ព័ត៌មានជាតិ
ត្រឹមតែ៨ថ្ងៃ ក្រុមការងារបច្ចេកទេស នៃមន្ទីរសាធារណការ ដោះស្រាយបញ្ហាផ្លូវខូចខាតបានជាង ១០កន្លែង
ក្រោមការខិតខំប្រឹងប្រែងយកចិត្តទុកដាក់យ៉ាងសកម្ម របស់ក្រុមការងារបច្ចេកទេស នៃមន្ទីរសាធារណការ និងដឹកជញ្ជូន រាជធានី-ខេត្ត ផ្លូវជាង ១០កន្លែង ត្រូវបានជួសជុលថែទាំហេដ្ឋារចនាសម្ព័ន្ធផ្លូវដែលខូចខាត និងស្តារប្រព័ន្ធលូឡើងវិញ ក្នុងរយៈពេលត្រឹមតែ ៨ថ្ងៃ ពោលគឺគិតចាប់ពីថ្ងៃទី១៧-២៥ ខែមេសា ឆ្នាំ២០២៣។ នេះបើតាមការឲ្យដឹង ពីក្រសួងសាធារណការ និងដឹកជញ្ជូន នៅរសៀលថ្ងៃទី២៦ ខែមេសានេះ។
ក្រសួងសាធារណការ និងដឹកជញ្ជូន បានឲ្យដឹងថា ក្រុមការងារបច្ចេកទេស នៃមន្ទីរសាធារណការ និងដឹកជញ្ជូនទាំង៨ រាជធានី-ខេត្ត ទាំង៨ រួមមាន ខេត្តត្បូងឃ្មុំ រតនគិរី បាត់ដំបង កែប កំពង់ចាម តាកែវ ស្ទឹងត្រែង និងរាជធានីភ្នំពេញ បានជួសជុលថែទាំលុបសំបុកមាន់ អ៊ុតកៅស៊ូ អ៊ុតចិញ្ចើមផ្លូវ គូសគំនូសចែកទ្រូងផ្លូវ-គំនូសចរាចរណ៍ និងស្តាប្រព័ន្ធលូ នៅតាមកំណាត់ផ្លូវជាតិ ក៏ដូចជាផ្លូវពាក់ព័ន្ធមួយចំនួនទៀត ដើម្បីសម្រួលការធ្វើដំណើរបងប្អូនប្រជាពលរដ្ឋ និងផ្តល់ភាពងាយស្រួល ក្នុងការដឹកជញ្ជូនទំនិញឆ្លងកាត់។
ក្នុងកិច្ចប្រតិបត្តិការនេះ ក្រុមការងារបច្ចេកទេស នៃមន្ទីរសាធារណការ និងដឹកជញ្ជូនរាជធានី-ខេត្ត គឺបានជួសជុលថែទាំ លើផ្លូវលេខ៧ លេខ៨ លេខ៧២ លេខ៧៦ លេខ៧៨-៥ លេខ៥ លេខ៥៧B លេខ៥៧B១ លេខ៣៣A លេខ៧១ និងលេខ៩ ។
ទន្ទឹមនឹងផ្លូវថ្នល់ស្អាតល្អ ក្រសួងសាធារណការ និងដឹកជញ្ជូន ក៏បានអំពាវនាវ ឲ្យបងប្អូនប្រជាពលរដ្ឋ កុំបំពានយកដីចំណីផ្លូវមកធ្វើអាជីកម្មជាប្រយោជន៍ផ្ទាល់ខ្លួន ជៀសវាងការចាក់ដីខ្ពស់ជាងផ្លូវ និងកុំដឹកទំនិញលើសទម្ងន់ ដើម្បីរក្សាផ្លូវថ្នល់ឱ្យមានភាពល្អប្រសើរ និងអាចប្រើប្រាស់បានយូរអង្វែង។ លើសពីនេះ ក្រសួងក៏ស្នើឲ្យរាយការណ៍មកក្រសួង ប្រសិនបើមានបញ្ហាផ្លូវថ្នល់ខូចខាតក្លាយជាជង្ហុកសំបុកមាន់ ដោយអាចរាយការណ៍ តាមកម្មវិធីថែទាំផ្លូវ (Road Care) ដើម្បីអាចចាត់ក្រុមការងារចុះជួសជុលថែទាំបានទាន់ពេលវេលា៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត