲ្យកំពង់ផែស្វយ័តក្រុងព្រះសីហនុក្លាយជាកំពង់ផែដ៏មានសក្តានុពល ជាពិសេស បានគាំទ្រដល់កំណើនសេដ្ឋកិច្ចជាតិ និងកាត់បន្ថយភាពក្រីក្ររបស់ប្រជាជនកម្ពុជា ហើយតភ្ជាប់ប្រទេសកម្ពុជាទៅកាន់តំបន់ និងពិភពលោកថែមទៀតផង៕
ដោយ៖ ធឿន វ៉ាន់សុង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត